Formula 1

Fecha di fundashon òf kreashon	1950
Nomber kòrtiku	F1
Chief executive officer	Stefano Domenicali
Organisadó	Fédération Internationale de l'Automobile
Statistical leader	Michael Schumacher, Lewis Hamilton, Scuderia Ferrari
Liga inferior	Fórmula 2, Formula 3000, FIA Formula 2 Championship
Operado	Formula One Group
Wèpsait ofisial	https://www.formula1.com
Praktiká pa	Formula One driver

Fórmula 1 (ofisialmente FIA Formula One World Championship) ta e klase di mas altu den kareda di fórmula. E kategoria di deporte di outo aki ta drai rònt di kareda ku outonan spesialmente diseñá sin wanta lodo di wil. Formula 1 ta wòrdu konsiderá generalmente e klase mas prestigioso den deporte di outo.

Anualmente, Fórmula 1 ta konsistí di un seri di kareda di Grand Prix (plural: Grands Prix, franses pa gran premio), konhuntamente ta forma e kampeonato mundial di Fórmula 1 di e aña ey. Esaki ta wòrdu yamá tambe un temporada.

E promé kampeonato mundial a tuma lugá na 1950. Desde e tempu ei, e deporte a desaroyá teknológikamente. Inovashonnan manera alanan, e wing car ("outo di ala") i motornan turbo a kambia e dinámika di kareda. Algun desaroyo, manera e monocoque, sistema di HANS i e halo, a wòrdu introdusí pa promové seguridat. Otro inovashonnan ku a komprometé seguridat a wòrdu prohibí.

Lewis Hamilton i Michael Schumacher ta wòrdu konsiderá e koredónan di Formula 1 mas eksitoso. Ambos a gana shete kampeonato mundial. Den historia di Formula 1, shete hende muhé a kompetí komo koredó, di kua dos en realidat a kompetí den un grand prix.

Deskripshon

Fórmula 1 ta e klase di mas altu di deporte di outo i kareda di fórmula, organisá pa e Federashon Internashonal di Outo (FIA, Fédération Internationale de l'Automobile). E deporte ta konosí komo e kategoria di deporte di outo mas avansá teknológikamente.

Outonan di Formula 1 por alkansá velosidatnan mas ku 300 km pa ora, dependiendo di e sirkuito. E motor turbo ta limitá na 15.000 revolushon pa minüt (rpm), i ora di bira, e aselerashon lateral por surpasá 5 g. E prestashon di e outonan ta wòrdu influensiá fuertemente pa faktornan elektróniko (ounke traction control i otro yudansa di koredó ta prohibí), aerodinámika, suspenshon i wil.

E temporada di Formula 1 ta konsistí di un seri di kareda konosí komo "Grand Prix". E karedanan aki ta wòrdu tené riba sirkuito spesialisá i, den un grado ménos, riba sirkuito urbanisá. E total di puntonan anotá den un temporada ta determiná e kampeonnan mundial, pa tantu koredó komo ingeniero diseñadó. Pa partisipá, koredó i ingeniero diseñadó mester tin un super lisensia, e lisensia di kareda mas altu emití pa FIA. Koredó mester kumpli ku rekisitonan spesífiko pa optené un super lisensia, inkluyendo tin por lo ménos 18 aña di edat i gana por lo ménos 40 punto di lisensia den otro klasenan di kareda.

Oropa ta tradishonalmente e sentro di Formula 1. Mayoria di e ekiponan tin nan orígen i fábrika na Oropa, i alrededor di mitar di tur kareda ta tuma lugá einan. Den e último añanan, sinembargo, e deporte a ekspandé rònt mundu. Varios kareda oropeo y amerikano a baha di kantidat na fabor di eventonan nobo na Asia y Medio Oriente. Na 2009, nuebe di e diesocho kareda a tuma lugá pafó di Oropa, miéntras ku na 2025 e kantidat aki lo subi te na 15 di e 24 kareda.

Formula 1 ta un evento televisá mundialmente ku ta atraé miónes di televidente. E derechonan komersial ta den poder di e Formula One Group. Komo e deporte mas karu na mundu, Fórmula 1 tin un impakto ekonómiko signifikante, i desaroyonan polítiko i finansiero denter di e deporte ta wòrdu sigui di aserka pa medionan di komunikashon. Danki na su popularidat mundial, e deporte ta proveé fabrikantenan ku kontraktnan lukrativo di spònser.

Na sèptèmber 2016, Liberty Media a atkerí mayoria di akshonnan den Formula One Group di 18.7%. Liberty Media a kumpra, pa 7 bion euro, e akshonnan for di e invershonista di kapital privá, CVC Capital Partners, ku tabatin e akshonnan mayoritario for di 2005. Eks-doño di Formula 1, Bernie Ecclestone i Bambino Trust, e kompania madre di famia, tambe a bende nan akshonnan di 5.3% i 8.5%, respektivamente na Liberty Media.

