ᨓᨙᨉᨑᨚᨉᨙ
ᨓᨙᨉᨑᨚᨉᨙ ᨐᨗᨊᨑᨚ ᨔᨙᨉᨗ ᨕᨔᨛᨊ ᨕᨗᨊᨘᨂᨛ ᨄᨚᨒᨙ ᨑᨗ ᨍᨓ᨞ ᨕᨗᨉᨚᨊᨙᨔᨗᨐ᨞᨞ ᨕᨙᨉᨙᨕᨙ ᨓᨙᨉᨑᨚᨉᨙ ᨑᨗᨐᨙᨅᨘ ᨄᨚᨒᨙᨑᨗ ᨀᨘᨓᨊ ᨒᨕᨗᨐ ᨊ ᨑᨗᨒᨒᨛᨊ ᨃ ᨑᨗᨐᨔᨛ ᨑᨚᨉᨙ ᨄᨉ ᨆᨒᨚᨈᨚ ᨈᨍᨊ᨞᨞ ᨕᨙᨉᨙᨕᨙ ᨓᨙᨉᨑᨚᨉᨙ ᨖᨔᨙᨒᨙᨊ ᨔᨗᨌᨇᨘᨑᨘᨔᨛ ᨕᨉᨛ ᨄᨚᨒᨙ ᨑᨗᨐᨔᨛᨂᨙ ᨕᨌᨑ ᨉᨚᨏᨗ (Dongzhi) ᨑᨗ ᨈᨂᨛᨑ᨞᨞ ᨐᨗᨊᨑᨚ ᨄᨅᨙᨑᨙᨐᨊ ᨑᨚᨉᨙ᨞᨞ ᨄᨅᨙᨑᨙᨐᨊ ᨕᨙᨉᨙ ᨓᨙᨉᨑᨚᨉᨙᨕᨙ ᨀᨘ ᨆᨀᨛᨆᨘᨓᨗ ᨐᨗᨑᨙᨁ ᨆᨄᨛᨒᨕᨗ ᨓᨛᨈᨘᨊ ᨕᨛᨔᨚ ᨆᨀᨛᨌᨙ ᨊ ᨕᨑᨓᨛ᨞᨞ ᨑᨗ ᨕᨗᨉᨚᨊᨙᨔᨗᨐ᨞ ᨀᨘ ᨈᨊᨗᨐ ᨑᨗ ᨈᨂᨛᨑ᨞ ᨕᨙᨉᨙ ᨓᨙᨉᨑᨚᨉᨙ ᨃ ᨈᨚ ᨑᨗ ᨔᨒᨈᨗᨁ ᨊ ᨍᨚᨌᨀᨑᨛᨈ᨞᨞ ᨕᨙᨉᨙ ᨓᨙᨉᨑᨚᨉᨙᨕᨙ ᨊᨄᨅᨙᨑᨙᨐᨂᨗ ᨄᨔᨙᨉᨗᨂᨛ ᨆᨀᨛᨆᨘ ᨊ ᨄᨕᨘᨒᨙᨐ ᨑᨗ ᨈᨘᨅᨘᨊ ᨈᨕᨘᨓᨙ᨞᨞
ᨑᨘᨄᨊ
[padécéng | padéccéng pabbéré]ᨓᨙᨉᨑᨚᨉᨙ ᨐᨗᨊᨑᨚ ᨔᨙᨉᨗᨐᨙ ᨕᨗᨊᨘᨂᨛ ᨄᨚᨒᨙ ᨑᨗ ᨕᨗᨉᨚᨊᨙᨔᨗᨐ᨞[1] ᨕᨙᨉᨙ ᨕᨗᨊᨘᨂᨛᨂᨙ ᨑᨗᨄᨏᨍᨗ ᨄᨅᨘᨑ᨞[2] ᨓᨙᨉᨑᨚᨉᨙ ᨑᨗᨐᨅᨘᨑᨛ ᨆᨏᨍᨗ ᨕᨗᨊᨘᨂᨛ ᨆᨄᨛᨒ ᨊ ᨑᨗᨄᨈᨆᨀᨗ ᨆᨏᨍᨗ ᨕᨗᨊᨘᨂᨛ ᨄᨛᨒ ᨃ ᨒᨄᨚᨊ᨞[3] ᨑᨘᨄᨊ ᨐᨗᨊᨑᨚ ᨄᨉ ᨁᨚᨒᨚ ᨊ ᨒᨄᨚᨊ ᨌᨁᨚᨑᨙ ᨔᨗᨅᨓ ᨒᨅᨘ ᨅᨙᨑᨙ ᨑᨗᨒᨒᨛ ᨓᨕᨙ ᨄᨛᨒ ᨑᨗᨀᨅᨘᨑᨛ ᨄᨚᨒᨙ ᨑᨗ ᨒᨕᨗᨐ᨞[4]
ᨄᨀᨅᨘᨑᨛ
