Google — (по русинськы — Ґуґл) найвекша у світі шукача сістема інтернета, котра належыть корпорації Google inc. Заложеный у 1998 роцї Ларри Пейджом и Серґеём Бріном. Перва по популарности сістема, індексує веце як 25 міліардів веб-сторінок. Підтримує шуканя у документах форматів PDF, RTF, Microsoft Word и іншых.
Шукача сістема Ґуґл была створена як учебный проєкт штудентів Штатнёй Універзіты Ларри Пейджа и Серґея Бріна. Они у 1996 роцї робили над шукачов сістемов БакРаб, a у 1998 роцї на єй основі створили нову шукачу сістему Ґуґл. Хоць корпорація была заложена 2. септембра 1998 року, a домен Ґуґл.ком зареґістрованный 15. септембра 1997 року, шукач (од 2000 року) даколи славить свій день народжіня и в іншый день: як 7., так и 27. септембра. Слово Ґуґл походить од перекрученого ґуґол — назвы чісла десять на соту степені (10100)