ខេត្តសិរីសាកេត

ខេត្តសិរីសាកេត (សៀម : ศรีสะเกษ , ខ្មែរសុរិន្ទ្រ : ซีซะเกด) គឺជាខេត្តមួយនៅក្នុងចំណោមខេត្តទាំង ៧៦ របស់ប្រទេសសៀមដែលមានទីតាំងស្ថិតនៅភាគឦសានខាងក្រោមប្រទេសសៀមឬដែលហៅម្យ៉ាងទៀតថាអ៊ីសាន។ខេត្តនេះមានព្រំប្រទល់ជាប់នឹងខេត្តសុរិន្ទ្រ ខេត្តសុវណ៌ភូមិ ខេត្តយសោធរៈ ខេត្តឧប្បលរាជធានី និង ខេត្តព្រះវិហារនិងខេត្តឧត្តរមានជ័យនៃព្រះរាជាណាចក្រកម្ពុជានៅភាគខាងត្បូង។​

ខេត្តសិរីសាកេត ศรีสะเกษ(សៀម) ซีซะเกด(ខ្មែរសុរិន្រ្ទ)
ប្រាសាទកំពែងធំ ប្រាសាទកំពែងធំ
ទង់ ត្រា
ផែនទីនៃខេត្តសិរីសាកេត ផែនទីនៃខេត្តសិរីសាកេត
ប្រទេស	សៀម(កម្ពុជាលើ)
ទីរួមខេត្ត	ក្រុងសិរីសាកេត
ផ្ទៃក្រឡា
• សរុប	៨៩៣៦ គម2 (៣៤៥០ ម៉ាយ ការ)
ចំណាត់ថ្នាក់ផ្ទៃក្រឡា	២១
ល្វែងម៉ោង	ICT (ម.ស.ស.+7)
លេខកូដប្រៃសណីយ៍	33xxx
លេខកូដហៅទូរស័ព្ទ	045
ក្រមអ.ម.អ. ៣១៦៦	TH-33
គេហទំព័រ	sisaket.go.th

ប្រវត្តិ

សំណង់ប្រាសាទបុរាណជាច្រើនរបស់ខ្មែរដែលបានរកឃើញនៅក្នុងខេត្តនេះបានបង្ហាញថាតំបន់នេះធ្លាប់ឋិតនៅក្រោមការគ្រប់គ្រងរបស់អាណាចក្រខ្មែរនិងមានសារៈសំខាន់ចំពោះប្រទេសកម្ពុជាយ៉ាងហោចណាស់ចាប់តាំងពីសតវត្សរ៍ទី ១២ បើទោះបីជាតំបន់នេះមានប្រជាជនរស់នៅមិនសូវច្រើនក៏ដោយ។បើតាមទំនៀមទម្លាប់ប្រពៃណីនៅក្នុងខេត្តនេះត្រូវបានស្គាល់ថាជាស្រីនគររំដួល(ศรีนครลำดวน)។ក្រោយមកត្រូវបានគេហៅថាខេត្តគោកខ័ណ្ឌវិញបន្ទាប់ពីទីក្រុងមួយបានកសាងនៅចុងសតវត្សរ៍ទី ១៥ នៃគ.សនៅក្នុងរជ្ជកាលស្ដេចបរមរាជាធិរាជទី ៣ នៃទីក្រុងអយុធ្យា។ជនជាតិលាវបានចាប់ផ្ដើមមកតាំងទីលំនៅភាគខាងជើងនៃខេត្តនេះហើយនៅក្នុងឆ្នាំ ១៧៨៦ ក្រុងសិរីសាកេតត្រូវបានបង្កើតឡើងដោយស្ថិតនៅក្រោមអំណាចខេត្តគោកខ័ណ្ឌ។នៅក្នុងឆ្នាំ ១៩០៤ ខេត្តសិរីសាកេតត្រូវបានប្ដូរឈ្មោះទៅជាខេត្តគោកខ័ណ្ឌខណៈដែលខេត្តគោកខ័ណ្ឌពីដើមត្រូវប្ដូរឈ្មោះទៅជាហួយនឿវិញ។

ទំនប់ទឹករ៉ាស៊ីសាឡៃ

មណ្ឌលឧត្តរធានីត្រូវបានបង្កើតឡើងនៅក្នុងឆ្នាំ ១៩១២ ហើយបានគ្រប់គ្រងកាន់កាប់តំបន់ជាច្រើន។នៅក្នុងឆ្នាំ ១៩៣៣ ប្រព័ន្ធគ្រប់គ្រងមណ្ឌលត្រូវបានបញ្ចប់ហើយខេត្តគោកខ័ណ្ឌត្រូវបានគ្រប់គ្រងដោយផ្ទាល់ពីរាជធានីបាងកក(ខេត្តបឹងកក់)។០៥ ឆ្នាំក្រោយមកឈ្មោះក្រុងនិងស្រុកត្រូវបានដាក់ឲ្យត្រឡប់ទៅជាខេត្តសិរីសាកេតវិញខណៈដែលស្រុកនៅក្នុងហួយនឿត្រូវបានគេប្ដូរឈ្មោះទៅជាស្រុកគោកខ័ណ្ឌវិញ។

