Драматычны тэатр Беларускай арміі

Драматычны тэатр Беларускай арміі
Заснаваны	2003
Будынак тэатра
Краіна	Беларусь
Размяшчэнне	Мінск
Будынак	г. Мінск, вул. Чырвонаармейская, 3
Адрас	г. Мінск, вул. Чырвонаармейская, 3
Кіраўніцтва
Дырэктар	Дзмітрый Верабей
Мастацкі кіраўнік	Арцём Пінчук
Галоўны рэжысёр	Ігар Фільчанкаў
Сайт	mil.by/ru/leisure/theate…

Драматычны тэатр Беларускай арміі (ДТБА) — тэатр г. Мінска, размяшчаецца ў правым крыле Дома афіцэраў.

Гісторыя

Рашэнне аб стварэнні ДТБА было прынята ў 2003 годзе ў Міністэрстве абароны Рэспублікі Беларусь. Пачаў сваю працу 24 чэрвеня 2004 г прэм’ерай спектакля па п’есе Аляксея Дударава «Ты помніш, Алёша», якая распавядае аб мужнасці абаронцаў Магілёва летам 1941 года.

26 снежня 2018 года пастановай калегіі Міністэрства культуры Рэспублікі Беларусь № 72 тэатру прысвоена званне «Заслужаны калектыў Рэспублікі Беларусь».

Фестывальнае жыццё

Спектаклі тэатра былі адзначаны:

• на IX Міжнародным тэатральным фестывалі «Белая Вежа-2004»,
• у першым тэатральным конкурсе ў рамках Міжнароднага кінафестывалю «Лістапад 2004». 
• У чэрвені 2005 года прыняў удзел у VI Маскоўскім міжнародным фестывалі камерных тэатраў і спектакляў малых формаў «Славянскі вянок», прысвечаным перамозе ў Другой сусветнай вайне. Тэатр стаў лаўрэатам і атрымаў галоўны прыз - «За найлепшы спектакль фестывалю».

Кіраўніцтва

Мастацкія кіраўнікі

• Аляксей Дудараў (2003—2013)
• Марына Дударава (12 жніўня 2013—4 снежня 2024)
• Арцём Пінчук (з 4 снежня 2024)

Галоўныя рэжысёры

• Марына Дударава (2004—2013)
• Ігар Фільчанкаў (з 1 верасня 2013)

Гл. таксама

• Дом афіцэраў