ᨍᨓ
ᨍᨓ ᨐᨗᨊᨑᨗᨈᨘ
ᨌᨑᨗᨈᨊ ᨕᨆᨒᨛ ᨅᨔᨐᨙ
[padécéng | padéccéng pabbéré]ᨑᨘᨄ ᨅᨚᨒᨊ ᨍᨓᨕᨙ ᨆᨉᨑᨘᨄ ᨑᨘᨄᨂᨗ ᨆᨚᨉᨙᨒᨙ ᨌᨚᨄᨚᨊ᨞ ᨕᨛᨃ ᨆᨚᨉᨙᨒᨙ ᨌᨚᨄᨚ ᨅᨚᨒ ᨒᨗᨆᨔ᨞ ᨔᨛᨑᨚᨈᨚ᨞ ᨍᨚᨁᨛᨒᨚ᨞ᨄᨁᨂᨛᨄᨛ᨞ ᨆᨁᨑᨙᨄ᨞ ᨆᨌ ᨎᨛᨑᨘ᨞ ᨀᨛᨒᨅ᨞ ᨎᨉᨙᨑᨙᨑᨙ᨞ ᨈᨍᨘ᨞ ᨀᨘᨈᨘ ᨂᨅ᨞ ᨊᨛᨊᨗᨕ ᨔᨗᨊᨚ᨞ ᨆᨚᨉᨙᨒᨙ ᨅᨚᨒ ᨒᨗᨆᨔᨂᨙ ᨀᨆᨗᨊ ᨆᨕᨙᨁᨕᨗ ᨊᨄᨘᨊᨕᨗ ᨄᨅᨊᨘᨕᨕᨙ᨞ ᨊᨕᨗᨐ ᨕᨊᨀᨑᨘᨂᨙ ᨆᨔᨖᨚᨑᨚᨕᨗ ᨆᨅᨚᨒ ᨆᨚᨉᨙᨒᨙ ᨍᨚᨁᨙᨒᨚ᨞
ᨄᨒᨕᨚ ᨑᨘᨆ ᨕᨗᨐᨊᨑᨗᨈᨘ ᨍᨆ ᨀᨆᨗᨊ ᨆᨕᨙᨁ ᨊᨍᨆ ᨍᨓᨕᨙ ᨑᨗ ᨉᨙᨔ ᨉᨙᨔᨕᨙ᨞ ᨔᨕᨗᨔ ᨕᨛᨃᨈᨚ ᨆᨏᨍᨗ ᨄᨁᨓᨙ᨞ ᨄᨋᨙ᨞ ᨊᨙᨊᨗᨕ ᨄᨉᨃ᨞ ᨊᨕᨗᨕ ᨄᨒᨕᨚ ᨑᨘᨆᨕᨙ ᨕᨛᨃ ᨆᨁᨒᨘ ᨓᨕᨙ ᨈᨙ ᨊᨛᨊᨗᨕ ᨓᨕᨙ ᨅᨚᨔᨗ ᨑᨗᨈᨘᨍᨘᨊ ᨆᨈᨊᨛ ᨕᨔᨙ᨞ ᨕᨛᨃᨈᨚ ᨄᨒᨕᨚ ᨑᨘᨆ ᨑᨗ ᨈᨊ ᨆᨑᨀᨚᨕᨙ᨞ ᨕᨛᨃᨈᨚ ᨈᨊᨛ ᨒᨆᨙ ᨕᨍᨘ᨞ ᨅᨑᨛᨒᨙ᨞ ᨒᨆᨙ ᨀᨒᨚᨒᨚ᨞ ᨀᨉᨛᨒᨙ᨞ ᨀᨚᨄᨗ᨞ ᨊᨛᨊᨗᨕ ᨑᨗ ᨒᨕᨗᨊᨕᨙ᨞ ᨉᨙ ᨊᨕᨗᨐ ᨆᨊᨛ ᨄᨄᨒᨕᨚ ᨑᨘᨆᨕᨙ ᨄᨘᨊᨕᨗ ᨈᨊ ᨑᨗᨀᨒᨙ᨞ ᨀᨆᨗᨊ ᨆᨕᨙᨁ ᨆᨏᨍᨗ ᨄᨍᨆᨆᨗ᨞ ᨕᨗᨐᨊᨑᨗᨈᨘ ᨆᨔᨖᨚᨑᨚ ᨆᨔᨑᨚ ᨆᨔᨙ ᨑᨗ ᨓᨔᨙᨒᨙ ᨍᨆᨊᨕᨗ ᨁᨒᨘᨊ ᨈᨕᨘᨕᨙ᨞ ᨑᨗ ᨔᨙᨔᨙᨊ ᨆᨛᨊᨋᨚ ᨆᨉᨑᨘᨄ ᨕᨇᨗ ᨕᨇᨗᨑᨛ ᨄᨘᨑ ᨊᨍᨆ ᨆᨕᨘᨊᨗ ᨉᨙ ᨊᨆᨕᨙᨁ ᨊᨈᨘᨃ ᨆᨛᨊᨋᨚ᨞
ᨈᨚᨉᨚ ᨕᨔᨗᨕᨇᨛᨀᨛᨊ ᨍᨓᨕᨙ ᨑᨗᨄᨅᨈᨗᨕᨗ ᨑᨗ ᨕᨗᨉᨚ ᨕᨅᨚᨊ᨞ ᨆᨕᨘ ᨕᨗᨉᨚ ᨆᨕᨘ ᨕᨅᨚ ᨑᨗᨄᨔᨗᨑᨘᨄᨕᨗ ᨔᨙᨉᨗ ᨄᨀᨔᨛᨂᨛ᨞ ᨕᨒᨙᨑᨄᨊ ᨔᨗᨓ ᨕᨗᨐᨑᨙᨁ ᨕᨘᨓ ᨒᨕᨚ ᨕᨆᨕᨘᨑᨙ ᨕᨚᨑᨚᨕᨊᨙ ᨄᨚᨒᨙ ᨑᨗᨕᨗᨉᨚ ᨕᨅᨚ ᨆᨌᨚᨕᨕᨙ᨞ ᨆᨀᨚᨈᨚᨄᨑᨚ ᨄᨈᨛᨒᨑᨛ ᨄᨓ ᨒᨕᨚ ᨑᨗ ᨔᨗᨒᨛᨔᨘᨑᨛ ᨕᨚᨑᨚᨕᨊᨙ ᨕᨅᨚ ᨊ ᨕᨗᨉᨚ ᨕᨗᨐ ᨆᨒᨚᨒᨚᨕᨙ᨞ ᨓᨓ ᨕᨔᨗᨕᨇᨛᨀᨛ ᨀᨆᨗᨊ ᨆᨄᨚᨂᨙ ᨑᨗ ᨔᨙᨔᨙᨊ ᨄᨅᨊᨘᨕᨕᨙ ᨕᨗᨐᨊᨑᨗᨈᨘ ᨔᨙᨉᨗ ᨕᨅᨈᨗᨑᨛ ᨑᨗᨕᨔᨛ ᨔᨚᨆ ᨕᨗᨐᨑᨙᨁ ᨀᨒᨘᨕᨑᨛᨁ᨞ ᨕᨔᨗᨇᨛᨀᨛ ᨆᨒᨛᨅᨂᨙ ᨑᨗᨕᨔᨛᨂᨗ ᨔᨊ ᨔᨛᨉᨘᨒᨘᨑᨛ ᨕᨗᨐᨊᨑᨗᨈᨘ ᨕᨄ ᨄᨚᨒᨙ ᨑᨗ ᨕᨚᨑᨚᨕᨊᨙ ᨕᨗᨐᨑᨙᨁ ᨆᨀᨘᨋᨕᨗ ᨆᨀᨌᨚᨓᨙᨕᨙ ᨄᨚᨒᨙ ᨑᨗ ᨒᨈᨚ ᨊᨛᨊᨗᨕ ᨄᨚᨒᨙ ᨑᨗ ᨊᨙᨊᨙᨊ ᨒᨈ ᨆᨀᨈᨛᨒᨘᨕᨙ ᨑᨗ ᨕᨔᨛ᨞ ᨕᨗᨕᨊᨕᨙ ᨓᨓ ᨆᨔᨙᨑᨚ ᨄᨘᨑᨙᨄᨚᨕᨗ ᨕᨗᨐᨆᨊᨛ ᨁᨕᨘᨀᨛ ᨕᨀᨈᨘᨕᨚᨂᨙ ᨊᨛᨊᨗᨕ ᨕᨈᨚᨆᨈᨙᨂᨙ᨞ ᨕᨄ ᨀᨆᨗᨊ ᨆᨒᨇᨙᨕᨙ ᨕᨗᨕᨊᨑᨗᨈᨘ ᨕᨒᨘᨑᨘ ᨓᨑᨗᨔᨛ ᨑᨗᨁᨛᨈᨛᨂᨗ ᨄᨗᨈᨘ ᨒᨄᨗ ᨒᨈ ᨊ᨞ ᨆᨔᨖᨚᨑᨚᨕᨗ ᨕᨗᨐᨕᨙ ᨕᨒᨘᨑᨘ ᨓᨑᨗᨔᨛ ᨕᨒᨙᨊ ᨄᨘᨑᨙᨄᨚ ᨕᨗ ᨕᨔᨚᨇ ᨔᨚᨇᨂᨙ ᨑᨗ ᨕᨈᨚᨑᨗᨕᨚᨒᨚᨂᨙ᨞
ᨊᨕᨗᨕ ᨕᨄᨅᨚᨈᨗᨂᨛᨂᨙ ᨒᨛᨅᨗ ᨆᨑᨘᨓ ᨕᨗ ᨊᨕᨗᨕ ᨁᨕᨘ ᨕᨈᨚᨆᨈᨙᨂᨙ᨞ ᨕᨒᨙᨑᨄᨊ ᨑᨙᨀᨚ ᨄᨘᨑᨊᨗ ᨆᨄᨅᨚᨈᨗ ᨍᨓᨕᨙ ᨉᨙ ᨊᨔᨑᨕᨗ ᨈᨙᨁᨕᨗ ᨓᨚᨋᨚ᨞ ᨊᨕᨙᨀᨗᨕ ᨔᨙᨉᨗ ᨈᨚᨕᨗᨕᨔᨛᨊᨂᨛ ᨊᨑᨙᨀᨚ ᨆᨄᨘᨊᨕᨗᨓᨗ ᨅᨚᨒ ᨑᨗᨀᨒᨙ ᨑᨙᨀᨚ ᨄᨘᨑᨊᨗ ᨅᨚᨈᨗ᨞
ᨄᨅᨊᨘᨕᨕᨙ ᨑᨗ ᨉᨙᨔᨕᨙ ᨑᨗ ᨍᨓ ᨑᨗᨄᨑᨙᨈᨕᨗ ᨑᨗ ᨀᨄᨒ ᨉᨙᨔ ᨑᨗᨕᨔᨛᨂᨛ ᨒᨘᨑ᨞ ᨆᨔᨖᨚᨑᨚ ᨈᨚᨕᨗ ᨑᨗᨕᨔᨛ ᨅᨙᨀᨙᨒᨙ ᨄᨛᨈᨗᨁᨗ ᨕᨗᨐᨑᨙᨁ ᨁᨛᨒᨚᨉᨚ᨞ ᨑᨗ ᨈᨘᨍᨘᨊ ᨍᨆ ᨍᨆᨊ ᨒᨘᨑᨕᨙ ᨑᨗᨑᨋᨛᨂᨗᨓᨗ ᨑᨗ ᨄᨛᨑᨅᨚ ᨉᨙᨔ ᨕᨗᨐᨊᨑᨗᨈᨘ ᨀᨆᨗ ᨈᨘᨓᨚ ᨞ ᨄᨕᨑᨘᨀᨗ᨞ ᨔᨘᨑᨚ᨞ ᨁᨁᨓ᨞ ᨒᨙᨉᨙ᨞ ᨊᨛᨊᨗᨕ ᨉᨚᨍ᨞ ᨊᨕᨗᨕ ᨈᨘᨇᨛᨕᨙᨂᨗ ᨍᨆ ᨍᨆᨊ ᨆᨙᨊᨋᨑ ᨕᨗᨐᨊᨑᨗᨈᨘ ᨓᨔᨙᨒᨙ ᨄᨍᨛ ᨈᨊ ᨑᨗᨕᨔᨛᨂᨛ ᨈᨊ ᨅᨙᨀᨚ᨞
