Space Shuttle

El Space Transportation System (STS), anca noto come Space Shuttle o Shuttle, el xe sta un sistema de lancio spaziałe riutiłizàbiłe de ła NASA, l'ente governativo statunitense responsàbiłe dei programmi spaziałi, progetà par mission spaziałi in orbita so ła Tera. Lancià in orbita par ła prima volta el 12 apriłe 1981, el ga portà a termine ła so ultima mision el 21 lujo 2011.

El Space Shuttle quando xe drio decołare

Istoria

El progeto de naveta in fase sperimentałe (1968-1970)

I primi schizzi de ła naveta spaziałe

Mentre ła NASA ła jera impegnada ne łe ultime fasi del sviłupo del Programa Apollo, ła scminsiò, el 30 otobre 1968, na consultazion par el desviłupo de un sistema de lancio reutiłizàbiłe in grado de mètare in orbita basa un carico utiłe comprendesto intra 2,3 e 23 tonełate e de riportar soa Terra almanco na tonełata de carico e co un vano de almanco 85 m³. Inte el febraro del'ano dopo, cuatro aziende: North American Rockwell, Lockheed, General Dynamics e McDonnell Douglas łe xe sta selezionae par partecipare a sto studio preliminare.

El inizio del progeto (1972)

El Presidente Richard Nixon no el vołeva esare considerà queo che gaveva fermà le mission umane spaziałi dei Stati Uniti, che łe jera oncora considerà un elemento de prestigio par la nazion. Inoltre, se l'opinion publica e ła comunità scientifica ła gaveva deciso de redure el bilancio dedicato ai voli umani, el presidente el jera esposto a łe presion del'industria aerospaziałe e a łe considerazioni eletorałi. El ritiro degli Stati Uniti dal Vietnam el gaveva portà al crolo dei ordini miłitari, ła crisi del'industria el declino del programa Apollo ła gaveva provocà na recession che l'industria aerospaziałe statunitense non ła gaveva mai avuo: ła metà dei ingegneri e dei dipendenti che i lavorava inte el settore i jera ridondanti. 'Sto problema el jera certamente rilevante par le iminenti elezioni presidenziałi.

Stima dei costi de ła naveta NASA par le soe capacità (disenbre 1971)

Scenario	1	2	2A	3	4
Diametro e lungheza del vano de carico	3,1 m × 9,1 m	3,7 m × 12,2 m	4,3 m × 13,7 m	4,3 m × 15,2 m	4,6 m × 18,3 m
Massa del carico utiłe	13,6 t	13,6 t	20,4 t	29,5 t	29,5 t
Costo de sviłupo (Mds $)	4,7	4,9	5,0	5,2	5,5
Costo de na mission (Milns $)	6,6	7,0	7,5	7,6	7,7
Costo de lancio par kg ($)	485	492	368	254	260

Descrizion

Lo Shuttle el jera compognesto da tre parti principałi:

• l'Orbiter Vehicle (in sigla OV): el jera l'unico componente che entrava in orbita co a bordo gli astronauti, nel'Orbiter ghe jera un vano de trasporto par el carico, tre motori principałi che i utiłizava el combustìbiłe presente inte i serbatoi esterni e un sistema de manovra orbitałe co do motori pi picenin;
• do Solid Rocket Booster (in sigla SRB): i jera razi riutiłizzabiłi a propełente sołido e l'allomenio, che i se stacava do minuti dopo el lancio a na alteza de 66 km e i vieniva recuperai nel'oceano grasie al fato che ła vełocità de cascada ła vieniva ridota da i paracadute;
• el Serbatoio Esterno (in sigla ET): el jera un grando serbatoio esterno de combustìbiłe de osìgeno liquido (inte ła sima) e de idrogeno anch'eo liquido (inte ła parte basa) che i serviva a alimentar i tre motori princspałi del'Orbiter. I se stacava daspò sirca 8 minuti e mezo a na altezza de 109 km par po esploder inte ła atmosfera.

Flota

Ea NASA ła gaveva costruio cuatro Orbiter operativi (ognun dei cuałi co dełe carateristeghe deverse): Challenger, Columbia, Discovery, Atlantis; dopo ła distruzion del Challenger, el jera sta costruio un cuinto Orbiter: Endeavour.

I ghe jera anca do shuttle doparai cofà modełi par i studi: Pathfinder e Enterprise.

• Challenger (OV-099, ex-STA-099): el jera sta' el secondo orbiter costruio (nel 1982). El gavea voła par ła prima volta inte el 1983 durante ła mission STS-6. El e gaveva distruto durante el lancio del so decimo voeo, STS-51-L, el 28 xenaro 1986.
• Columbia (OV-102): el jera sta' el primo orbiter in servisio operativo. El gaveva efetuà 28 vołi intra el 1981 e el 2003 vanti de distrugerse durante el so rientro in atmosfera el 1º febraio 2003. El Columbia el pexava 3,6 tonełate in pi' rispeto a st'altri orbiter: le ali e ła fusoliera łe risultava pi pesanti. El Columbia el jera dotà de strumentazion doparada par el controło e el monitorajo dei parametri de voło durante i primi voli de test.
• Discovery (OV-103): el gaveva fato el so primo voło inte el 1984, durante ła mission STS-41-D. El gaveva completà 39 mision rivando a esare el Orbiter col major numaro de vołi. El jera sta ritirà dal servizio daspò ła mision STS-133.
• Atlantis (OV 104): el gaveva fato el so voło inaugurałe inte el 1985 par la mission STS-51-J. El jera sta ritirà dal servizio daspò ła mision STS-135.
• Endeavour (OV-105): el gaveva fato el primo volo inte el 1992 durante ła mission STS-49. El jera sta costruio daspò ła perdita del Challenger e el gaveva fato 26 vołi. El jera sta ritirà dal servizio daspò ła mission STS-134.

Gli Space Shuttle che xe sta costruii, in ordine cronologico (no i xe raffigurà l'Enterprise e el Pathfinder)

Statistiche de voło

Shuttle	Primo voło	Tempo de voło	Orbite	Distanza in km	Vołi	Voło pi łongo	Equipagio e pasegeri	EVA	Agansi co Mir/ISS	Satełiti tacai in orbita
Atlantis	3 otobre 1985	293g 18h 29m 37 s	4 648	194 168 813	32	13g 20h 12 m 44s	191	32	7 / 11	14
Challenger	4 apriłe 1983	62g 07h 56m 15s	995	41 527 416	10	8g 05h 23m 33s	60	6	0 / 0	10
Columbia	12 apriłe 1981	300g 17h 40m 22s	4 808	201 497 772	28	17g 15h 53m 18s	160	7	0 / 0	8
Discovery	30 agosto 1984	364g 12h 55m 31s	5 830	238 539 667	39	15g 02h 48m 08s	252	47	1 / 13	31
Endeavour	7 majo 1992	280g 09h 39m 44s	4 429	166 003 247	24	16g 15h 08m 48s	148	46	1 / 10	3
Totale		1301g 18h 41m 29s	20 710	841 736 915	133	17,66g (STS-80)	811	138	9 / 34	66

Ea mission pi longa ła jera stada ea STS-80, del novenbre 1996, de ła durada totałe de 17 dì, 15 ore, 53 minuti e 18 siecondi.