K wobsahej skočić

Trjebin

Z Wikipedije, swobodneje encyklopedije
 Tutón zapisk zaběra so z łužiskej gmejnu. Za městačko w Braniborskej, němsce Trebbin, hlej Trjebin (Braniborska).
51.52638888888914.561111111111

Trjebin (němsce Trebendorf) je wjes a gmejna we wuchodosakskim Zhorjelskim wokrjesu w sewjerowuchodnym dźělu Hornjeje Łužicy.

Do gmejny słušeše hač do lěta 2025 gmejnski dźěl tež holanska wjes Miłoraz. Wjesnej dźělej Trjebina běštej Zagora (Hinterberg) a Trjebink (Klein Trebendorf). Gmejna Trjebin słuša do teritorija Slepjanskeje narěče a je dźěl serbskeho sydlenskeho ruma.

Po 2025 wotzamknjenym přesydlenju Miłoraza bydla nimale wšitcy 700 wobydlerjow w Trjebinje samym.

Dwór „Hanza Šustera“

Trjebin nadeńdźe so někak pjeć kilometrow sewjerozapadnje Běłeje Wody a tři kilometry juhowuchodnje Slepoho při Struze w zapadnym dźělu Mužakowskeje hole. Južny dźěl gmejnskeho teritorija – mjez druhim tež gmejnski dźěl Miłoraz a sydlišćo Zagora – leži we wotbagrowanskim pasmje Wochožanskeje brunicoweje jamy. Sewjernje Trjebin leži Brězowski jězor, woblubowany kupanski jězor.

Susodne gmejny su Slepo a Dźěwin na sewjeru, Běła Woda na wuchodźe a juhu kaž tež Sprjewiny Doł (wokrjes Budyšin) na zapadźe.

Prěnje historiske naspomnjenje jako Trebindorf pochadźa z lěta 1382. Druhdy mjenowaše so po serbskim přikładźe tež jenož Dreben resp. Treben abo tež Dorff Treben. Ležownostne knjejstwo měješe přez lětstotki Mužakowske stawowe knjejstwo.[2]

W lěće 1999 bu wjes Miłoraz zagmejnowana do Trjebinskeje gmejny. W 2020tych lětach so Miłoraženjo přesydlichu a statoki, hosćenc a dalše twarjenja wottorhachu. Nowy Miłoraz leži na ležownosćach Slepjanskeje gmejny.

Po Mukowej statistice z lětow 1884/85 rěčachu tehdy 375 wot cyłkownje 385 Trjebinjanow serbsce.[3] Arnošt Černik zwěsći w lěće 1956 we wsy přeco hišće serbskorěčny podźěl wobydlerstwa wot 76,8 %.[4] Wobydlerjo přisłušachu ze starodawna Slepjanskej wosadźe.

Nazymu 1945 załožichu Trjebinjenjo pod nawodom Mateja Pawla swójsku Domowinsku skupinu.

Gmejna słuša k sakskemu wólbnemu wokrjesej 57 (Zhorjelc 1) a k zwjazkowemu wólbnemu wokrjesej 157 (Zhorjelc).

  1. ↑ Aktualne ličby wobydlerstwa po gmejnach 2024; Statistiski krajny zarjad Sakskeje
  2. ↑ Trebin w Digitalnym stawizniskim zapisu městnow Sakskeje (němsce)
  3. ↑ Ernst Tschernik: Die Entwicklung der sorbischen Bevölkerung. Akademie-Verlag, Berlin 1954. → wšě wjeski
  4. ↑ Ludwig Elle: Sprachenpolitik in der Lausitz. Ludowe nakładnistwo Domowina, Budyšin 1995, str. 255. [745 wobydlerjow, z nich 421 dorosćenych z aktiwnymi znajomosćemi serbšćiny, 11 z pasiwnymi, 140 serbskich dźěći a młodostnych, 173 bjez znajomosćow] → wšě wjeski
 Commons: Trjebin – Zběrka wobrazow, widejow a awdiodatajow
Z Wikipedije, swobodneje encyklopedije
Trjebin
němsce Trebendorf
Trjebin na karće Sakskeje
Trjebin na karće Sakskeje
DEC
Zakładne daty
stat Němska Němska
zwjazkowy kraj SakskaSakska Sakska
wokrjes Zhorjelski
wysokosć 126 metrow n.m.hł.
přestrjeń 32,05 km²
wobydlerstwo 698 (31. dec 2024)[1]
hustosć zasydlenja 22 wob. na km²
póstowe čisło 02959
předwólba (+49) 035773
awtowa značka GR, LÖB, NOL, NY, WSW, ZI
Politika a zarjadnistwo
wjesnjanosta Robert Sprjejc (bjezstronski)
adresa Měrowa 83
02959 Slepo
webstrona trebendorf.de
Połoženje Trjebina w Sakskej
KartaDźěwinDźěwin
Karta
wikidata: Trjebin (Q544870)