ᨊᨕᨗᨕ ᨄᨅᨊᨘᨕᨕᨙ ᨑᨗ ᨍᨓ ᨔᨗᨕᨑᨙ ᨕᨑᨙ ᨕᨗ ᨒᨄᨗᨊ ᨄᨅᨊᨘᨕᨕᨙ ᨕᨗᨐ ᨕᨛᨃ ᨆᨘᨄ ᨆᨉᨘᨄ ᨕᨔᨗᨒᨕᨗᨂᨛᨊ᨞ ᨓᨗᨍ ᨕᨊᨀᨑᨘ ᨕᨗᨐᨊ ᨑᨗᨕᨔᨛ ᨅᨛᨉᨚᨑᨚ ᨗᨐᨑᨙᨁ ᨅᨛᨉᨚᨑᨚ ᨑᨉᨙ᨞ ᨔᨗᨊᨙᨑᨙ ᨆᨛᨊᨋᨚ ᨕᨗᨕᨊᨑᨗᨈᨘ ᨄᨋᨗᨈ ᨄᨚᨒᨙ ᨑᨗ ᨕᨊᨀᨑᨘ᨞ ᨓᨓ ᨀᨆᨗᨊ ᨆᨑᨗᨕᨓᨕᨙ ᨕᨗᨕᨊᨑᨗᨈᨘ ᨓᨓ ᨑᨗᨕᨔᨛᨂᨙ ᨓᨚ ᨌᨗᨒᨗᨀᨛ᨞ ᨑᨗ ᨉᨙᨔᨕᨙ ᨈᨅᨁᨙᨈᨚᨕᨗ ᨆᨏᨍᨗ ᨈᨛᨒᨘ ᨓᨓ ᨕᨗᨕᨊᨑᨗᨈᨘ ᨓᨚ ᨅᨈᨘ ᨕᨗᨍ ᨆᨘᨒ ᨇᨘᨀᨛᨕᨛᨂᨗ ᨉᨙᨔᨕᨙ᨞ ᨓᨓ ᨀᨘᨒᨗ ᨁᨉᨚ ᨈᨕᨘ ᨉᨙᨕᨙ ᨊᨄᨘᨊᨕᨗ ᨈᨊ ᨕᨗᨐᨑᨙᨁ ᨅᨚᨒ ᨊᨛᨊᨗᨐ ᨍᨀ ᨔᨗᨊᨚ ᨕᨗᨐᨑᨙᨁ ᨀᨒᨚᨒᨚ ᨉᨙᨕᨙ ᨍᨆᨊ ᨕᨛᨃ ᨏᨛᨉᨗ ᨊᨆᨊ ᨄᨚᨒᨙ ᨈᨚᨆᨈᨚᨕᨊ᨞
ᨕᨁᨆ ᨔᨛᨒᨛᨂᨙ ᨆᨔᨖᨚᨑᨚᨕᨗ ᨊᨕᨈᨙᨀᨀᨛ ᨍᨓᨕᨙ᨞ ᨆᨕᨘᨊᨗ ᨔᨗᨕᨑᨙ ᨕᨑᨙ ᨕᨚᨋᨚ ᨕᨛᨃ ᨄᨂᨑᨘᨊ ᨕᨁᨆ ᨒᨕᨗᨂᨙ᨞ ᨊᨕᨙᨀᨗᨐ ᨕᨔᨛᨒᨛᨂᨛᨊ ᨍᨓᨕᨙ ᨆᨔᨛᨑᨚ ᨕᨛᨃ ᨄᨂᨑᨘᨊ ᨕᨁᨆ ᨒᨕᨗᨂᨙ ᨆᨄᨆᨘᨒ ᨕᨈᨚᨑᨗᨕᨚᨒᨚᨊ ᨍᨓᨕᨙ ᨑᨗᨕᨔᨛᨂᨙ ᨀᨍᨓᨙ᨞ ᨖᨗᨉᨘ᨞ ᨅᨘᨉ᨞ ᨊᨛᨊᨗᨐ ᨊᨔᨛᨑᨊᨗ᨞ ᨓᨓ ᨆᨍᨛᨑᨙᨕᨙ ᨑᨗ ᨕᨁᨆ ᨔᨛᨒᨛᨂᨙ ᨕᨗᨐᨊ ᨑᨗᨕᨔᨛ ᨓᨓ ᨔᨈᨛᨑᨗ ᨆᨀᨚᨈᨚᨄᨑᨚ ᨓᨓ ᨄᨔᨗᨀᨚᨑᨙ ᨀᨚᨑᨙᨕᨙᨂᨗ ᨕᨔᨛᨒᨛᨂᨛᨂᨙ ᨕᨗᨐᨊ ᨑᨗᨕᨔᨛ ᨓᨓ ᨕᨅᨂ᨞
ᨍᨓ ᨕᨗᨐ ᨆᨈᨙᨀᨀᨛᨂᨙᨂᨗ ᨔᨛᨒᨛᨂᨙ ᨊᨕᨙᨀᨗᨐ ᨉᨙ ᨊᨄᨘᨁᨕᨘᨕᨗ ᨔᨑᨕᨙ ᨑᨗᨕᨔᨛᨂᨗ ᨓᨓ ᨀᨛᨍᨓᨙ᨞ ᨕᨗᨐᨊᨑᨗᨈᨘ ᨆᨛᨊᨋᨚ ᨊᨄᨉᨗᨕᨚᨒᨚᨕᨗ ᨕᨈᨚᨑᨗᨕᨚᨒᨚᨊ ᨊᨛᨊᨗᨕ ᨊᨄᨑᨉᨛᨀᨗᨓᨗ ᨄᨂᨗᨔᨛ ᨅᨈᨗᨂᨙ ᨑᨗ ᨕᨒᨙᨊ᨞ ᨕᨗᨐᨊ ᨓᨓ ᨆᨀᨚᨀᨚᨕᨙ ᨑᨗ ᨕᨀᨘᨕᨗ ᨔᨒ ᨔᨙᨉᨗᨊ ᨑᨗ ᨕᨗᨉᨚᨊᨙᨔᨗᨕ᨞ ᨊᨕᨗᨐ ᨀᨍᨓᨙᨂᨙ ᨊᨈᨛᨄᨛᨑᨓᨗ ᨕᨛᨃᨊ ᨕᨄᨚᨑᨛ ᨆᨒᨗᨋᨘ ᨑᨗᨕᨔᨛ ᨀᨛᨔᨀᨛᨈᨙ ᨊᨛᨊᨗᨐ ᨕᨛᨃ ᨆᨘᨄ ᨕᨄᨕᨘᨒᨙ ᨓᨑᨗᨕᨒᨊ ᨄᨚ ᨊᨙᨊᨙᨊ ᨊᨛᨊᨗᨐ ᨓᨑᨗᨕᨒᨊ ᨕᨒᨂᨙ ᨑᨗ ᨒᨒᨛᨊ ᨕᨈᨘᨕᨚ ᨈᨘᨕᨚᨊ ᨑᨘᨄ ᨈᨕᨘᨕᨙ᨞ ᨕᨒᨙᨄᨊ ᨈᨚ ᨕᨒᨘᨔᨘ ᨑᨗᨕᨔᨛᨂᨙ ᨆᨙᨆᨙᨉᨗ᨞ ᨒᨛᨒᨛᨅᨘ᨞ ᨈᨘᨐᨘᨒᨘ᨞ ᨔᨛᨆᨗ᨞ ᨍᨗ᨞ ᨊᨑᨙᨀᨚ ᨉᨙ ᨈᨆᨕᨙᨒᨚ ᨑᨗᨄᨀᨍᨗᨒᨗ ᨍᨗᨒᨗ ᨕᨗᨐᨑᨙᨁ ᨆᨕᨙᨒᨚᨀᨗ ᨑᨗᨈᨘᨒᨘ ᨑᨗ ᨈᨚ ᨕᨒᨘᨔᨘᨕᨙ ᨄᨑᨛᨒᨘᨕᨗ ᨑᨗᨕᨀᨘᨑᨁ᨞ ᨕᨒᨑᨄᨊ ᨆᨊᨗᨊᨗ᨞ ᨆᨄᨘᨕᨔ ᨊᨛᨊᨗᨐ ᨆᨔᨘᨑᨚ ᨅᨌ᨞ ᨕᨗᨐᨊ ᨆᨔᨖᨚᨑᨚ ᨊᨄᨘᨁᨕᨘ ᨍᨓᨕᨙ᨞ ᨐᨚᨂᨛᨊᨗ ᨆᨀᨚᨑᨚ ᨊᨕᨙᨀᨗᨐ ᨕᨔᨘᨑᨚ ᨅᨌᨕᨙ ᨑᨗᨉᨘᨒᨘᨂᨗ ᨑᨗ ᨆᨚᨉᨗ᨞
ᨁᨕᨘᨀᨛᨊ ᨍᨓᨕᨙ ᨑᨗ ᨉᨕᨙᨑ ᨕᨔᨕᨚᨑᨍᨂᨙ ᨑᨗ ᨐᨚᨁᨛᨐᨀᨑᨛᨈ ᨊᨛᨊᨗᨐ ᨔᨘᨑᨀᨑᨛᨈ ᨕᨛᨃᨕᨗ ᨈᨛᨈᨚ ᨑᨗ ᨕᨔᨛᨒᨛᨂᨛᨂᨙ ᨕᨗᨐᨊᨑᨗᨈᨘ ᨁᨛᨑᨙᨅᨙ ᨆᨕᨘᨒᨘ ᨆᨔᨖᨚᨑᨚ ᨈᨚᨕᨗ ᨑᨗᨕᨔᨛ ᨔᨛᨀᨈᨙ᨞ ᨁᨑᨙᨅᨙ᨞ ᨕᨗᨐᨑᨙᨁ ᨆᨕᨘᨒᨘ᨞ ᨕᨆᨘᨒᨗᨀᨛᨂᨙ ᨆᨕᨀᨛᨉᨙᨕᨗ ᨄᨚᨒᨙ ᨑᨗ ᨕᨍᨍᨗᨂᨛᨊ ᨊᨛᨊᨗᨐ ᨕᨒᨗᨋᨘᨂᨛᨊ ᨊᨅᨗ ᨆᨘᨖᨆ ᨑᨗ ᨈᨘᨍᨘᨊ ᨕᨗᨐᨑᨙᨁ ᨑᨅᨗᨕᨘᨒᨛ ᨕᨓᨒᨛ ᨄᨚᨒᨙ ᨑᨗ ᨕᨅᨗᨒ ᨈᨕᨘ ᨖᨗᨍᨛᨑᨗᨕ᨞
ᨁᨕᨘᨀᨛ ᨁᨕᨑᨙᨅᨙ ᨑᨗᨄᨆᨘᨒᨕᨗ ᨔᨗᨆᨗᨁᨘ ᨄᨚᨒᨙ ᨑᨗ ᨈᨁᨒ 12 ᨆᨕᨘᨒᨘ ᨑᨗ ᨄᨊᨛᨔᨕᨗ ᨑ ᨄᨕᨛᨔᨘᨊ ᨁᨆᨛᨒ ᨀᨗᨐᨕᨗ ᨕᨗᨐᨑᨙᨁ ᨎᨕᨗ ᨔᨀᨛᨈᨗ ᨄᨚᨒᨙ ᨑᨗ ᨕᨔᨕᨚᨑᨍᨂᨙ ᨑᨗ ᨍᨚᨁᨛᨍᨀᨑᨛᨈᨊᨛᨊᨗᨐ ᨔᨘᨑᨀᨑᨛᨈ ᨕᨗᨐᨑᨛᨁ ᨑᨗᨄᨈᨘᨉᨊ ᨑᨗ ᨅᨑᨘᨁᨕᨙ ᨕᨛᨃᨕᨙ ᨑᨗ ᨄᨔᨗᨑᨗ ᨆᨔᨗᨁᨗ ᨊ ᨔᨕᨚᨑᨍᨕᨙ᨞ ᨊ ᨑᨗᨄᨘᨊᨗᨊᨗ ᨁᨆᨛᨒᨂᨙ ᨕᨛᨔᨚ ᨕᨛᨔᨚ ᨄᨗᨈᨘᨂᨛᨔᨚ ᨕᨗᨐᨊ᨞ ᨔᨗᨄᨘᨄᨘ ᨕᨗᨈᨊᨑᨚ ᨆᨑᨚᨓᨊᨗ ᨄᨔᨗᨑᨗ ᨑᨗᨕᨚᨒᨚᨊ ᨆᨔᨗᨁᨗᨕᨙ ᨆᨏᨍᨗ ᨄᨔ ᨈᨚᨊᨗ᨞ ᨕᨚᨋᨚ ᨆᨅᨒᨘ ᨕᨋᨙ ᨆᨉᨑᨘᨄ ᨑᨘᨄ ᨕᨗᨊᨘᨂᨛ᨞ ᨄᨀᨙᨕ᨞ ᨅᨙᨒᨚ ᨅᨙᨒᨚ᨞ ᨊᨛᨊᨗᨐ ᨕᨌᨗᨒᨙ ᨌᨘᨒᨙ ᨆᨉᨑᨘᨄ ᨑᨘᨄ᨞
ᨊᨕᨗᨐ ᨕᨛᨔᨚ ᨆᨈᨊ ᨁᨕᨘᨀᨛᨂᨙ ᨕᨗᨐᨊᨑᨗᨈᨘ ᨓᨛᨊᨘ 12 ᨆᨕᨘᨒᨘ ᨑᨗ ᨁᨕᨘ ᨕᨛᨃᨊ ᨔᨘᨒᨛᨈ ᨕᨗᨐᨑᨙᨁ ᨔᨗᨕᨍᨗᨊ᨞ ᨀᨘᨓᨕᨙᨈᨚᨄ ᨈᨚᨆᨒᨚᨄᨚᨕᨙ ᨊᨛᨊᨗᨐ ᨔᨗᨊᨗ ᨕᨈ ᨑᨗᨕᨅᨚᨒᨂᨙ ᨑᨗᨈᨗᨋᨚᨔᨗ ᨒᨕᨚ ᨑᨗ ᨆᨔᨗᨁᨗᨕᨙ ᨆᨔᨛᨇᨍ ᨊᨛᨊᨗᨐ ᨆᨑᨙᨃᨒᨗᨂ ᨀᨈᨚᨅ᨞ ᨊᨕᨗᨐ ᨈᨚᨔᨆᨕᨙ ᨆᨈᨁᨕᨘᨊ ᨕᨛᨃᨕᨗ ᨑᨗ ᨓᨛᨈᨘ ᨑᨗ ᨄᨊᨚᨊᨚᨊ ᨕᨋᨙ ᨕᨔᨚᨑᨚᨂᨛᨊ ᨑᨗᨕᨔᨛᨂᨙ ᨁᨘᨊᨘᨂ ᨊ ᨑᨗ ᨕᨘᨒᨙ ᨒᨕᨚ ᨑᨗ ᨈᨊ ᨒᨄᨂᨙ ᨊᨑᨗᨅᨁᨙ ᨅᨁᨙ ᨒᨕᨚ ᨑᨗ ᨈᨕᨘ ᨆᨕᨙᨁᨕᨙ᨞ ᨒᨗᨔᨛ ᨊ ᨁᨘᨊᨘᨂᨂᨙ ᨔᨛᨄᨘᨒᨚ ᨉᨘᨕ ᨈᨘᨇᨙ᨞ ᨕᨗᨐᨊᨑᨗᨈᨘ ᨊᨋᨙ ᨅᨕᨈᨚᨕ ᨑᨗᨅᨙᨒᨚ ᨅᨙᨒᨚᨕᨗ 2 ᨆᨙᨈᨙᨑᨙ ᨈᨋᨙᨊ᨞
