ខេត្តច័ន្ទបុរី

ខេត្តច័ន្ទបុរី จันทบุรี
ទង់ ត្រា
ផែនទីនៃខេត្តច័ន្ទបុរី ផែនទីនៃខេត្តច័ន្ទបុរី
ប្រទេស	ថៃ (សៀម)
ទីរួមខេត្ត	ក្រុងច័ន្ទបុរី
ផ្ទៃក្រឡា
• សរុប	៦៤១៥ គម2 (២៤៧៧ ម៉ាយ ការ)
ចំណាត់ថ្នាក់ផ្ទៃក្រឡា	៣៣
ល្វែងម៉ោង	ICT (ម.ស.ស.+7)
លេខកូដប្រៃសណីយ៍	22xxx
លេខកូដហៅទូរស័ព្ទ	039
ក្រមអ.ម.អ. ៣១៦៦	TH-22
គេហទំព័រ	chan-pao.go.th

ខេត្តច័ន្ទបុរី ឬ ច័ន្ទបុរៈ (សៀម: จันทบุรี ; ជង : จันกะบูย) គឺជាខេត្តមួយក្នុងចំណោមខេត្តទាំង ០៧ នៅភាគខាងកើតប្រទេសសៀមដែលមានព្រំប្រទល់ជាប់នឹងខេត្តបាត់ដំបង ខេត្តប៉ៃលិននៃព្រះរាជាណាចក្រកម្ពុជានៅច្រាំងឈូងសមុទ្រសៀម ​ខេត្តត្រាចនៅ​ភាគ​ខាង​កើត​ និង ​ខេត្តរយ៉ង ​ខេត្តជលបុរី ​ខេត្តស្ទឹងជ្រៅ ​និង ​ខេត្តស្រះកែវនៅ​ភាគ​ខាង​លិច​និង​ខាង​ជើង​។

ប្រវត្តិ

ជនជាតិដើមភាគតិចនៅតំបន់ច័ន្ទបុរីគឺជាជនជាតិជង។ជនជាតិជងបានមករស់នៅក្នុងតំបន់នេះតាំងពីសម័យអយុធ្យាហើយត្រូវបានគេគិតថាជាជនជាតិដើមនៃប្រទេសកម្ពុជាប្រហែលអាចកើតឡើងមុនសម័យជនជាតិខ្មែរចូលមកដល់។នៅ​ខេត្ត​ច័ន្ទបុរីជន​ជាតិជងភាគច្រើន​រស់​នៅ​ក្នុងស្រុក​ខាវឃីតចាកុត ស្រុកពុងណាំរ៉ុន និង ​ស្រុកម៉ាខាំ។

ក្រោយវិបត្តិប៉ាក់ណាមនៅក្នុងឆ្នាំ ១៨៩៣ កងទ័ពអាណានិគមនិយមបារាំងបានដណ្ដើមកាន់កាប់ខេត្តច័ន្ទបុរីបានព្រោះជាតំបន់ដែលមានភូមិសាស្រ្តដ៏ល្អមានទាំងផ្លូវគោកនិងផ្លូវទឹកងាយស្រួលនៅក្នុងការដឹកជញ្ជូនទំនិញផ្សេងៗទៅកាន់ផ្លូវសមុទ្រប៉ុន្តែក្រោយមកបារាំងបានប្រគល់មកឲ្យប្រទេសសៀមវិញរួមទាំងខេត្តមួយចំនួនទៀតនៅក្នុងឆ្នាំ ១៩០៤-១៩០៧ ដើម្បីដោះដូរយកខេត្តសៀមរាប ខេត្តបាត់ដំបង ខេត្តសិរីសោភ័ណ្ឌ​ ខេត្តស្ទឹងត្រែង(ម្លូព្រៃ និង ទន្លេរពៅ) និង ខេត្តកោះកុងមកឲ្យប្រទេសកម្ពុជាវិញ។ជនជាតិភាគតិចសំខាន់ៗនៅខេត្តនេះគឺជាជនជាតិយួនដែលបានមកតាំងទីលំនៅនៅទីនេះនៅក្នុងរលកបីគឺទីមួយក្នុងសតវត្សរ៍ទី ១៩ ក្នុងអំឡុងពេលនៃការធ្វើទុក្ខបុកម្នេញប្រឆាំងនឹងសាសនាគ្រិស្តនិកាយកាតូលិកនៅឯកូសាំងស៊ីន សហភាពឥណ្ឌូចិន។ទីពីរក្នុងទសវត្សរ៍ឆ្នាំ ១៩២០ ដល់ឆ្នាំ ១៩៤០ ជនជាតិយួនបានភៀសខ្លួនចេញពីសហភាណឥណ្ឌូចិន។ទី​បី​បន្ទាប់​ពីជ័យជម្នះ​កុម្មុយនិស្ត​នៅ​វៀតណាម​នៅក្នុង​ឆ្នាំ​ ១៩៧៥។ទីក្រុងច័ន្ទបុរីបានក្លាយជាអាសនៈរបស់អភិបាលនៃសង្ឃមណ្ឌលចន្ទបុរីតាំងពីឆ្នាំ ១៩៤៤ ។

