Ping
| Ping | |||||||
|---|---|---|---|---|---|---|---|
 | |||||||
| |||||||
| |||||||
| |||||||
| Wikidata C:Commons | |||||||
Ping é unha utilidade de rede de computadores que permite comprobar as conexións entre varios hosts nunha rede IP. Está dispoñible nunha gran variedade de sistemas operativos, entre os que se inclúen a meirande parte do software integrado de xestión de redes.
Ping mide o tempo de ida e volta das mensaxes enviadas dende o host de orixe ao ordenador de destino, que se devolven de novo á orixe. O nome provén da terminoloxía do sonar activo, que envía un pulso de son e escoita o seu eco para detectar obxectos submarinos.[1] O comando ping emprega os paquetes de solicitude de eco e resposta coa fin de determinar se un sistema cun enderezo IP determinado está presente na rede.
Para funcionar, ping emprega paquetes ICMP (do inglés: Internet Control Message Protocol). Usar ping implica enviar unha "solicitude de eco ICMP" ao servidor desexado e agardar por unha "resposta de eco ICMP". O programa informa de erros, da perda dos paquetes e un resumo estatístico dos resultados, que adoitan incluír o mínimo, o máximo, a media de viaxes de ida e volta e a desviación típica da media.
As opcións de liña de comandos e de saída do terminal dependen da implementación. Poden incluír o tamaño da carga (en inglés: payload), a conta dos tests, o límite de saltos na rede (TTL) ou o intervalo entre a solicitude e a resposta. Moitos sistemas ofrecen tamén a ferramenta "ping6" para as redes IPv6.
Historia
[editar | editar a fonte]A ferramenta ping foi escrita por Mike Muus en decembro de 1983 namentres traballaba para o Ballistic Research Laboratory (na actualidade, o Laboratorio de Investigación do Exército dos Estados Unidos). Un comentario de David Mills sobre o uso de paquetes de eco ICMP para diagnosticar e medir as redes IP levouno a crear un programa para arranxar problemas nas redes.[1] Decidiu nomealo en base ao son que emite un sonar, xa que a metodoloxía de ping é análoga á ecolocación por sonar.[1][2] Porén, o retroacrónimo "Packet Internet Groper" (en galego: Poupador de Paquetes de Internet) lévase usando dende hai máis de 30 anos. Muus afirmou que, dende o seu punto de vista, ping non buscaba ser un acrónimo, mais acabou aceptando a ampliación do nome iniciada por Mills.[1][3]
Notas
[editar | editar a fonte]- ↑ 1,0 1,1 1,2 1,3 Muus 2000.
- ↑ Salus 1994.
- ↑ Mills 1983.
Véxase tamén
[editar | editar a fonte]Bibliografía
[editar | editar a fonte]- Mills, D. L. (1983). "Internet Delay Experiments". IETF (en inglés). doi:10.17487/RFC0889.
- Muus, Mike (2000). "The Story of the PING Programg" (en inglés). Arquivado dende o orixinal o 25 de outubro de 2019.
- Salus, Peter (1994). A Quarter Century of UNIX (en inglés). Addison-Wesley. ISBN 978-0-201-54777-1.
|
Este artigo é, polo de agora, só un bosquexo. Traballa nel para axudar a contribuír a que a Galipedia mellore e medre.
|