S Alemannisch Wikiquote isch am 24. März 2007 gründet wore un im April 2008 noch eme Bschluss vo de Alemannische Gmeinschaft mit dr Alemannische Wikipedia, em Wiktionary, em Wikibooks un em Wikisource verschmulze wore. Hite isch s Alemannisch Wikiquote as Alemannischi Spruch- un Zitatsammlig e eigene Namenruum innerhalb vo dr Alemannische Wikipedia.
Di düütschschprachigi Version vo Wikiquote isch am 18. Juli 2004 gschtartet worde. D Artikel über Zitaate büüted (sowiit bekannt) e Quelleaagaab und werded wenns gaat i di düütschi Schpraach übersetzt. Für zuesätzlichi Informatione sorged Links in d Wikipedia.
Wiederholt isch bemänglet worde, dass Wikiquote sich a viele Schtelle dr Urheberrechtsverletzig schuldig machi, wil im düütsche Ableger unzähligi unfreii Zitaat vo Urheber, wo no keini 70 Jahr tot sind, enthalte sind, ohni dass die urheberrechtlich gschützte Zitaate imene Kontext stöhnd, wo dene ihri Wiedergaab als Beleg rechtfertige würded. Nähers luegZitaatesammlung
Aufgrund vo urheberrächtliche Problem isch s französische Wikiquote mit Würkig zum 29. März 2006 vo dr Wikimedia Foundation bis uf wiiters gschlosse worde.
