Ticket to Ride (песня)

Ticket to Ride
Сінгл The Beatles з альбома Help!
Бок «А»	«Ticket to Ride»
Бок «Б»	«Yes It Is»
Выпушчаны	9 красавіка 1965 (Вялікабрытанія), 19 красавіка 1965 (ЗША)
Мова	англійская
Фармат	7"
Запісаны	15 лютага 1965
Жанр	паўэр-поп, джэнгл-поп, фолк-рок
Кампазітар	Ленан — Мак-Картні
Працягласць	3:10
Лэйбл	Parlophone, Capitol
Прадзюсар	Джордж Марцін
Аўтар песні	Джон Ленан і Пол Мак-Картні
The Beatles, храналогія сінглаў
«I Feel Fine» (1964) «Ticket to Ride» (1965) «Help!» (1965)

Ticket to Ride
Выканаўца	The Beatles
Альбом	Help!
Дата выпуску	6 жніўня 1965
Дата запісу	15 лютага 1965
Жанр	рок
Мова песні	англійская
Працягласць	3:10
Лэйбл	EMI, Parlophone, Capitol
Аўтар	Ленан — Мак-Картні
Кампазітар	Джон Ленан Пол Мак-Картні
Прадзюсар	Джордж Марцін
Трэк-ліст альбома «Help!»
«You’re Going to Lose That Girl» (6) «Ticket to Ride» (7) «Act Naturally» (8)

«Ticket to Ride» (назва літаральна перакладаецца як «Білет да Райда» або «Білет для паездкі», але сэнс назвы неадназначны, гл. ніжэй раздзел «Значэнне назвы песні») — песня гурта «The Beatles», якая была ўпершыню выпушчана ў выглядзе сінгла 9 красавіка 1965 года і ўвайшла таксама ў альбом Help!. Песня была запісана 15 лютага 1965 года ў студыі «Эбі-Роўд».

У 2004 годзе песня заняла 384-ю пазіцыю ў рэйтынгу «500 найвялікшых песень усіх часоў» паводле часопіса Rolling Stone. Брытанскі часопіс New Musical Express уключыў дадзеную кампазіцыю ў свой спіс «500 найвялікшых песень усіх часоў», размясціўшы яе ў ім на 311-й пазіцыі.

Гісторыя песні

Песня была напісана Джонам Ленанам (прыпісана, як гэта звычайна рабілася, Ленану і Мак-Картні, нягледзячы на тое, што ўнёсак Мак-Картні ў гэтую песню застаецца пад пытаннем). Паводле Ленана, унёсак Мак-Картні абмежаваўся толькі «той манерай, якой Рынга граў на ўдарных». Аднак сам Мак-Картні адзначаў, што гэтую песню яны «напісалі разам… Мы селі і працавалі над ёй поўныя тры гадзіны».

Паводле Ленана, завяршальны фрагмент песні (са словамі «My baby don’t care») быў адным з яго найлюбімейшых фрагментаў усёй песні. Пасля распаду «The Beatles» Ленан з гонарам заяўляў, што кампазіцыя «Ticket to Ride» была прадвеснікам жанра «хеві-метал» праз гудзенне басу, частае паўтарэнне ўдарных і перагружаныя гітарныя партыі.

Значэнне назвы песні

Паходжанне назвы песні не зусім яснае, існуе некалькі магчымых трактовак:

• «Гарадок Райд на востраве Уайт» — стрыечная сястра Мак-Картні з мужам утрымлівалі ў гэтым горадзе паб; у пачатку 1960-х Мак-Картні і Ленан аўтаспынам дабіраліся да гэтага горада (паводле версіі Мак-Картні, прадстаўленай Бары Майлсу).
• «Дзяўчына, якая сыходзіць (to ride out) ад таго, хто вядзе аповед».
• Зварот Ticket to ride быў нібыта выдуманы Ленанам у дачыненні да картак аб стане здароўя, якія выдаваліся гамбургскім прастытуткам у 1960-я гады («The Beatles» гралі ў Гамбургу на заранку сваёй музычнай кар'еры; на той час слова «ride/riding» стала слэнгавым выразам для абазначэння сексуальнай сувязі).
• Існуе таксама міф (агучаны амерыканскім радыёвядоўцам Кейзі Кейсемам) пра тое, што першапачаткова песня была нібыта напісана і запісана як «Ticket to Rye» (Рай — гарадок ва Усходнім Сусексе), аднак назва песні была зменена дзеля слухачоў з ЗША і іншых краін, якія, магчыма, не зразумелі б адсылкі да гэтага горада.