[padécéng | padéccéng pabbéré]ᨀᨘᨓ ᨒᨕᨗᨐ
[padécéng | padéccéng pabbéré]ᨀᨘᨓ ᨒᨕᨗᨐ ᨑᨗᨀᨅᨘᨑᨛᨂᨙ ᨑᨗ ᨓᨙᨉᨑᨚᨉᨙ ᨑᨗᨄᨏᨍᨗ ᨄᨚᨒᨙ ᨑᨗ ᨁᨚᨒ ᨄᨔᨙᨑᨙ᨞ ᨑᨕᨘ ᨒᨙᨆᨚ᨞ ᨒᨕᨗᨐ᨞ ᨕᨍᨘᨆᨌᨛᨊᨗ᨞ ᨊ ᨓᨕᨙ᨞᨞ ᨀᨘ 10 ᨈᨖᨊ ᨕᨙᨒᨚ ᨑᨗᨀᨅᨘ᨞ ᨑᨗᨈᨅᨕᨗᨄᨗ 200gr ᨁᨚᨒ ᨄᨔᨙᨑᨙ ᨔᨗᨅᨓ ᨒᨕᨗᨐ 100gr. ᨊᨄ ᨑᨕᨘ ᨒᨙᨆᨚ 7 ᨒᨄ ᨕᨙᨁᨊ ᨊ ᨕᨍᨘᨆᨌᨛᨊᨗ ᨅᨈᨊ᨞᨞ ᨕᨑᨚ ᨒᨕᨗᨐᨕᨙ ᨑᨗ ᨄᨛᨄᨙᨄᨛᨄᨙ ᨑᨗᨐᨚᨒᨚ᨞᨞ ᨊᨄ ᨕᨑᨚ ᨓᨕᨙᨕᨙ ᨕᨙᨁᨊ 1ltr. ᨕᨑᨚ ᨆᨊᨛ ᨑᨗᨄᨔᨗᨌᨇᨘᨑᨘ ᨊᨄ ᨑᨗᨄᨈᨔᨛᨀᨗ᨞᨞ ᨁᨚᨒ ᨑᨗᨒᨒᨛᨊ ᨑᨗ ᨔᨗᨌᨇᨘᨑᨘ ᨆᨈᨛᨑᨘ ᨔᨁᨛᨊ ᨆᨈᨔᨛ᨞᨞[5]
ᨄᨀᨅᨘᨑᨛ ᨑᨚᨉᨙ
[padécéng | padéccéng pabbéré]ᨕᨑᨚ ᨑᨚᨉᨙᨕᨙ ᨑᨗᨀᨅᨘ ᨄᨚᨒᨙ ᨑᨗ ᨒᨅᨘ ᨅᨈᨇᨘᨈᨙ ᨅᨛᨒᨚᨊ᨞ ᨒᨅᨘ ᨈᨓᨑᨚ᨞ ᨄᨛᨍᨙ᨞ ᨓᨕᨙ ᨆᨀᨛᨆᨘ᨞ ᨓᨕᨙ ᨄᨓᨒᨙ ᨕᨚᨈ᨞ ᨌᨁᨚᨑᨙ ᨊ ᨁᨚᨒ ᨌᨛᨒ᨞᨞ ᨀᨘ 10 ᨈᨖᨊ ᨕᨙᨒᨚ ᨑᨗᨀᨅᨘ᨞ ᨑᨗᨈᨅᨕᨗᨄᨗ ᨒᨅᨘ ᨔᨚᨀᨚ 200gr ᨕᨙᨁᨊ ᨔᨗᨒᨗᨐᨚ ᨒᨅᨘ ᨈᨓᨑᨚ 25gr ᨕᨙᨁᨊ᨞᨞ ᨄᨛᨍᨙᨊ ᨔᨗᨔᨗᨋᨘ ᨈᨙ᨞᨞ ᨊᨄ ᨓᨕᨙ ᨆᨀᨛᨆᨘ 150ml ᨕᨙᨁᨊ ᨑᨗᨈᨅᨕᨗ ᨓᨕᨙ ᨄᨓᨒᨙ ᨕᨚᨈ ᨔᨗᨔᨗᨋᨘ ᨈᨙ᨞᨞ ᨃ ᨈᨚ ᨌᨁᨚᨑᨙ 150 ᨕᨙᨁᨊ᨞᨞[5] ᨌᨇᨘᨑᨘᨔᨛᨊ ᨑᨚᨉᨙ ᨊᨕᨘᨒᨙ ᨈᨚ ᨑᨗᨀᨅᨘ ᨄᨚᨒᨙ ᨑᨗ ᨅᨘᨓᨙ᨞᨞[6]
