Donatella Versace
| Donatella Versace | |
|---|---|
.jpg?lang=uz) Donatella 2005-yilda | |
| Tavalludi |
Donatella Francesca Versace 2-may 1955-yil |
| Fuqaroligi | Italiya |
| Kasbi |
|
| Turmush oʻrtogʻi |
|
| Bolalari |
Daniel Allegra Versace |
| Veb-sayti | versace.com |
Donatella Francesca Versace (1955-yil 2-mayda tugʻilgan) – italiyalik moda dizayneri, tadbirkor ayol, model va ijtimoiy faol shaxs. Versace moda kompaniyasining asoschisi Gianni Versacening singlisi boʻlib, akasi bilan brendni rivojlantirishda, xususan, italyan hashamatini ommaviy madaniyat va mashhurlik bilan uygʻunlashtirishda yaqindan hamkorlik qilgan[1].
1997-yilda Gianni vafot etgach, Donatella Versace brendning bir qismini meros qilib oldi va brendning badiiy rahbariga aylandi. Hozirda u kompaniyaning bosh brend elchisi hisoblanadi.
Yoshlik davri va taʼlimi
[tahrir | manbasini tahrirlash]Donatella Versace 1955-yilda Italiyaning Reggio di Calabria shahrida tugʻilgan. Oilada toʻrt farzandning eng kichigi boʻlib, Santo va Gianni ismli akalari va Tina ismli opasi boʻlgan. Otasi Antonio Versace oilaviy koʻmir qazib olish biznesini boshqarishga yordam bergan, onasi Francesca Versace (qizlik familiyasi Olandese) esa oʻzining moda butigini ochishdan avval tikuvchilik kompaniyasida tikuvchi boʻlib ishlagan[2]. Opasi Tina 12 yoshida notoʻgʻri davolangan qoqshol infeksiyasi tufayli vafot etgan[3].
1970-yillarning oʻrtalarida Donatella Florensiyada adabiyot va tillarni oʻrgangan. Dam olish kunlari u Milanga qatnab, oʻsha paytda Callaghan moda brendida ishlayotgan akasi Gianni bilan birga faoliyat olib borgan. Donatellaning onasi esa bunga rozi boʻlmagan, qizining oʻqishga koʻproq eʼtibor qaratishini istagan va baʼzan kutilmaganda Florensiyaga borib, uni tekshirib turgan.
Karyerasi
[tahrir | manbasini tahrirlash]1976-yilda Donatella va Santo akalari Gianni bilan birga Milanga koʻchib oʻtishgan[4]. 1977-yilda esa ular uchalasi AQShga uch haftalik safarga chiqishgan, bu safarning maqsadi matbuot vakillari va xorijdagi xaridorlar bilan uchrashish hamda Versace brendini yaratishga tayyorgarlik koʻrish boʻlgan[5].
Versace brendi 1978-yilda tashkil etilgan boʻlib, Donatella uning vitse-prezidenti boʻlgan[6]. U barcha loyihalarda akasi Gianni bilan hamkorlikda ishlagan[7], ayniqsa, uslub yaratish, brend imijini shakllantirish[8] hamda aksessuarlar, poyabzallar va sumkalarni loyihalashda faol ishtirok etgan[9].
Manbalar
[tahrir | manbasini tahrirlash]- ↑ Versace, Donatella. Versace. Rizzoli International Publications, Inc., 2016 — 125-bet.
- ↑ Versace, Donatella. Versace. Rizzoli International Publications, Inc., 2016 — 21-bet.
- ↑ Collins, Lauren. Mondo Donatella. The New Yorker (2007-yil 24-sentyabr), s. 158.
- ↑ „THE FUTURE OF VERSACE: VOTES OF CONFIDENCE FOR DONATELLA, SANTO“. WWD (1997-yil 21-iyul).
- ↑ Bocca, Nicoletta. Gianni Versace. L'abito per pensare, Mondadori, Milano, May 21, 1989 — 344-bet.
- ↑ Kautz. „Donatella Versace“. Qaraldi: 2022-yil 12-may.
- ↑ Versace, Donatella. Versace. Rizzoli International Publications, Inc., 2016 — 234-bet.
- ↑ Versace, Donatella. Versace. Rizzoli International Publications, Inc., 2016 — 44-bet.
- ↑ Cathy Horyn, La Bella Donatella, Vanityfair.com, 1 June 1997
Havolalar
[tahrir | manbasini tahrirlash]| Tashqi havolalar |
|
|---|