Запіс і выхад песні

Песня была запісана на працягу трохгадзіннай сесіі ў студыі «Эбі-Роўд» 15 лютага 1965 года — гэта была першая сесія, прысвечаная альбому Help!. Для запісу песні ўдзельнікі гурта ўпершыню прымянілі новы для сябе спосаб — калі раней яны запісвалі ўсе партыі адначасова, як бы імітуючы жывы выступ, то на гэты раз асобныя партыі на розных дарожках запісваліся асобна: спачатку была запісана партыя басу і ўдарных, затым — рытм- і сола-гітара, затым вакал Джона Ленана (былі запісаны дзве партыі, якія потым былі зведзены ў адну) і, нарэшце, бубен, падгалоскі і воплескі, якія занялі чацвёртую дарожку. Пры запісе гэтай песні Мак-Картні ўпершыню выконваў партыю сола-гітары.

Песня «Ticket to Ride» была выпушчана 9 красавіка 1965 года ў Вялікабрытаніі і 19 красавіка ў ЗША на аднайменным сінгле (на адваротным баку знаходзілася песня «Yes It Is»). У ЗША песня займала першую пазіцыю Billboard Hot 100 на працягу тыдня, у Вялікабрытаніі яна лідыравала ў UK Singles Chart на працягу трох тыдняў.

У запісе ўдзельнічалі

• Джон Ленан — двойчы запісаны і зведзены вакал, рытм-гітара
• Пол Мак-Картні — падгалоскі, бас- і сола-гітара
• Джордж Харысан — 12-струнная рытм-гітара, сола-гітара
• Рынга Стар — ударныя, бубен

Прыём крытыкай

Многія крытыкі (у іх ліку Рычы Антэрбергер і Іэн Макдональд) успрынялі песню «Ticket to Ride» як значную падзею на шляху развіцця музычнага стыля «The Beatles». Антэрбергер адзначаў, што «рытм у „Ticket to Ride“ больш жорсткі і цяжкі, чым ва ўсіх папярэдніх выступах „The Beatles“, асабліва ў дачыненні да адбівак Рынга Стара». Макдональд адзначыў, што гэтая песня «псіхалагічна глыбейшая за ўсё, што „The Beatles“ запісалі дагэтуль».

Кавер-версіі

Сярод вядомых перапевак песні можна згадаць:

• Перапеўка дуэтам The Carpenters у жанры павольнай балады ў 1969 годзе для дэбютнага альбома Offering. Імі ж песня была перазапісана ў 1974 годзе для ўключэння ў альбом Greatest Hits.
• Піянеры хард-року Vanilla Fudge запісалі кавер-версію ў 1967 годзе.
• Песня была перапета таксама гуртамі Hüsker Dü, The Fifth Dimension, The Punkles, Kids Incorporated і Atomic Kitten.

Культурны ўплыў

• Аркестраваная версія песні ледзь улоўная ў заканчэнні свежых выданняў альбома The Dark Side of the Moon гурта «Pink Floyd». Верагодней за ўсё, гэта — памылка рэжысёраў запісу: і «The Beatles», і «Pink Floyd» запісваліся ў «Эбі-Роўд».
• З песняй «Ticket to Ride» перагукаецца песня «Artificial Energy» гурта The Byrds з альбома The Notorious Byrd Brothers (1968).

Цікавы факт

• Песня «Ticket to Ride» стала першай песняй «The Beatles», чыя працягласць перавысіла 3 хвіліны.

