Уладзімір Васілевіч Дзяржавін

Уладзімір Васілевіч Дзяржавін
Асабістыя звесткі
Дата нараджэння	1 (14) лістапада 1908
Месца нараджэння	Нерахта, Кастрамская губерня, Расійская імперыя
Дата смерці	5 кастрычніка 1975(1975-10-05) (66 гадоў)
Месца смерці	Масква, РСФСР, СССР
Пахаванне	Перадзелкінскія могілкі[d]
Грамадзянства	СССР
Прафесійная дзейнасць
Род дзейнасці	паэт, перакладчык, дзеяч выяўленчага мастацтва, мастак
Гады творчасці	1928 — 1975
Мова твораў	руская
Узнагароды

Уладзімір Васілевіч Дзяржавін (14 лістапада 1908 — 5 кастрычніка 1975) — рускі савецкі паэт, перакладчык, мастак.

Біяграфія

У 1924 годзе прыехаў у Маскву, вучыўся ва Вышэйшых мастацка-тэхнічных майстэрнях ў Р. Фалька і А. Дрэвіна. У 1928 годзе ўпершыню апублікаваў вершы, пазнаёміўся з М. Горкім, які паставіўся да Дзяржавіна і яго творчасці з цікавасцю і пасля неаднаразова аказваў яму заступніцтва.

У 1931—1934 гг. жыў і працаваў у Балшоўскай Працоўнай камуне АДПУ імя Ягоды, куды трапіў па рэкамендацыі Горкага. У 1934—1940 гадах друкаваўся ў часопісах, у 1936 годзе выпусціў адзіную прыжыццёвую кнігу вершаў. Член Саюза пісьменнікаў з 1939 года.

З 1940 года да канца жыцця актыўна публікаваўся як паэт-перакладчык, у першую чаргу класічнай паэзіі Усходу. На рускую мову пераклаў паасобныя творы Якуба Коласа, Максіма Багдановіча, вершы і паэму П.Броўкі.

Пахаваны на могілках у Перадзелкіна.

Літаратура

• Беларуская энцыклапедыя: У 18 т. Т. 6: Дадаізм — Застава / Рэдкал.: Г. П. Пашкоў і інш. — Мн. : БелЭн, 1998. — Т. 6. — 576 с. — 10 000 экз. — ISBN 985-11-0035-8. — ISBN 985-11-0106-0 (т. 6).