Topo

Topo
Tipo	tipo de inbarcasion
Sototipo	barca
Orìzene	Itàłia

El topo o anca mototopo el ze na inbarcasion tìpega de ła tradision łagunar veneta. Prinsipalmente uzà cofà barca da strapòrto marcansìe inte ła só version comersial el ga anca de i antenati a veła. El topo el se adatava a ła veła a'l terso. Uzà inte łe zone manco calme de ła łaguna de Venesia indove ła visinansa de'l mar ła ne rendeva ła navigasion più dificoltoza par łe barche a fondo piato. De dimension inferiori respeto a'l burcio ło rendeva più ladìn (àziłe) de 'st'ùltemo e donca più adatà a respónder ad ezigense de manovrabiłità anca se naturalmente el reduzeva ła capasità de cargo. Ła version mototopo purasè conosùo inte ła sità łagunar ła ze l'ecuivałente de'l furgon da traspòrto in teraferma, infati a Venesia incontremo łe più note conpanjìe de strapòrto cofà par ezenpio i tramesièri espresi che i utiłiza 'sta inbarcasion par reałizar łe consenje in sità.

Material de costrusion

El material tradisional par ła costrusion de'l scafo el ze in łenjo e ła só łaorasion ła rechiede l'uzo de forme a piegadùre a caldo. El motor normalmente el esprime almanco 400 Hp rendendo łozegamente obligadoria ła patente nautica par poder menar un mezo cofà 'sto cuà. Ła pozision de'l motor ła ze interna a'l scafo altra razon par rénder indispensàbiłe ła patente nautica.

Curiozità

Inte el spetacoło teatral Il Milione. Quaderno veneziano, Marco Paolin el conta un pasagio indove el mototopo cofà inbarcasion el ze protagonista rałegrando tuti i spetadori^[1].

Variasion

Topo istran

Note

↑ (IT) Lo spettacolo (82; Jolefilm 2009;Gruppo Espresso 2010) xe andà in direta tełevixiva su Rai 2 inte el 1998

Voxe łigàe

Inbarcasion venesiane

Linganbi foresti

trafego in sità de inbarcasion traspòrto marcansìe superióri ai 10 metri Archivià il 7 de zunjo 2008 in Internet Archive.
barche Adriatiche Archivià il 4 de marso 2016 in Internet Archive.

[1] (IT) Lo spettacolo (82; Jolefilm 2009;Gruppo Espresso 2010) xe andà in direta tełevixiva su Rai 2 inte el 1998

[1]