IPv4
E artíkulo aki ta skirbí na ortografia di papiamentu. Lo ta apresiá si por mantené e artíkulo aki na estilo di papiamentu.| Parti di | Internet protocol suite  |
|---|---|
| Siguí pa | IPv6 |
| Remplasá pa | IPv6 |
| Edition or translation of | Internet Protocol |
| Edition number | 4 |
| Fecha di publikashon | 1981 |
| Ta utilisá | IPv4 address |
| OSI Model layer location | network layer |
Internet Protokòl vershon 4 (IPv4) ta e di kuater vershon di e internet protokòl. E tabata e promé vershon ku a yega na uso di gran eskala. IPv4 ta forma e base pa dirigí na aparatonan (host) riba internet, manera kòmpiuter. E operashon tékniko di IPv4 ta wòrdu definí den IETF RFC 791, publiká na sèptèmber 1981.
IPv4 ta usa adrèsnan di 32-bit (4-byte). Teorétikamente esaki ta permití un máksimo di 4.294.967.296 adrès úniko. Den práktika, e kantidat aki ta mas abou pasobra hopi adrès tin funshonnan spesial. Debí na e kantidat limitá aki di adrès, IPv4 ta wòrdu remplasá gradualmente pa IPv6, ku tin un espasio di adrès muchu mas grandi.
Adrès
[editá | editá fuente]Un sekshon di e espasio di adrèsnan IPv4 ta reservá pa propósitonan spesial, manera retnan lokal, testmentu i multicast. E adrèsnan aki no ta wòrdu usá riba internèt públiko.
| Adrès | Rango | Dominio | Deskripshon | RFC |
|---|---|---|---|---|
| 0.0.0.0/8 | 0.0.0.0–0.255.255.255 | Software | Ret aktual (lokal), e rango aki ta representá "e ret aki". | RFC 6890 |
| 10.0.0.0/8 | 10.0.0.0–10.255.255.255 | Ret privá | Usá pa komunikashon lokal denter di retnan privá. | RFC 1918 |
| 100.64.0.0/10 | 100.64.0.0–100.127.255.255 | Ret privá | Usá pa suministradó di internet den retnan grandi ku hopi kliente. E ta destiná pa carrier-grade NAT, kaminda hopi usadó ta kompartí e mesun IP adrès públiko. | RFC 6598 |
| 127.0.0.0/8 | 127.0.0.0–127.255.255.255 | Host | Usá komo loopback adrès. E adrès mas komun ta 127.0.0.1, tambe konosí komo localhost. E ta wòrdu usá pa tèst.[1] | RFC 6890 |
| 169.254.0.0/16 | 169.254.0.0–169.254.255.255 | Supret | Link-local adrès ta wòrdu usá entre dos host riba un solo enlase. Usá outomatikamente ora un aparato no por optené un IP adrès, por ehèmpel, si DHCP no ta funshoná. | RFC 3927 |
| E notashon "/n" (CIDR-notashon) ta indiká kuantu bit ta wòrdu aloká na e segmento di ret. E bitnan ku ta sobra ta wòrdu usá pa adrèsnan individual denter di e rango. | ||||
Referensia
|