Minecraft Dungeons
| Minecraft Dungeons | |
|---|---|
 | |
| Изработувач(и) | |
| Издавач(и) | Xbox Game Studios |
| Режисер(и) | Монс Олсон |
| Продуцент(и) |
|
| Дизајнер(и) |
|
| Програмер(и) | Никлас Борестам |
| Уметник(ци) | Даниел Бјоркефер |
| Композитор(и) |
|
| Серијал | Minecraft (франшиза) |
| Погон | Unreal Engine 4 |
| Подлоги | |
| Датум на издавање |
|
| Жанр(ови) | истражување на зандани |
| Режим(и) | едноиграчки, повеќеиграчки |
Minecraft Dungeons — компјутерска игра во жанрот истражување на зандани од 2020 г., развиена од Mojang Studios и Double Eleven, а издадена од Xbox Game Studios. Таа е спиноф на компјутерската игра Minecraft и била издадена за Nintendo Switch, PlayStation 4, Windows и Xbox One во мај 2020 г. Исто така, била адаптирана во аркадна игра од Raw Thrills, со аркадна верзија објавена во мај 2021 г. Развојот на играта подоцна бил прекинат на 30 ноември 2022 г.
Minecraft Dungeons добила потврдни одзиви, при што повеќето критичари ја оцениле играта како забавна и привлечна, пофалувајќи ги нејзините визуелни елементи и музика. Меѓутоа, нејзиниот едноставен играчки процес и употребата на процедурално создавање наишле на мешан прием, а нејзината кратка приказна и недостатокот на длабочина биле критикувани.
Играчки процес
[уреди | уреди извор]Играта се разликува од Minecraft по тоа што во неа нема изработка на предмети и нема можност за кршење или поставување блокови. Дејството на играта се одвива во три света (Горниот Свет, Долниот Свет, Крајот), каде што играчот истражува случајно создадени карти, во кои, пак, се појавуваат мобови и босови, а исто така, во играта има мали загатки и потрага по богатства.
Играчот може да користи какво било најдено оружје, артефакти или оклоп.[1][2]
Развој
[уреди | уреди извор]Minecraft Dungeons е развиена од компанијата Mojang Studios на погонот Unreal Engine.
По успехот на оригиналната Minecraft, Mojang Studios размислувал за други можности што би можеле да донесат нешто ново во вселената на Minecraft. Експериментирајќи со различни идеи, првично била наменета за едноиграчка игра во жанрот истражување на зандани, вдахната од серијалот The Legend of Zelda за Nintendo 3DS.[3] Меѓутоа, од многу функции морале да се откажат додека играта почнала да добива јасни одлики. Според директорот на играта, Монс Олсон, играта била вдахната од Diablo и Torchlight, како и од Warhammer: End Times — Vermintide и Left 4 Dead.
Наводи
[уреди | уреди извор]- ↑ Caty McCarthy (2019-06-11). „Minecraft Dungeons is Diablo for People Who Are Intimidated by Diablo“ (англиски). USgamer. Архивирано од изворникот 2019-06-11. Посетено на 2019-10-07.
- ↑ „'Minecraft Dungeons' is a blocky, smash-and-slash adventure“. Engadget (англиски). June 11, 2019. Архивирано од изворникот June 11, 2019. Посетено на June 11, 2019.
- ↑ Contributor, Imogen Beckhelling (2019-10-28). „Minecraft Dungeons started life as a Nintendo 3DS game“. Eurogamer.net (англиски). Посетено на 2025-09-20.