Санкт-Пёльтэн

Горад
Санкт-Пёльтэн
ням.: Sankt Pölten
Герб
48°12′ пн. ш. 15°37′ у. д.
Краіна	Аўстрыя
Федэральная зямля	Ніжняя Аўстрыя
Акруга	акруга Санкт-Пёльтэн
Бургамістр	Маціяс Штадлер (СДПА)
Гісторыя і геаграфія
Плошча	108.48 км²
Вышыня цэнтра	267 м
Часавы пояс	UTC+1, летам UTC+2
Насельніцтва
Насельніцтва	51 073 чалавек (2005)
Афіцыйная мова	нямецкая
Лічбавыя ідэнтыфікатары
Тэлефонны код	02742
Паштовы індэкс	3100
Аўтамабільны код	P
Афіцыйны код	3 02 01
st-poelten.gv.at (ням.)
Паказаць/схаваць карты
Санкт-Пёльтэн
Медыяфайлы на Вікісховішчы

Санкт-Пёльтэн (ням.: Sankt Pölten, St. Pölten) — горад у Аўстрыі, сталіца і найбуйнейшы горад зямлі Ніжняя Аўстрыя. Насельніцтва — 49 121 чалавек (2001).

Транспарт

Праз горад праходзяць аўтамабільная і чыгуначная магістраль Вена — Лінц, дарогі на Крэмс і Марыяцэль, а таксама чыгуначная лінія на Крэмс, Тульн-на-Дунаі, Хайнфельд, Санкт-Эгід-ам-Нойвальдэ, Манк і Марыяцэль.
Дарога на цягніку ад Вены займае каля 40 хвілін, ад Лінца каля 50 хвілін.

Гісторыя

У часы Старажытнага Рыма на месцы Санкт-Пёльтэна размяшчаўся рымскі горад Эліум Цэнтыум (Aelium Cetium). Санкт-Пёльтэн сфарміраваўся ў VIII стагоддзі вакол бенедыкцінскага абацтва Св. Іпаліта (ням.: Sankt Pölten), заснаванага ў 771 годзе, якое і дало імя горада. Афіцыйна правы горада Санкт-Пёльтэн атрымаў у 1159 годзе.

Да 1490 года належаў біскупству Пасау, з 1785 года сам стаў цэнтрам біскупства. У 1986 годзе стаў сталіцай зямлі Ніжняя Аўстрыя.

Славутасці

Кафедральны сабор

• На Вікісховішчы ёсць медыяфайлы па тэме Санкт-Пёльтэн
• Ратушная плошча. Цэнтр старога горада. Пасярод плошчы — калона Святой Тройцы (1782).
• Францысканская царква знаходзіцца з поўначы ратушнай плошчы. Пабудавана ў 1768 годзе ў стылі ракако.
• Ратуша. Будынак ратушы на паўднёвым боку ратушнай плошчы пабудаваны ў XIV стагоддзі, з тых часоў шматразова перабудоўваўся. Барочны фасад ратушы створаны ў 1727 г.
• Манастыр кармелітак. Цяпер у ім размяшчаецца гарадскі музей.
• Саборная плошча. Цэнтр былога рымскага горада Эліум Цэнтыум. На плошчы кафедральны сабор (XII стагоддзе, шматразова перабудоўваўся, апошні раз у стылі барока ў 1722 г.). Вышыня званіцы 77 метраў.
• Рэзідэнцыя біскупа. Пабудавана ў 1653 г. Цяпер у ёй епархіяльны музей, дзе выстаўлены прадметы рэлігійнага мастацтва.
• Замак Потэнбрун у Потэнбруне. У палацы экспануецца калекцыя сярэднявечных кубкаў.

Музеі

• Гарадскі музей Санкт-Пётэльна
• Епархіяльны музей
• Музей Ім Хоф
• Гістарычны музей Ніжняй Аўстрыі

Гарады-пабрацімы

• Курасікі, Японія (1957)
• Хайдэнхайм, Германія (1967)
• Клішы, Францыя (1968)
• Брно, Чэхія (1990)
• Алтуна, ЗША (2000)
• Ухань, Кітай (2005)

Літаратура

• Санкт-Пёльтэн // Беларуская энцыклапедыя: У 18 т. Т. 14: Рэле — Слаявіна / Рэдкал.: Г. П. Пашкоў і інш. — Мн. : БелЭн, 2002. — Т. 14. — С. 155. — 512 с. — 10 000 экз. — ISBN 985-11-0035-8. — ISBN 985-11-0238-5 (т. 14).

Спасылкі

• Афіцыйная старонка