Forsíða
60.281 greinar á íslensku.
Neymar
Neymar er brasilískur knattspyrnumaður sem leikur stöðu sóknarmanns fyrir Santos FC og brasilíska landsliðið. Neymar hefur einnig spilað fyrir spænska liðið FC Barcelona, parísarliðið Paris Saint-Germain og sádi-arabíska liðið Al Hilal. Hann er þekktur fyrir að vera afkastamikill markaskorari og lipur knattreki. Hann er almennt talinn vera einn besti knattspyrnumaður heims og besti brasilíski leikmaður sinnar kynslóðar.
Þegar Neymar var nítján ára vann hann verðlaun sem besti suður-ameríski leikmaðurinn árið 2011, eftir að hafa lent í 3. sæti árið 2010. Neymar var tilnefndur til FIFA-gullknattarins, þar sem hann lenti í 10. sæti, og Puskás-verðlaunanna FIFA sem hann vann. Honum hefur verið líkt við samlanda sinn Pelé, brasilíska knattspyrnugoðsögn, en árið 2023 sló Neymar markamet Pelé fyrir landsliðið með 79 landsliðsmörk, tveimur meira en Pelé. Hann varð einnig dýrasti knattspyrnumaður allra tíma árið 2017 þegar Paris Saint-Germain keypti hann fyrir 222 milljónir evra.
Vissir þú...
- … að fyrsta bannið við dauðarefsingum og pyntingum í nútímaríki var lagt árið 1786 í Stórhertogadæminu Toskana af Leópold 2. keisara?
- … að viðskiptaveldi Medici-ættarinnar var eitt hið fyrsta sem notaði höfuðbækur í bókhaldi sínu til að hafa eftirlit með inneignum og skuldfærslum?
- … að annar forseti Írans, Mohammad-Ali Rajai (sjá mynd), var myrtur eftir aðeins tvær vikur í embætti?
- … að lögreglan á Stór-Lundúnasvæðinu í Englandi er kölluð Scotland Yard eftir upphaflegum höfuðstöðvum lögregluliðsins í Whitehall-höll, þar sem aðalinngangurinn sneri út að götu í Westminster sem heitir Great Scotland Yard?
- … að HMS Prince of Wales, sem kom til Íslands árið 2022, er stærsta herskip sem komið hefur til landsins?
Fréttir
- 22. júní: Bandaríkin ganga inn í stríð Ísraels og Írans með loftárásum á íranskar kjarnorkumiðstöðvar.
- 13. júní: Ísrael gerir loftárásir á kjarnorkuver og herforingja í Íran (sjá mynd).
- 3. júní:
- Lee Jae-myung er kjörinn forseti Suður-Kóreu.
- Ríkisstjórn Hollands springur eftir að Geert Wilders dregur stuðning sinn við hana til baka.
- 1. júní: Karol Nawrocki er kjörinn forseti Póllands.
Yfirstandandi: Borgarastyrjöldin í Jemen • Borgarastyrjöldin í Súdan • Innrás Rússa í Úkraínu / Stríð Rússlands og Úkraínu • Stríð Ísraels og Hamas • Stríð Ísraels og Írans • Sýrlenska borgarastyrjöldin
Nýleg andlát: Violeta Chamorro (14. júní) • Brian Wilson (11. júní) • Orri Harðarson (7. júní)
27. júní
- 2006 - Hópslys varð á Eskifirði og þurftu um 30 manns að leita sér læknishjálpar eftir að klórgas losnaði út í andrúmsloftið í sundlauginni á Eskifirði fyrir mannleg mistök.
- 2006 - Samkynhneigðir á Íslandi fengu jafna réttarstöðu á við gagnkynhneigða varðandi skráningu í sambúð.
- 2007 - Gordon Brown tók við embætti forsætisráðherra Bretlands.
- 2008 - Bill Gates hætti sem stjórnarformaður Microsoft.
- 2016 - Ísland vann England i 16 liða úrslitum EM 2016.
- 2017 - Hrina tölvuárása gegn samtökum í Úkraínu með gagnagíslatökubúnaðinum Petya hófst.
- 2020 – Forsetakosningar fóru fram á Íslandi. Guðni Th. Jóhannesson sitjandi forseti var endurkjörinn með 92,2% atkvæða.
- 2022 - 53 ólöglegir innflytjendur fundust látnir í flutningavagni í San Antonio í Texas.
- 2023 - Miklar óeirðir brutust út í Frakklandi eftir að lögreglan skaut 17 ára pilt í Nanterre, úthverfi Parísar.
Systurverkefni
|
|
