Васіль Юравец

Васіль Юравец
Васіль Юравец
Асабістыя звесткі
Дата нараджэння	1904
Месца нараджэння	Гжыбоўцы[d], Беластоцкі павет, Гродзенская губерня, Літоўскае генерал-губернатарства, Расійская імперыя;
Дата смерці	1980
Месца смерці	Беласток, Беластоцкае ваяводства, Польская Народная Рэспубліка;
Пахаванне	Праваслаўныя могілкі ў Беластоку;
Месца працы	сакратар управы гарадоцкага ТБШ
Прафесійная дзейнасць
Род дзейнасці	грамадскі дзеяч, паэт
Мова твораў	беларуская
Грамадская дзейнасць
Член у	Таварыства беларускай школы;

Васіль Юравец (1904, Грыбаўцы — 1980, Беласток) — заходнебеларускі паэт і грамадскі дзеяч.

Біяграфія

Васіль Юравец нарадзіўся ў вёсцы Грыбаўцы каля Гарадка ў беларускай сям’і. Скончыў пачатковую школу, але далей вучыцца не змог, бо сям’я не мела на гэта сродкаў. Працаваў на тэкстыльнай фабрыцы ў Гарадку.

Калі на Беласточчыне ствараліся гурткі Таварыства беларускай школы, то Васіль Юравец адзін з першых запісаўся ў гэтую арганізацыю. Ён быў не толькі сябрам Гарадоцкага ТБШ, але і сакратаром управы.

У вольны час юнак выступаў з прамовамі перад сваімі землякамі, заклікаў іх уступаць у ТБШ і бараніць беларускую мову.

Пісаў шмат вершаў, якія дасылаў у віленскія беларускія выданні, дзе некаторыя з іх друкаваліся.

Асабліва актыўным Васіль Юравец быў у 1933 годзе. Часопіс «Летапіс Таварыства Беларускай Школы» апублікаваў некалькі яго паэтычных твораў.

Пахаваны на праваслаўных могілках парафіі Усіх Святых у Беластоку.

Спасылкі