Percy Irausquin
E articulo aki ta uza ortografia di Papiamento. Lo aprecia si por mantene e articulo aki na estilo di Papiamento.| Percy Irausquin | ||
|---|---|---|
| Imagen desea: Percy Irausquin | ||
| Informacion basico | ||
| Nomber completo | Joseph Gregory Percy Irausquin | |
| Nacemento | 25 di juni 1969 Aruba | |
| Fayecimento | 14 di augustus 2008 Amsterdam | |
| Entiero | Q131978268 | |
| Educacion | ||
| Alma mater | Gerrit Rietveld Academie, ArtEZ Arnhem | |
| Informacion profesional | ||
| Ofishi | diseñador di moda | |
| Luga di ofishi | Amsterdam, Paris | |
| Studiante di | Hubert Barrère | |
Imagennan riba  Wikimedia Commons | ||
| Website oficial | ||
| [Edita Wikidata] · [Manual] | ||
Joseph Gregory Percy Irausquin (☆ 25 di juni 1969 na Aruba - † 14 di augustus 2008 na Amsterdam) tabata un diseñador di moda y modista Arubiano basa na Amsterdam.[1] Media Hulandes tabata describie como un di e diseñadornan hoben mas talentoso na Hulanda.[2] E corant nacional Hulandes De Volkskrant a describi su diseñonan como “sexy y extravagante” y “na moda pero no exigente”.[3]
Na e edad di 39 aña Irausquin ta sufri un derame cerebral na su cas na Amsterdam y ta fayece. Su restonan ta dera na Sabana Basora riba su isla natal.[4]
Biografia y Carera
[editá | editá fuente]Irausquin a crece como yiu mas chikito den un famia cu cinco ruman muhe. El a studia na Rietveld Academie na Amsterdam, graduando na 1999. El a obtene su masters na Fashion Insitute Arnhem.[5]
Su prome fashion show na Aruba tabata na House of Mosaic.
Diseñonan di Irausquin tabata popular cerca personahenan di media Hulandes. Entre otro presentadora Katja Schuurman a comisiona Irausquin pa diseña su trahe di matrimonio.[6]
Na 2005 Irausquin a habri su compania bou di e grupo di moda Hulandes, Moshi Moshi.[7]
Coleccion y Premio
[editá | editá fuente]- 2001-Inspiration Amoureuse. Su prome coleccion pa cual su rumannan muhe tabata su fuente di inspiracion. E ta gana e premio Frans Molenaar y ta sali un di e cuater finalistanan di e premio cu jury profesional pa e Robijn Fashion Award[8].
- 2002-Bacchanal Chique. Su proyecto final durante su estudio na Fashion Institute Arnhem (ArtEZ).
- 2003-Edmee Enbias, un coleccion ta carga nomber di su wela. 'En bias', corta scuins riba e hilo di e tela, ta e nomber di e tecnica cu a bira su marca comercial den transcurso di aña.
- 2004-Hiver Palm Beach, su prome coleccion prêt-à-porter.
- 2005-All dressed up and nowhere to go y Belle du Jour. Na 2005 e ta duna su prome solo-show durante e Amsterdam International Fashion Week.
- 2006-Supernova y Tapis Rouge.
- 2007-Suzy Parker y Raison d'être, cu e coleccionnan aki ta ta lansa e nomber Atelier PRC[9], durante e show na e misa De Duif na Amsterdam[10].
- 2008-Il etait une fois, exhibi na Teatro Tuschinski na Amsterdam, y na juli e coleccion di prêt-à-porter Full Bloom, inspira riba flor, ta wordo exhibi durante e Amsterdam International Fashion Week.
Coleganan Carin Verbruggen y Ferry Drenthem Soesman a produci un buki como homenahe na e coleccionnan di moda di Irausquin. E buki a wordo publica na 2013, titula Percy Irausquin. With love for love.
Referensia
|