Уілфрэд Оўэн

Уілфрэд Оўэн
англ.: Wilfred Edward Salter Owen
Род дзейнасці	пісьменнік, паэт
Дата нараджэння	18 сакавіка 1893(1893-03-18)
Месца нараджэння	Озуэстры, Вялікабрытанія
Дата смерці	4 лістапада 1918(1918-11-04) (25 гадоў)
Месца смерці	Ors[d], дэпартамент Нор, рэгіён Нор — Па-дэ-Кале, Францыя
Месца пахавання	Ors Communal Cemetery, Commonwealth Plot[d]
Грамадзянства	Злучанае каралеўства Вялікабрытаніі і Ірландыі
Альма-матар	Рэдынгскі ўніверсітэт Wakeman School[d]
Бітвы/войны	Першая сусветная вайна
Узнагароды і прэміі
Медыяфайлы на Вікісховішчы
Творы ў Вікікрыніцах

Уілфрэд Эдвард Солтэр Оўэн (англ.: Wilfred Edward Salter Owen; 18 сакавіка 1893, Озуэстры, графства Шропшыр — 4 лістапада 1918, канал Самбра — Уаза) — англійскі паэт, творчасць якога ў наймацнейшай ступені паўплывала на паэзію 1930-х гадоў.

Біяграфія

Прабыўшы некалькі тыдняў ва ўніверсітэцкім каледжы Рэдынга, ён у 1912 годзе кінуў вучобу з-за хваробы, з’ехаў у Францыю і ў 1913 годзе ўладкаваўся прыватным настаўнікам у Бардо. У 1915 годзе пад уплывам прапаганды вярнуўся ў Англію і пайшоў добраахвотнікам у пяхоту. Атрымаўшы малодшы афіцэрскі чын у 1916 годзе, служыў на французскім фронце камандзірам роты і ў 1917 годзе пасля ранення вярнуўся дадому. У вайсковым шпіталі пад Эдынбургам пазнаёміўся з Зігфрыдам Сасунам, выбітным паэтам «акопнікам», чые рэзка антываенныя вершы ўжо атрымалі вядомасць. Зносіны з Сасунам спрыялі хуткаму росквіту паэтычнага дару Оўэна. У жніўні 1918 года ён вярнуўся на фронт і заслужыў ордэн «Ваенны крыж» за мужнасць. Оўэн быў забіты пры прарыве брытанскімі салдатамі нямецкіх пазіцый на канале Самбра-Уаза, каля 11 гадзін раніцы 4 лістапада 1918 года, роўна за тыдзень да заканчэння вайны.

Зборнік яго вершаў, складзены З. Сасунам, быў апублікаваны ў 1920 годзе. Самым вядомым стаў антываенны верш Dulce Et Decorum Est («Прыгожая за радзіму смерць»). Па прызнанні З. Сасуна «…Оўэн адкрыў, як з рэальнасці жаху і праклёнаў можна ствараць паэзію».