Літаратура

• Badman, Keith. The Beatles Diary Volume 2: After the Break-Up 1970–2001 (англ.). — London: Omnibus Press, 2001. — ISBN 978-0-7119-8307-6.
• Castleman, Harry; Podrazik, Walter J. All Together Now: The First Complete Beatles Discography 1961–1975 (англ.). — New York, NY: Ballantine Books, 1976. — ISBN 0-345-25680-8.
• Everett, Walter. The Beatles as Musicians: The Quarry Men through Rubber Soul (англ.). — New York, NY: Oxford University Press, 2001. — ISBN 0-19-514105-9.
• Everett, Walter. The Foundations of Rock: From "Blue Suede Shoes" to "Suite: Judy Blue Eyes" (англ.). — New York, NY: Oxford University Press, 2009. — ISBN 978-0-19-531024-5.
• Harry, Bill. The Beatles Encyclopedia: Revised and Updated (англ.). — London: Virgin Publishing, 2000. — ISBN 0-7535-0481-2.
• Hertsgaard, Mark. A Day in the Life: The Music and Artistry of the Beatles (англ.). — London: Pan Books, 1996. — ISBN 0-330-33891-9.
• Ingham, Chris. The Rough Guide to the Beatles (2nd edn) (англ.). — London: Rough Guides/Penguin, 2006. — ISBN 978-1-84836-525-4.
• Jackson, Andrew Grant. 1965: The Most Revolutionary Year in Music (англ.). — New York, NY: Thomas Dunne Books, 2015. — ISBN 978-1-250-05962-8.
• Lewisohn, Mark. The Complete Beatles Recording Sessions: The Official Story of the Abbey Road Years 1962–1970 (англ.). — London: Bounty Books, 2005. — ISBN 978-0-7537-2545-0.
• MacDonald, Ian. Revolution in the Head: The Beatles' Records and the Sixties (англ.). — Second Revised. — London: Pimlico (Rand), 2005. — ISBN 1-84413-828-3.
• McKinney, Devin. Magic Circles: The Beatles in Dream and History (англ.). — Cambridge, MA: Harvard University Press, 2003. — ISBN 978-0-674-01202-8.
• Meehan, Kate. Beatles Arias: Cathy Berberian Sings The Beatles // Cathy Berberian: Pioneer of Contemporary Vocality (англ.) / Karantonis, Pamela; Placanica, Francesca; Sivuoja-Kauppala, Anne; Verstraete, Pieter (eds). — Farnham, UK: Ashgate Publishing, 2014. — ISBN 978-1-4094-6983-4.
• Miles, Barry. Paul McCartney: Many Years From Now. — New York: Henry Holt and Company, 1997. — ISBN 0-8050-5249-6.
• Miles, Barry. The Beatles Diary Volume 1: The Beatles Years (англ.). — London: Omnibus Press, 2001. — ISBN 0-7119-8308-9.
• Norman, Philip. John Lennon: The Life (нявызн.). — New York, NY: Ecco, 2008. — ISBN 978-0-06-075402-0.
• Pieper, Jörg. The Solo Beatles Film & TV Chronicle 1971–1980 [including The Beatles Film & TV Chronicle Updates 1961–1970] (англ.). — lulu.com, 2017. — ISBN 978-1-4092-8301-0.
• Ribowsky, Mark. The Supremes: A Saga of Motown Dreams, Success, and Betrayal (англ.). — Cambridge, MA: Da Capo Press, 2009. — ISBN 978-0-3068-1586-7.
• Rodriguez, Robert. Revolver: How the Beatles Reimagined Rock 'n' Roll (англ.). — Milwaukee, WI: Backbeat Books, 2012. — ISBN 978-1-61713-009-0.
• Romanowski, Patricia; George-Warren, Holly (eds). The New Rolling Stone Encyclopedia of Rock & Roll (англ.). — New York, NY: Fireside/Rolling Stone Press, 1995. — ISBN 0-684-81044-1.
• Sheff, David. All We Are Saying: The Last Major Interview with John Lennon and Yoko Ono (англ.). — New York: St. Martin’s Press, 2000. — ISBN 0-312-25464-4.
• Turner, Steve. A Hard Day's Write: The Stories Behind Every Beatles Song (англ.). — 3rd. — New York: Harper Paperbacks, 2005. — ISBN 0-06-084409-4.
• Wallgren, Mark. The Beatles on Record. — New York: Simon & Schuster, 1982. — ISBN 0-671-45682-2.
• Winn, John C. Way Beyond Compare: The Beatles' Recorded Legacy, 1957–1965 (англ.). — New York, NY: Three Rivers Press, 2008. — ISBN 978-0-307-45157-6.
• Womack, Kenneth. The Beatles Encyclopedia: Everything Fab Four (англ.). — Santa Barbara, CA: ABC-CLIO, 2014. — ISBN 978-0-313-39171-2.

Спасылкі

Анлайн-даведнікі:

• Тэкст песні (спасылка праверана 26 ліпеня 2009)
• Нататкі Алана Полака наконт песні «Ticket to Ride» (англ.) (спасылка праверана 26 чэрвеня 2009)
• Біблія Бітлз — Ticket to Ride (англ.) спасылка праверана 26 июля 2009)

Тэматычныя артыкулы ў электронных выданнях:

• Tom Breihan. The Number Ones: The Beatles’ «Ticket to Ride» (англ.). Stereogum. Stereogum Media (1 жніўня 2018). Архівавана з першакрыніцы 7 лютага 2023. Праверана 6 студзеня 2025.