Раман Усяславіч

Раман Усяславіч
Нараджэнне	XI стагоддзе
Смерць	1116 ці 1114 Мурам, Чарнігаўскае княства або Staraya Ryazan[d], Спаскі раён[d], Разанская акруга[d], Маскоўская вобласць
Бацька	Усяслаў Брачыславіч
Маці	Усяславава Брачыславіча[d]

Раман Усяславіч (XI ст. — каля 1116) — князь з полацкіх Ізяславічаў.

Біяграфія

Паводле Леаніда Аляксеева, Раман быў маладзейшы за Давыда, Барыса і Глеба Усяславічаў (парадак паводле Аляксеева). Невядома які ўдзел меў Раман, але, імаверна, адтуль яго выгнаў Глеб. Валянцін Янін выказаў здагадку, што Раман быў старэйшым сынам полацкага князя Усяслава Брачыславіча і яго наступнікам на стальцы, аднак, у тым самым артыкуле даследчык папросту атаясняе Рамана з Барысам, а Давыда з Глебам. Да думкі пра старшынство Рамана сярод братоў схіляецца Алег Рапаў, з удакладненнем, што Раман мог страціць полацкі сталец у міжусобіцы і вымушаны быў жыць у выгнанні. Паводле «Аповесці мінулых гадоў», Раман памёр у 1116 годзе ў Мураме, паводле Ніканаўскага летапісу — у Разані ў 1114 годзе. Удава Рамана, вядома толькі як Раманава, прыняла пострыг, пазней да яе ў манастыр прыйшла вучыцца, а пасля таксама пастрыглася, пляменніца мужа — Прадслава Святаславаўна.

Літаратура

• В. С. Пазднякоў. Раман Усяславіч // Беларуская энцыклапедыя: У 18 т. Т. 13: Праміле — Рэлаксін / Рэдкал.: Г. П. Пашкоў і інш. — Мн. : БелЭн, 2001. — Т. 13. — 576 с. — 10 000 экз. — ISBN 985-11-0035-8. — ISBN 985-11-0216-4 (т. 13).