Klase nin dugo

Klase nin dugo (o grupo nin dugo) nadeterminaran, sa kabtang sana, kan ABO grupo nin dugo na antigens presente sa mga selulang pulang dugo.

An klase nin dugo (midbid man bilang grupo nin dugo) iyo an nakabase sa presensya asin pagkawara kan antibodies asin inherited antigenic na sabstans sa ibabaw kan red blood cells (RBCs). Ining mga antigens na ini posibleng mga protina, carbohydrates, glycoproteins, o glycolipids, depende sa sistema kan grupo nin dugo. An iba sa mga antigens na ini presente man sa ibabaw kan iba pang klase nin mga selula kan manlaenlaen na tissues. Nagkapira sa mga surface antigens kan pulang selula kan dugong ini pwedeng maggikan sa sarong allele (o sa sarong alternatibong bersyon kan srong gene) asin kolektibong porma kan sarong sistema nin grupo nin dugo.

Namamana an klase nin dugo asin minarepresentar sa kontribusyon gikan sa mga magurang nin sarong indibidwal. Poon kaidtong Hunyo 2025, an kabilogan kan 48 human blood group systems pigmimidbid kan International Society of Blood Transfusion (ISBT). An duwang pinakaimportanteng sistema nin grupo nin dugo iyo an ABO asin Rh; pigdeterminaran ninda an klase nin dugo nin sarong tawo (A, B, AB, asin O, igwang + o − denoting RhD status) para sa pagsustinir sa blood transfusion.