Браўншвайгскі тэхнічны ўніверсітэт

Браўншвайгскі тэхнічны ўніверсітэт
ням.: Technische Universität Braunschweig
Арыгінальная назва	ням.: Technische Universität Braunschweig
Міжнародная назва	англ.: Technical University of Braunschweig
Заснаваны	1745
Студэнты	17 794
Краіна	Германія
Размяшчэнне	Браўншвайг
Сайт	tu-braunschweig.de
Медыяфайлы на Вікісховішчы

Браўншвайгскі тэхнічны ўніверсітэт (ням.: Technische Universität Braunschweig) — нямецкая дзяржаўная вышэйшая навучальная ўстанова са статусам універсітэта з сядзібай у горадзе Браўншвайг.

Агульная характарыстыка

Установа з’яўляецца сярэднім па колькасці студэнтаў універсітэтам Германіі, у якім навучаецца каля 18 500 студэнтаў па 84 праграмах навучання. Яна ўзыходзіць сваімі каранямі да Collegium Carolinum, заснаванага ў 1745 годзе, што робіць яго самым старажытным сярод тэхнічных універсітэтаў Германіі. Універсітэт з’яўляецца членам аб’яднання дзевяці вядучых тэхнічных ВНУ Германіі і звычайна ўваходзіць у шэраг найлепшых інжынерных універсітэтаў краіны.

Профіль даследаванняў універсітэта вельмі міждысцыплінарны, але з акцэнтам на аэранаўтыку, распрацоўку транспартных сродкаў, уключаючы аўтаномнае кіраванне і электрычную мабільнасць, вытворчасць, навукі аб жыцці і метралогію. Даследаванні праводзяцца ў цесным супрацоўніцтве са знешнімі арганізацыямі, такімі як Нямецкі аэракасмічны цэнтр, Цэнтр інфекцыйных даследаванняў імя Гельмгольца, некалькі навукова-даследчых інстытутаў, Нацыянальны інстытут метралогіі Германіі і многія іншыя. Будучы адным з нямногіх даследчых ВНУ падобнага тыпу ў свеце, універсітэт мае ўласны даследчы аэрапорт.

Факультэты

• Факультэт імя Карла Фрыдрыха Гауса (матэматыка, інфарматыка, эканоміка, сацыяльныя навукі)
• Факультэт навук аб жыцці (біялогія і біятэхналогіі, хімія і хімія харчовых прадуктаў, фармакалогія і псіхалогія)
• Факультэт архітэктуры, будаўнічай інжынерыі і навук аб навакольным асяроддзі
• Факультэт машынабудавання
• Факультэт электратэхнікі, інфармацыйных тэхналогій і фізікі
• Факультэт гуманітарных і педагагічных навук

Спасылкі

• На Вікісховішчы ёсць медыяфайлы па тэме Браўншвайгскі тэхнічны ўніверсітэт
• Афіцыйная інтэрнэт-старонка ўстановы