ទំនប់ទឹករ៉ាស៊ីសាឡៃដែលបានសាងសង់នៅទីនេះនៅក្នុងឆ្នាំ ១៩៩៤ ត្រូវបានផ្អាកដំណើរការនៅខែកក្កដា ឆ្នាំ ២០០០ បន្ទាប់ពីមានការខូចខាតនិងបំផ្លិចបំផ្លាញដល់ភូមិកសិកម្មនៅក្នុងស្រុក។

រដ្ឋបាល

ខេត្តសិរីសាកេត ចែកចេញជា ២២ ក្រុង/ស្រុក ២០៦ សង្កាត់/ឃុំ និង ២៤១១ ភូមិ ៖

ផែនទីក្រុងនិងស្រុកនៃខេត្តសិរីសាកេត

លេខរៀង	ឈ្មោះភាសាខ្មែរ	ឈ្មោះអក្សរឡាតាំង	ឈ្មោះភាសាសៀម
០១	ក្រុងសិរីសាកេត	Mueang Sisaket	เมืองศรีสะเกษ
០២	ស្រុកយ៉ាងឈុមណយ	Yang Chum Noi	ยางชุมน้อย
០៣	ស្រុកកាន់ថារ៉ារម្យ	Kanthararom	กันทรารมย์
០៤	ស្រុកកាន់ថារ៉ាឡាក់	Kantharalak	กันทรลักษ์
០៥	ស្រុកគោកខ័ណ្ឌ	KhuKhan	ขุขันธ์
០៦	ស្រុកព្រៃបឹង	Phrai Bueng	ไพรบึง
០៧	ស្រុកប្រាសាទប្រាង្គគូ	Prang Ku	ปรางค์กู่
០៨	ស្រុកឃុនហាន	Khun Han	ขุนหาญ
០៩	ស្រុករ៉ាស៊ីសាឡៃ	Rasi Salai	ราษีไศล
១០	ស្រុកឧទុម្ពរពិស័យ	Uthumphon Phisai	อุทุมพรพิสัย
១១	ស្រុកបឹងបូរណ៍	Bueng Bun	บึงบูรพ์
១២	ស្រុកហួយថាប់ថាន់	Huai Thap Than	ห้วยทับทัน
១៣	ស្រុកណនឃុន	Non Khun	โนนคูณ
១៤	ស្រុកសិរីរតនៈ	Si Rattana	ศรีรัตนะ
១៥	ស្រុកណាំឃ្លាំង	Nam Kliang	น้ำเกลี้ยง
១៦	ស្រុកវ៉ាងហ៊ិន	Wang Hin	วังหิน
១៧	ស្រុកភូស៊ីង	Phu Sing	ภูสิงห์
១៨	ស្រុកមឿងច័ន្ទ	Mueang Chan	เมืองจันทร์
១៩	ស្រុកបេនចាឡាក់	Benchalak	เบญจลักษ์
២០	ស្រុកភៃយូ	Phayu	พยุห์
២១	ស្រុកស្រីសុវណ្ណ	Pho Si Suwan	โพธิ์ศรีสุวรรณ
២២	ស្រុកសីលាឡាត	Sila Lat	ศิลาลาด
ស្រុកគ្រញូង		Kranhong
ស្រុកគគីរ		Kokir
ស្រុកប្រាសាទសំរោង		Prasat Samrong
ស្រុកប្រាសាទភូមិសម្បូណ៌		Prasat Phumi Sambo
ស្រុកភ្នំដងរែក		Phnom Dongrek

ប្រាសាទ

• ប្រាសាទតាឡេង
• ប្រាសាទត្រពាំងយំ
• ប្រាសាទតាមណាក់សៃ
• ប្រាសាទប្រាង្គគូ
• ប្រាសាទប្រាង្គគូសាមប៊ុន
• ប្រាសាទបានប្រាសាទ
• ប្រាសាទបានលំភុក
• ប្រាសាទបាណស៊ី
• ប្រាសាទបាណអារាំង
• ប្រាសាទព្រះជម្រុង
• ប្រាសាទភូហ្វៃ
• ប្រាសាទភូមិសម្បូណ៍
• ប្រាសាទមេបុណ្យប្រាង្គគូ
• ប្រាសាទដូនទួន
• ប្រាសាទយើនឿ
• ប្រាសាទយេរ
• ប្រាសាទសន្ធប់
• ប្រាសាទកំពែងតូច
• ប្រាសាទកំពែងធំ
• ប្រាសាទសំរោងប្រាសាទ
• ប្រាសាទហ៊ិនបានសាម៉ូ