ខេត្តច័ន្ទបុរីអតីតកាលគឺជាខេត្តរបស់ខ្មែរព្រោះខេត្តនេះធ្លាប់ឋិតនៅក្រោមការគ្រប់គ្រងរបស់អាណាចក្រខ្មែរ។ក្រោយពីបែកបន្ទាយលង្វែកមកប្រទេសកម្ពុជាអស់ឬទ្ធានុភាពហើយបានធ្លាក់ទៅជារដ្ឋទន់ខ្សោយមួយនៅតំបន់អាស៊ីអាគ្នេយ៍។ប្រទេសកម្ពុជាបានបាត់បង់អាណាខេត្តខាងលិចនិងពាយ័ព្យដូចជាខេត្តច័ន្ទបុរី ខេត្តនគររាជសីមា ខេត្តបស្ចឹមបុរី ខេត្តបាត់ដំបង ខេត្តសៀមរាប ខេត្តពោធិ៍សាត់...។បច្ចុប្បន្នខេត្តច័ន្ទបុរីត្រូវបានប្រទេសសៀមផ្លាស់ប្តូរឈ្មោះទៅជាខេត្តចន្ថាប៊ូរីវិញ។

ខេត្តច័ន្ទបុរីធ្លាប់ជាខេត្តដែលមានត្បូងដ៏សំខាន់ជាពិសេសត្បូងទទឹមនិងត្បូងកណ្តៀង។ខណៈពេលដែលសហគមន៍មាត់ទឹកចាន់តាប៊ុនត្រូវបានអភិវឌ្ឍជាង ០៣ សតវត្សរ៍មុនរជ្ជកាលព្រះបាទណារ៉ៃតាមមាត់ទន្លេមេណាមច័ន្ទបុរី។វាជាមជ្ឈមណ្ឌលដឹកជញ្ជូននិងពាណិជ្ជកម្មដ៏សំខាន់។ប៉ុន្តែប៉ុន្មានឆ្នាំមកនេះសហគមន៍មាត់ទន្លេចាន់តាប៊ុនបានបាត់បង់ភាពត្រចេះត្រចង់របស់ខ្លួន។ទោះបីជាយ៉ាងណាក៏ដោយនៅក្នុងទសវត្សរ៍ថ្មីៗនេះប្រជាពលរដ្ឋនៅក្នុងតំបន់នេះដែលទទួលបានជំនួយពីមន្ត្រីសៀមបានរួមចំណែកធ្វើឲ្យទីក្រុងនេះរីកចម្រើនឡើងវិញដែលជាគោលដៅសំខាន់សម្រាប់ទេសចរណ៍វប្បធម៌។

រដ្ឋបាល

ខេត្តច័ន្ទបុរី ចែកចេញជា ១០ ក្រុង/ស្រុក ៧៦ សង្កាត់/ឃុំ និង ៦៩០ ភូមិ ៖

ផែនទីក្រុងនិងស្រុកនៃខេត្តច័ន្ទបុរី

លេខរៀង	ឈ្មោះភាសាខ្មែរ	ឈ្មោះអក្សរឡាតាំង	ឈ្មោះភាសាសៀម
០១	ក្រុងច័ន្ទបុរី	Mueang Chanthaburi	เมืองจันทบุรี
០២	ស្រុកខ្លុង	Khlung	ขลุง
០៣	ស្រុកថាម៉ៃ	Tha Mai	ท่าใหม่
០៤	ស្រុកពងណាមរ៉ន	Pong Nam Ron	โป่งน้ำร้อน
០៥	ស្រុកម៉ះខាម	Makham	มะขาม
០៦	ស្រុកឡែមស៊ីង	Leam Sing	แหลมสิงห์
០៧	ស្រុកសូយដាវ	Soi Dao	สอยดาว
០៨	ស្រុកកែងហង្សមែវ	Kaeng Hang Maeo	แก่งหางแมว
០៩	ស្រុកណាយ៉ៃអេម	Na Yai Am	นายายอาม
១០	ស្រុកខៅឃីតឆាគូត	Khao Khitchakut	เขาคิชฌกูฏ

ប្រាសាទ

• ប្រាសាទជី
• ប្រាសាទនើនស៊ុង
• ប្រាសាទទី
• ប្រាសាទប៉ានៀតរាំង
• ប្រាសាទសំផន