Open Tree of Life
Ti Open Tree of Life (Ilokano: Silulukat a Kayo ti Biag) ket maysa a online a pilohenetiko a kayo ti biag – maysa a panagtitinnulong, a pinondoan ti National Science Foundation. Idi Septiembre 2015, nairuar ti umuna a draft, a pakairamanan ti 2.3 milion a sebbangan. Ti interaktibo a grap ket palubosanna ti agar-aramat nga ag-zoom iti taksonomiko a panangidasig, dagiti pilohenetiko a kayo, ken pakaammo maipapan iti maysa a nodo. Ti panag-click iti maysa a sebbangan ket agsubli ti taudan ken ti reperensia a taksonomiana.
Pamay-an
[urnosen | urnosen ti taudan]Agus-usar ti proyekto iti maysa a superkayo tapno mangpataud iti maymaysa a pilohenetiko a kayo (a naiserbi iti tree.opentreeoflife.org) manipud iti komprehensibo a taksonomia ken maysa a naurnos a grupo dagiti naipablaak a pilohenetiko a pattapatta.
Ti taksonomia ket maysa a panagtitipon ti sumagmamano a dadakkel a panangidasig a pinataud ti dadduma a proyekto; naaramidna iti software a maawagan iti "smasher". Ti nagbanagan a taksonomia ket naawagan iti Open Tree Taxonomy (OTT) ken mabalin a mabirokan iti pagbasabasa ti web.
Pakasaritaan
[urnosen | urnosen ti taudan]Nairugi ti proyekto idi Hunio 2012 babaen ti tallo a tawen a premio ti NSF kadagiti managsirarak iti sangapulo nga unibersidad. Idi 2015, naited ti dua a tawen a mainayon a premio kadagiti managsirarak iti tallo nga institusion.