EADS CASA C-295

EADS CASA C-295
Instancia de familia de aeronaves
Subclase de land-based airlifter monoplane (en) transporte militar biturbo (pt) aeronave de transporte militar
Persoas e organizacións
Operador/a Forza Aérea Exipcia Força Aérea Portuguesa (pt) Forza Aérea Brasileira Força Aérea Mexicana (pt) Força Aérea Argelina (pt) Forza Aérea de Finlandia Exército do Aire e do Espazo de España Força Aérea Polaca (pt) Kazakh Air and Air Defence Forces (en)
Produción
Fabricante Airbus Defence and Space Indonesian Aerospace Construcciones Aeronáuticas SA Airbus Military (pt)
Total producido 309 220
Características
Impulsado por PW127G (en)
Identificador militar C-105
Datas e cronoloxía
Primeiro voo 28 de novembro de 1997
Entrada en servizo 2001
Localización
Wikidata G:Commons C:Commons

O EADS CASA C-295 é un avión de transporte táctico militar bimotor no presente fabricado por Airbus Defence and Space en España.

Deseño e desenvolvemento

O C-295 é fabricado é montado nas instalacións de Airbus Military no aeroporto de San Pablo, en Sevilla. É un desenvolvemento do transporte español/indonesio CASA/IPTN CN-235, pero cunha fuselaxe alongada, un 50% máis de capacidade de carga útil e novos motores turbohélice Pratt & Whitney Canada PW127G. O C-295 realizou o seu voo de estrea o 28 de novembro de 1997. O primeiro pedido chegou do Exército do Aire de España.

En 2012 EADS anunciou varias melloras ao deseño básico do C-295, e entre os cambios incluíronse a adopción de winglets e a habilidade de levar o mísil anti-buque Marte; tamén se planeou unha versión de alerta temperá e control aerotransportado. En novembro de 2015 un C-295 demostrou con éxito unha nova suite de auto-protección, que incorporaba elementos como contramedidas infravermellas direccionais de Elbit Systems e un sistema de alerta infravermella pasiva aerotransportada. En xaneiro de 2016 Airbus estaba no proceso de desenvolver unha nova plataforma de abastecemento en voo cun sistema de sonda e cesta para ser instalado opcionalmente na liña central do C295. Esta capacidade está sendo promocionada para a abastecemento de helicópteros de combate e as probas iniciais realizáronse con éxito en decembro de 2016 usando dous C-295 apoiando helicópteros H225M Caracal. Airbus tamén está realizando optimizacións nos flaps e outras modificacións para mellorar as súas capacidades en condicións extremas de aterraxe e engalaxe.