Historia

Fórmula 1 tin su orígen den Grand Prix racing di añanan 1920 i 1930. E término fórmula ta referí na e regulashonnan ku tur partisipante i outo mester kumpli kuné. Despues di e Segundo Guera Mundial, a disidí na 1946 pa krea un klase nobo di Formula 1. Varios kareda a wordo teni e aña ey, pero e World Drivers' Championship no a bira ofisial te na 1947. E promé kareda di kampeonato a tuma lugá na 1950 na e sirkuito di Silverstone na Bretania. Na 1958, a introdusí kampeonato di ingeniero diseñadó.

Den añanan 1960 i 1970, tabatin kampeonato nashonal di Fórmula 1 na Gran Bretania i Sur Afrika. Te ku añanan ochenta, karedanan tambe tabata wòrdu organisá pafó di e kalènder ofisial di kampeonato. Sinembargo, debí na oumento di gastunan, esaki a bira komersialmente inkansabel, i na 1983 e karedanan aki a disparsé kompletamente.

1950–1958: Kuminsamentu di e kampeonato

Alfa Romeo 159 den lokual Juan Manuel Fangio a logra bira campeon mundial na 1951

E prome kampeonato mundial di Formula 1 a wòrdu gana na 1950 pa e Italiano Giuseppe Farina den un Alfa Romeo Alfetta 159. Alfa Romeo a domina e temporada ey ganando tur kareda. Farina a triunfá su kompañero argentino Juan Manuel Fangio ku un diferensia di punto chikitu. Fangio despues lo a gana sinku título mundial (1951, 1954, 1955, 1956 i 1957), un rèkòrt ku a keda pa 45 aña te ora ku e koredó aleman Michael Schumacher a gana su di seis título na 2003. E koredó britániko Stirling Moss hopi biaha a bringa pa e título, pero nunka a gana esaki. P'esei e ta wòrdu konsiderá e mihó koredó ku nunka a kumpli e kampion mundial.

E periodo aki tabata dominá pa timnan di fabrikante di outo manera Alfa Romeo, Scuderia Ferrari, Mercedes-Benz i Maserati, ku tabata aktivo den deporte di outo promé ku Segundo Guera Mundial. E promé temporadanan di Formula 1 tabata prinsipalmente utilisá outonan di promé ku guera, manera e Alfa Romeo Alfetta 159. E outonan aki tabatin e motor dilanti i tabata ekipá ku un motor di 1.5 liter ku kòmprèser òf un motor di 4.5 liter sin kòmprèser. Debí na preokupashonnan tokante un posibel skarsedat di outonan di Fórmula 1, na 1952 i 1953 a usa outonan di Fórmula 2. Na 1954 e deporte a regresá na outonan di Formula 1, awor ku motornan di 2.5 liter. Mercedes-Benz a introdusí e W196 avansá, ku tabata kontené teknologianan inovativo, manera un chasis seri aerodinámiko i inyekshon di kombustibel. Ku e outo aki, Mercedes a gana dos título mundial di koredó konsekutivo promé ku e tim a retirá for di deporte di outo na 1955 despues di e desaster di Le Mans.

1959–1980: Progreso tékniko

Un di e promé avansonan teknológiko grandi den Fórmula 1 tabata e mudamentu di e motor pa e sentro di e outo. E tim di Cooper a apliká e konsepto aki ku éksito den Formula 3 i despues a introdusí esaki den Formula 1. E koredó australiano Jack Brabham a proba e efektividat di e téknika aki dor di bira kampion mundial tres biaha (1959, 1960 i 1966). Pa 1961 tur tim a kambia pa konfigurashon di e motor meimei.

E promé kampeon mundial britániko tabata Mike Hawthorn, kende a gana e titulo cu Ferrari na 1958. Sinembargo, dominio britániko realmente a kuminsá ku e yegada di e diseñadó Colin Chapman, fundadó di Team Lotus. For di 1962 pa 1973, ekipo i koredónan britániko inkluyendo Jim Clark, Jackie Stewart, John Surtees, Jack Brabham, Graham Hill i Denny Hulme a gana un total di diesdos título mundial.

Na 1962, Lotus a introdusí un inovashon revolushonario: e monocoque di aluminio komo un remplaso pa struktura espasial. Esaki a wòrdu konsiderá e avanse tékniko di mas grandi desde e introdukshon di e motor meimei. Lotus a hasi un otro kambio grandi na 1968 dor di bira e promé tim pa pinta su outonan den e koló di e spònser Imperial Tobacco, introdusiendo patrosinamentu komersial na Fórmula 1.

Pa fin di añanan 1960, aerodinámika a kuminsá hunga un ròl mas i mas importante den diseño di outo. Na 1968, alanan aerodinámiko (spoiler) a wòrdu instalá na e parti dilanti i patras di e outonan pa promé biaha. Esakinan a generá karga aerodinámiko, dunando e outonan mas dominio di kontrol i ta permití pa alkansá velosidat mas altu den birada.

Referensia

E artíkulo aki òf un vershon anterior di dje ta un tradukshon di e artíkulo Formula 1 riba e Wikipedia hulandes, ku ta kai bao di e lisensia Creative Commons Attribution/Share Alike. Mira e historia di edishon einan.