ᨕᨑᨚ ᨈᨚᨔᨗ ᨁᨚᨒᨕᨙ ᨕᨙᨁᨊ 75gr. ᨊᨄ ᨃᨈᨚ ᨑᨗᨄᨅᨙᨑᨙᨐᨂᨗ ᨄᨅᨛᨒᨚ ᨕᨋᨙᨐ ᨊ ᨓᨕᨙ ᨈᨚ ᨑᨗᨊᨔᨘᨓᨗ ᨌᨇᨘᨑᨘᨔᨛᨊ᨞᨞[5] ᨑᨗᨄᨗᨒᨙᨐᨊ ᨅᨛᨒᨚ ᨄᨚᨒᨙ ᨑᨗ ᨄᨅᨛᨒᨚᨓ ᨕᨋᨙᨐ ᨐᨗᨊᨑᨚ ᨅᨛᨒᨗ ᨌᨛᨒ ᨊ ᨅᨛᨒᨚ ᨀᨘᨉᨑ᨞᨞[7]
ᨒᨅᨘ ᨔᨚᨀᨚ ᨄᨘᨈᨙ ᨔᨗᨅᨓ ᨒᨅᨘ ᨅᨑᨙ ᨑᨗᨔᨗᨌᨇᨘᨑᨘᨔᨗ ᨄᨛᨍᨙ᨞᨞ ᨊᨄ ᨕᨑᨚ ᨓᨕᨙ ᨆᨀᨛᨆᨘᨕᨙ ᨔᨗᨅᨓ ᨓᨕᨙ ᨄᨓᨒᨙ ᨕᨚᨈᨕᨙ ᨑᨗᨈᨅᨕᨗ ᨈᨔᨗᨌᨙᨉᨙᨌᨙᨉᨙ ᨔᨁᨙᨊ ᨔᨗᨌᨇᨘᨑᨘ᨞᨞ ᨕᨔᨗᨌᨇᨘᨑᨘᨔᨛᨊ ᨑᨗᨔᨙᨔᨙᨐᨂᨗ ᨀᨘ ᨕᨙᨒᨚ ᨊᨗ ᨑᨗᨅᨛᨒᨚᨓᨗ ᨔᨗᨅᨓ ᨄᨅᨛᨒᨚᨓ ᨕᨋᨙᨐ᨞᨞ ᨊᨄ ᨑᨚ ᨌᨁᨚᨑᨙᨂᨙ ᨑᨗᨔᨗᨌᨇᨘᨑᨘᨔᨗ ᨁᨚᨒ ᨊ ᨑᨗᨄᨕᨒᨘᨔᨗ ᨔᨗᨅᨓ ᨅᨒᨙᨉᨛᨑᨙ᨞᨞ ᨕᨑᨚ ᨕᨔᨗᨌᨇᨘᨑᨘᨔᨛᨊ ᨉᨗᨐᨒ ᨈ ᨔᨗ 8gr ᨊᨄ ᨑᨗ ᨈᨛᨋᨛᨈᨛᨋᨛ᨞᨞ ᨀᨚ ᨄᨘᨑᨊᨗ ᨑᨗᨄᨀᨘᨑᨚ᨞ ᨑᨗᨄᨈᨆᨊᨗ ᨑᨗ ᨑᨚᨉᨙᨕᨙ ᨕᨑᨚ ᨕᨔᨗᨌᨇᨘᨑᨘᨔᨛᨂᨛᨊ᨞᨞ ᨊᨄ ᨑᨗᨀᨅᨘ ᨆᨏᨍᨗ ᨄᨉ ᨒᨚᨌᨗ᨞᨞ ᨄᨘᨑᨊᨗ ᨑᨚ᨞ ᨓᨕᨙᨕᨙ ᨑᨗᨊᨔᨘ ᨔᨁᨙᨊ ᨆᨈᨔᨛ᨞᨞[5]
ᨄᨅᨙᨑᨙᨐᨊ
[padécéng | padéccéng pabbéré]ᨑᨚᨉᨙ ᨊ ᨀᨘᨓ ᨒᨕᨗᨐᨕᨙ ᨑᨗᨄᨅᨙᨑᨙᨐ ᨆᨏᨍᨗ ᨓᨙᨉᨑᨚᨉᨙ᨞᨞ ᨀᨚ ᨑᨗᨄᨅᨙᨑᨙᨐᨂᨗ ᨕᨙᨒᨚ ᨈᨚ ᨑᨗᨈᨅᨕᨗ ᨌᨁᨚᨑᨙ ᨄᨚᨒᨙ ᨑᨗ ᨈᨘᨊᨘ᨞᨞ ᨓᨙᨉᨑᨚᨉᨙ ᨑᨗᨄᨅᨙᨑᨙᨐ ᨑᨗ ᨓᨛᨈᨘ ᨅᨚᨔᨗ᨞᨞[8] ᨄᨅᨙᨑᨙᨐᨊ ᨀᨘ ᨄᨛᨒ ᨆᨘᨄᨗ ᨐᨗᨑᨙᨁ ᨆᨀᨛᨆᨘ ᨆᨘᨄᨗ᨞᨞[9] ᨓᨙᨉᨑᨚᨉᨙ ᨕᨄᨀᨙᨕᨗᨀᨗ ᨒᨕᨗᨐ ᨀᨘ ᨕᨙᨒᨚᨀᨗ ᨆᨀᨛᨆᨘ ᨑᨗ ᨄᨔᨙᨉᨗᨂᨛ᨞᨞ ᨕᨑᨚ ᨒᨕᨗᨐᨕᨙ ᨊᨄᨅᨙᨑᨙᨐᨂᨗ ᨈᨚ ᨄᨕᨘᨒᨙᨐ ᨑᨗ ᨕᨒᨙᨊ ᨈᨕᨘᨓᨙ᨞᨞[10]
ᨕᨙᨉᨙ ᨓᨙᨉᨑᨚᨉᨙ ᨐᨗᨊᨑᨚ ᨕᨗᨊᨘᨂᨛᨊ ᨈᨕᨘ ᨅᨚᨒᨙ ᨑᨗ ᨍᨓ᨞᨞[11] ᨔᨙᨉᨗᨕᨙ ᨀᨚᨈ ᨑᨗᨄᨏᨍᨗᨀᨗ ᨕᨙᨉᨙ ᨓᨙᨉᨑᨚᨉᨙ ᨆᨏᨍᨗ ᨕᨗᨊᨘᨂᨛᨊ᨞ ᨐᨗᨊᨑᨚ ᨔᨒᨈᨗᨁ᨞᨞[12] ᨀᨚ ᨑᨗ ᨐᨚᨍᨀᨑᨛᨈ᨞ ᨕᨙᨉᨙ ᨓᨙᨉᨑᨚᨉᨙ ᨑᨗᨄᨅᨒᨘᨀᨗ ᨄᨚᨒᨙ ᨑᨗ ᨄᨉᨃ ᨒᨒᨛᨂᨙ ᨀᨘ ᨊᨑᨄᨗᨊᨗ ᨓᨛᨈᨘ ᨓᨛᨊᨗ᨞᨞[13] ᨄᨉᨆᨘᨓᨗ ᨑᨗ ᨈᨂᨛᨑ᨞ ᨓᨙᨉᨑᨚᨉᨙ ᨑᨗᨄᨏᨍᨗ ᨖᨔᨙᨒᨙᨊ ᨄᨔᨗᨌᨇᨘᨑᨘᨔᨛ ᨑᨚᨉᨙ ᨑᨗᨀᨅᨘᨑᨛ ᨑᨗ ᨕᨌᨑ ᨉᨚᨏᨗ᨞᨞[14] ᨕᨙᨉᨙ ᨕᨌᨑᨕᨙ ᨑᨗᨍᨆᨕᨗ ᨀᨘ ᨈᨁᨒ 22 ᨉᨙᨔᨙᨅᨛᨑᨙ ᨑᨗ ᨈᨕᨘᨂᨙ᨞᨞[15]
ᨕᨚᨓᨘᨂᨛ
[padécéng | padéccéng pabbéré]- ↑ Sudrajat, A., dkk. (2017). Yuanjaya, Pandhu, ed. Meneguhkan Ilmu-Ilmu Sosial Keindonesiaan. Yogyakarta: Fakultas Ilmu Sosial, Universitas Negeri Yogyakarta. hlm. 40. ISBN 978-602-60578-2-2.