ᨄᨀᨔᨛᨂᨛᨊ ᨕᨋᨙ ᨕᨋᨙᨊ ᨍᨓᨕᨙ ᨑᨗ ᨔᨛᨆᨑ ᨑᨗ ᨈᨛᨒᨊᨗ ᨔᨚᨈᨚ ᨕᨐ ᨔᨛᨆᨑ᨞ ᨔᨚᨈᨚ ᨕᨐ ᨅᨒᨚᨑ ᨕᨗᨐᨊᨑᨗᨈᨘ ᨄᨚᨒᨙ ᨑᨗ ᨅᨒᨚᨑ᨞ ᨔᨚᨈᨚ ᨈᨕᨘᨌᨚ ᨄᨛᨀᨒᨚᨂ᨞ ᨔᨚᨈᨚ ᨔᨚᨀᨑᨍ ᨄᨑᨛᨓᨛᨀᨛᨑᨛᨈᨚ ᨆᨕᨔᨖᨚᨑᨚᨕᨗ ᨑᨗᨕᨔᨛ ᨔᨚᨈᨚ ᨔᨚᨀᨑᨍ ᨕᨗᨐᨑᨙᨁ ᨔᨚᨈᨚ ᨀᨛᨑᨗᨐᨗ ᨄᨚᨒᨙ ᨑᨗ ᨄᨘᨑᨛᨅᨒᨗᨁ᨞
ᨑᨗ ᨔᨒᨗᨏᨛᨊᨕᨙᨑᨚ᨞ ᨕᨒᨛᨅᨂᨛᨊ ᨕᨋᨙ ᨕᨋᨙᨊ ᨍᨓᨕᨙ ᨆᨒᨛᨅᨂᨗ ᨊᨔᨅ ᨕᨛᨃᨊ ᨌᨚᨑ ᨄᨂᨑᨘᨊ ᨅᨂᨛᨔ ᨌᨗᨊᨕᨙ᨞ ᨕᨗᨉᨗᨕ᨞ ᨊᨛᨊᨗᨐ ᨕᨙᨑᨚᨄ᨞ ᨁᨃᨊ ᨆᨉᨑᨘᨄ ᨑᨘᨄᨂᨗ ᨕᨋᨙ ᨕᨋᨙᨊ ᨍᨓᨕᨙ᨞ ᨆᨉᨑᨘᨄ ᨑᨘᨄᨂᨗ ᨈᨋ ᨌᨚᨑ ᨊ ᨊᨔᨅ ᨄᨂᨛᨔᨗᨊ ᨏᨔᨙᨒᨙ ᨕᨒᨂᨙ᨞ ᨄᨀᨔᨛᨂᨛᨊ ᨆᨔᨖᨚᨑᨚᨕᨗ ᨑᨗᨕᨒ ᨄᨚᨒᨙ ᨕᨚᨋᨚᨊ ᨑᨕᨒ᨞ ᨑᨄᨊ ᨈᨙᨇᨚ᨞ ᨌᨊᨗ᨞ ᨕᨉᨚ ᨕᨉᨚ ᨌᨚᨑᨚ᨞ ᨀᨚᨄᨗ ᨉᨄᨘᨑᨛ ᨀᨘᨕ᨞ ᨔᨘᨈᨙ ᨕᨙᨔᨛ ᨁᨛᨇᨚᨒᨚ᨞ ᨖᨚᨑᨚ ᨖᨚᨑᨚ᨞ ᨈᨄᨙ ᨁᨚᨑᨙ᨞ ᨔᨈᨙ ᨀᨗᨀᨗᨒᨗ᨞ ᨈᨑᨍᨘ᨞ ᨈᨘᨑᨘ ᨅᨗᨈᨚᨒᨚ᨞ ᨀᨘᨒᨘᨅ ᨕᨗᨐᨑᨙᨁ ᨄᨊᨔ ᨒᨚᨒᨚ ᨊ ᨀᨍᨚᨇᨗ᨞