Роні Радке

Роні Радке
Асноўная інфармацыя
Імя пры нараджэнні	англ.: Ronald Joseph Radke
Дата нараджэння	15 снежня 1983(1983-12-15) (41 год)
Месца нараджэння	Лас-Вегас, акруга Кларк[d], Невада, ЗША
Краіна	ЗША
Альма-матар	Mojave High School[d]
Музычная дзейнасць
Прафесіі	аўтар песень, музычны прадзюсар, гітарыст, спявак
Гады актыўнасці	з 1998
Пеўчы голас	тэнар
Інструменты	вакал
Жанры	пост-хардкор[d]
Псеўданімы	Ronnie Radke і Double R
Лэйблы	Epitaph Records[d]
Грамадская дзейнасць
Член у	Falling In Reverse Escape the Fate[d] (2008)
Медыяфайлы на Вікісховішчы

Роні Радке (англ.: Ronnie Radke; нар. 15 снежня 1983(1983-12-15), Лас-Вегас, Невада) — амерыканскі спявак, аўтар песень, прадзюсар, музыкант. З’яўляецца адным з заснавальнікаў і цяперашнім вакалістам калектыву Falling In Reverse. Таксама Радке былы вакаліст і адзін з заснавальнікаў гурта Escape the Fate. З Falling In Reverse выпусціў пяць поўнафарматных студыйных альбомаў: The Drug In Me Is You (2011), Fashionably Late (2013), Just Like You (2015), Coming Home (2017) і Popular Monster (2024) праз лэйбл Epitaph Records. Радке атрымаў некалькі ўзнагарод за ўдзел разам з гуртом Falling In Reverse, у тым ліку Лепшы APTV відэа і вакаліст года Alternative Press. З яго былым гуртом, Escape The Fate, выпусціў адзін EP, There’s No Sympathy for the Dead, і адзін поўнафарматны студыйны альбом, Dying Is Your Latest Fashion у 2006 годзе на Epitaph. Як сольны Музыка, выпусціў свой рэп-мікстэйп, Watch Me, у 2014 годзе, у якім супрацоўнічаў з іншымі артыстамі, такімі як Deuce, b.LaY, Тайлер Картэр з Issues, Sy Ari Da Kid, Джэкабі Шэдзікс з Papa Roach, Дэні Уорснап з Asking Alexandria і We Are Harlot, і Крэйг Мэбіт з Escape the Fate.

Біяграфія

Роні Радке нарадзіўся 15 снежня 1983 года. Вырас у беднай сям’і з бацькам, братам і бабуляй. Маці Радке пакінула сям’ю па невядомых прычынах.

Радке навучыўся граць на фартэпіяна і гітары ў сваіх першых гуртах. Спачатку пачаў граць каверы на Blink-182 песні на гітары. Першая песня, якую ён змог сыграць — «Dammit». Стварыў некалькі гуртоў, калі вучыўся ў сярэдняй школе. Радке збег з дому, каб граць у сваім першым гурце са сваім сябрам Мітчам пад назвай 3.0., які «гучыць гэтак жа, як Blink 182» па словах Радке. Жыў з Мітчам і яго маці на працягу пэўнага перыяду часу. Яны сыгралі некалькі канцэртаў на розных пляцоўках, такіх як Chain Reaction і Huntridge у Лас-Вегасе.

Пасля гурта Радке вярнуўся да таты і сказаў, што кінуў школу. Радке зноў вярнуўся ў школу і затым кінуў зноў. Радке заявіў, што другі гурт называўся Lefty. Роні сустрэў Макса Грына (з гурта Almost Heroes) на шоў талентаў. Мікрафон Радке ўпаў і Макс ўзяў яго за Роні, пакуль яны былі на сцэне, і яны сталі сябрамі, утвараючы гурт True Story, які запісаў дэма, якое змяшчае трэк «This Is Not the End».

У 2004 годзе сфармаваў гурт Escape the Fate. На працягу толькі аднаго месяца гурту ўдалося дамагчыся поспеху ў краіне.

У 2006 годзе Роні быў арыштаваны за ўдзел у бойцы, у выніку якой быў застрэлены 18-гадовы Майкл Кук. Стрэл хоць і не быў здзейснены Роні, музыка быў асуджаны за саўдзел у забойстве і быў прысуджаны да турэмнага зняволення ў 2008 годзе. Таксама яго выключылі з гурта.

12 снежня 2010 года Радке выйшаў на волю. У турме ён сабраў гурт Falling in Reverse.

Сольная кар’ера

У 2014 годзе Радке запісаў сольны мікстэп «Watch Me» у жанры рэп. У яго запісе ўзялі ўдзел такія рок-музыкі, як Deuce, Тайлер Картэр, і г. д. Роні Радке таксама прыняў удзел у запісе песні Deuce — «Nobody Likes Me» з альбома Nine Lives.

Дыскаграфія

Escape the Fate

• Escape the Fate (Demo) (2005)
• There’s No Sympathy for the Dead (2006)
• Dying Is Your Latest Fashion (2006)
• Situations EP (2007)

Falling in Reverse

• The Drug in Me Is You (2011)
• Fashionably Late (2013)
• Just Like You (2015)
• Coming Home (2017)
• Popular Monster (2024)

Сольная кар’ера

• Watch Me (2014)