Nontronh
Nontronh [nun’trum] (en francés Nontron) es una vila occitana francesa, que se tròba en Perigòrd (departament de Dordonha e region d'Aquitània).
Se pensa que l'etimologia de Nontronh ven dau nom d’òme Nantirionius, atestat a l'epòca gallo-romana.
Geografia
Chapluòc de l'arrondiment mai au nòrd de Dordonha, Nontronh se tròba au mitan dau Perigòrd verd, dins la valada de Bandiat. La vila es bastida sus lo granit, quitament se lo calcari comença quauques quilometres au sud. Au còr dau país de l'aubre e de l'aiga, dins lo Parc Naturau Regionau Perigòrd-Lemosin, se situa a distància quasi egala de Perigüers, Lemòtges e Engolesme.