Эль-Фаюм

Горад
Эль-Фаюм
араб. الفيوم‎, копц. Ⲫⲓⲟⲙ
29°18′ пн. ш. 30°50′ у. д.
Краіна	Егіпет
Мухафаза	мухафаза Эль-Фаюм
Губернатар	Галаль Мустафа
Гісторыя і геаграфія
Заснаваны	XX стагоддзе да н.э.
Ранейшыя назвы	Кракадылопаль, Арсіноя
Плошча	23,87 км²
Вышыня цэнтра	29 ± 0 м
Тып клімату	пустынны
Часавы пояс	UTC+2, летам UTC+3
Насельніцтва
Насельніцтва	315 940 чалавек (2006)
Шчыльнасць	13,235 чал./км²
Афіцыйная мова	арабская
Паказаць/схаваць карты
Эль-Фаюм
Медыяфайлы на Вікісховішчы

Эль-Фаю́м — адміністрацыйны цэнтр аднайменнай мухафазы ў Сярэднім Егіпце, размешчаны ў Фаюмскім аазісе і акружаны з усіх бакоў Лівійскай пустыняй. Насельніцтва — 306 393 жыхары (2005).

Фараоны 12-й дынастыі часта мелі рэзідэнцыі ў Фаюме, які называўся тады Шэдыт. Пра гэта сведчаць раскапаныя Фліндэрсам Пітры рэшткі храмаў і пахавальных пірамід. У пазнейшыя часы Шедыт (копц. П-ём) быў вядомы як Горад гадаў, або Кракадылопаль, пераназваны Пталамеямі ў Арсіною і меў бога-заступніка Себека з галавой кракадзіла. Тут жа знаходзіўся знакаміты Лабірынт, апісаны Герадотам. Сярод шматлікіх археалагічных знаходак Фаюмскай вобласці сусветную славу здабылі фаюмскія партрэты. Эль-Фаюм таксама вядомы пад назвай «Горад кракадзілаў і партрэтаў».

Вадзяныя колы

У Фаюме ёсць некалькі вялікіх кірмашоў, мячэцей, лазняў і папулярны штотыднёвы рынак. Канал, які называецца Бахр-Юсуф, праходзіць праз горад, па яго берагах стаяць дамы. Два масты перакінуты цераз раку: адзін складаецца з трох арак, па ім праходзіць галоўная вуліца; другі складаецца з дзвюх арак, над ім узвышаецца мячэць султана Кайтбея — падарунак ад жонкі ў гонар мамлюкскага султана ў Фаюме. У цэнтры горада знаходзіцца канал, з чатырма вадзянымі коламі, якія былі прыняты ў правінцыі Фаюм у якасці нацыянальнага сімвала.

Гл. таксама

• Мерыдава возера
• Фаюмская культура
• Фіёміі

Спасылкі

• На Вікісховішчы ёсць медыяфайлы па тэме Эль-Фаюм
• Фаюм // Энциклопедический словарь Брокгауза и Ефрона: В 86 томах (82 т. и 4 доп.) (руск.). — СПб., 1890—1907.