LEGO é a denominación que se dá a unha serie de xoguetes que teñen como elemento principal uns bloques de plástico interconectábeis. A compañía Lego System A/S, a súa fabricante, ten base en Billund, Dinamarca. Foi fundada no ano 1916 polo carpinteiro Ole Kirk Christiansen e dende 1934 pasou a chamarse LEGO, coa contracción das palabras dinamarquesas "LEg GOdt" (xogue ben).
En 1939 tiña 10 empregados. En 1943 xa traballaban na empresa unhas 40 persoas, que pasaron a 50 en 1948. En 1965 comezaron a distribuír os seus produtos en España, e en 1966 xa vendían en 42 países. En 1974 formouse a división LEGO España. En 1983 tiña 3 700 empregados a nivel mundial, que pasaron a 7 550 en 1991. En 1996 creouse a páxina web lego.com[1].