- ↑ Hakim, Luchman (2015). Rempah dan Herba Kebun-Pekarangan Rumah Masyarakat: Keragaman, Sumber Fitofarmaka dan Wisata Kesehatan-Kebugaran. Sleman: Diandra Creative. hlm. 10. ISBN 978-602-73737-6-1.
- ↑ Rahman, Syamsul (2020). Pengembangan Industri Kuliner Berbasis Makanan Tradisional Khas Sulawesi. Sleman: Deepublish. hlm. 58. ISBN 978-623-02-0498-2.
- ↑ Dima, C. C., Septemuryantoro, S. A., dan Purnomo, D. J. (30 November 2019). Mulatsih, S., dan Setyaningsih, N., ed. "Investigating Original Food and Snack from semarang City through Mimi Lan Mintuno Blog & Vlog as a Storytelling Medium to Promote Semarang Special Culinary Interest". Proceedings Struktural 2019 International Seminar “Language and Culture Studies in Disruptive Era”. Faculty of Humanities Universitas Dian Nuswantoro: 218.
- ↑ 5,0 5,1 5,2 5,3 Frida (2018). Resep Simple Frida: 55+ Camilan Jadoel & Kekinian. Jakarta Selatan: PT. Kawan Pustaka. hlm. 12. ISBN 978-979-757-656-1.
- ↑ Untari, I., Wijayanti, dan Wardani, D. P. K. (2016). Buku Menu Makanan untuk Lansia. Sukoharjo: CV Jasmine. hlm. 57. ISBN 978-602-6871-27-5.
- ↑ Untari, I., Wijayanti, dan Wardani, D. P. K. (2016). Buku Menu Makanan untuk Lansia (PDF). Sukoharjo: CV Jasmine. p. 57. ISBN 978-602-6871-27-5.
{{cite book}}: CS1 maint: multiple names: authors list (link) CS1 maint: url-status (link) - ↑ Widyastuti, N., Nissa, C., dan Panunggal, B. (2018). Manajemen Pelayanan Makanan. Bantul: Penerbit K-Media. hlm. 40. ISBN 978-602-451-203-3.
- ↑ Kurwidaria, Favorita (28 Maret 2016). Aryanto, A., Setyowati, H., dan Rochimansyah, ed. "Optimalisasi Potensi Kearifan Lokal Bahasa dan Budaya Jawa sebagai strategi Peningkatan Nilai Budi Pekerti dan Penguatan Jati Diri dalam Menyongsong MEA". Prosiding Seminar Nasional Pembelajaran Bahasa dan Sastra Jawa sebagai Penguat Budi Pekerti Peserta Didik untuk Menghadapi MEA. Program Studi Pendidikan Bahasa dan Sastra Jawa, Fakultas Keguruan dan Ilmu Pendidikan, Universitas Muhammadiyah Purworejo: 130. ISBN 978-602-74499-0-9.
- ↑ Jannah Firdaus Mediapro (2020). Jus Buah dan Sayuran yang Bermanfaat Untuk Meningkatkan Sistem Kekebalan Tubuh Manusia. Jannah Firdaus Mediapro. hlm. 22.
- ↑ Naim, Ngainun (2019). Tidore Jang Foloi: KKN Kebangsaan IAIN Tulungagung Tahun 2019. Tulungagung: IAIN Tulungagung Press. hlm. 76. ISBN 978-602-5618-65-9.
- ↑ Anis, Elis Z., ed. (2017). God is Everywhere: Reflections On Spiritual Passages Through Sacred Spaces In Java. Jenewa: Globethics.net. hlm. 128. ISBN 978-2-88931-213-9.
- ↑ Ajidarma, Seno Gumira (2004). Affari: Obrolan tentang Jakarta. Yogyakarta: Buku Baik. hlm. 81. ISBN 979-323-910-7.
- ↑ Sudemi (2019). Jejak Warisan Sejarah Agama Khonghucu pada Masyarakat Cina Benteng di Tangerang. Jakarta Utara: MATAKIN Penerbitan dan Gerbang Kebijakan Ru. hlm. 57–58. ISBN 978-602-52538-2-9.
- ↑ Hendarsih, Nenden (2018). Shinta, dan Akbar, A. M., ed. Meyakini Menghargai: Exploring Religious Diversity in Indonesia. Jakarta Selatan: Exposé. hlm. 69. ISBN 978-602-7829-46-6.