Карэйская мова

Карэйская мова
Саманазва	한국어, 조선말
Краіны	Рэспубліка Карэя, КНДР
Рэгіёны	Карэйскі паўвостраў
Афіцыйны статус	Рэспубліка Карэя КНДР Кітай: Яньбань-Карэйская аўтаномная акруга
Арганізацыя, якая рэгулюе	Нацыянальны інстытут карэйскай мовы
Агульная колькасць носьбітаў	78 000 000
Статус	у бяспецы[d]
Класіфікацыя
Катэгорыя	Мовы Еўразіі
Ізаляваныя мовы
Пісьменнасць	хангыль
Моўныя коды
ДАСТ 7.75–97	коо 330
ISO 639-1	ko
ISO 639-2	kor
ISO 639-3	kor
WALS	kor
Ethnologue	kor
Linguasphere	45-AAA-a і 45-A
ABS ASCL	7301
IETF	ko
Glottolog	kore1280
Вікіпедыя на гэтай мове

Карэ́йская мо́ва (кар.: 한국어, 조선말) — мова карэйцаў і абедзвюх дзяржаў Карэйскага паўвострава -- КНДР і Рэспублікі Карэя. Распаўсюджана таксама ў Кітай, Японіі, ЗША, Расіі, краінах Сярэдняй Азіі. Агульная колькасць носьбітаў - каля 78 млн чалавек. Карэйская - ізаляваная мова аглюцінатыўнага ладу з парадкам словаў SOV.

Гісторыя і вывучэнне

Большасць даследчыкаў адносіць сучасную карэйскую мову да ізаляваных моў, аднак некаторыя лічаць яе часткай гіпатэтычнай алтайскай моўнай сям'і.

Застаецца спрэчным пытанне пра суадносіны сучаснай карэйскай мовы і моў Трох карэйскіх царстваў - пэкчэ, сіла і кагуроскай, хоць усе тры мовы выяўляюць падабенства ў лексіцы і (наколькі дазваляе судзіць іерагліфічны запіс) граматычным ладзе. На думку некаторых лінгвістаў, з названых моў найменшае падабенства выяўляе кагуроская, якую шэраг лінгвістаў лічыць продкам або бліжэйшым сваяком японскай мовы. Мова сіла, наадварот, часцей за ўсё разглядаецца як продак карэйскай мовы.

Адным з першых на магчымае сваяцтва карэйскай і японскай моў звярнуў увагу Агура Сімпэй. У сучаснай заходняй лінгвістыцы карэйская, японская і старажытныя мовы Карэйскага паўвострава нярэдка аб'ядноўваюць у групу моў пуё па назве царства Пуё.

Саманазва мовы

Да 1945 года выкарыстоўвалася назва «часонмаль» (кар. 조선말?, 朝鮮 말?) ці «часано» (кар. 조선어?, 朝鮮語?); гэтую ж назву ўжываюць цяпер у Паўночнай Карэі. У Паўднёвай Карэі цяпер прынятыя назвы «хангуго» (кар. 한국어?, 韓國 語?) ці «хангунмаль» (кар. 한국말?, 韓國 말?); часта проста «куго» (кар. 국어?, 國語?, «дзяржаўная мова»). У абедзвюх частках Карэі ўжываецца таксама гутарковая назва «урымаль» (우리말, «наша мова»).

Спасылкі

• На Вікісховішчы ёсць медыяфайлы па тэме Карэйская мова