Станіслаў Дзядулевіч

Станіслаў Дзядулевіч
Дата нараджэння	4 красавіка 1872(1872-04-04)
Месца нараджэння	Варшава, Царства Польскае
Дата смерці	4 лютага 1943(1943-02-04) (70 гадоў)
Месца смерці	Юзэфаў, Атвоцкі павет, Мазавецкае ваяводства, Польшча
Месца пахавання	Старыя Павонзкі
Грамадзянства	Расійская імперыя  Польская Рэспубліка
Бацька	Bonifacy Dziadulewicz[d]
Род дзейнасці	геральдыст, гісторык, генеалог
Альма-матар	факультэт права і адміністрацыі Варшаўскага ўніверсітэта[d]
Медыяфайлы на Вікісховішчы

Станіслаў Дзядуле́віч (польск.: Stanisław Dziadulewicz; 7 красавіка 1872, Варшава — 4 лютага 1943) — польскі гісторык, геральдыст і генеалог.

Біяграфія

Нарадзіўся ў Варшаве. Скончыў юрыдычны факультэт Варшаўскага ўніверсітэта. Выкладаў у сярэдніх навучальных установах Варшавы. З 1897 года пачаў публікаваць артыкулы па геральдыцы і генеалогіі ў «Вялікай універсальнай ілюстраванай энцыклапедыі».

Пастаянна супрацоўнічаў з часопісам «Miesięcznik heraldyczny» («Геральдычны штомесячнік»), дзе змяшчаў артыкулы па геральдыцы Польшчы і Вялікага Княства Літоўскага. Публікаваўся таксама ў «Tygodnik ilustrowany» («Ілюстраваны штотыднёвік»), «Bluszcz» («Блюшч»), «Kurier warszawski» («Варшаўскі кур’ер»).

Займаўся даследаваннем генеалогіі і геральдыкі татарскіх родаў ВКЛ, лічачы і свой род татарскага паходжання. Удзельнічаў у адраджэнскім татарскім руху.

Гербоўнік татарскіх сем’яў

Найбольш вядомая праца Дзядулевіча — «Гербоўнік татарскіх сем’яў у Польшчы» (Herbarz rodzin tatarskich w Polsce, Вільня, 1929), у якой сабраны звесткі пра татарскія мусульманскія роды (пераважна з тэрыторыі ВКЛ) і пра шляхецкія роды хрысціянскага веравызнання, што паходзілі з татараў. Праца заснавана на шырокім дакументальным матэрыяле з архіваў Вільні, Варшавы, Масквы і Пецярбурга, аднак утрымлівае і шмат легендарных і некрытычна апрацаваных звестак.

Літаратура

• Станіслаў Дзядулевіч на сайце Электронная энцыклапедыя «Вялікае Княства Літоўскае»