Donald Trump
Donald Trump (riwalnijhî Donal Trompe), c' est li 45inme prezidint des Estats Unis.
Il a skepyî li 14 di djun e 1946.
Il a cmincî a-z esse mwaisse e 2017, vinant après Barack Obama. Li 5 di nôvimbe 2024, el madjorité des grands vôteus l' ont rmetou al tiesse des Uyessês. Inte ses deus termenes, c' est Joe Biden k' a vierné ç' payis la.
Elijhaedje
[candjî | candjî l’ côde wiki]Il a sbaré tertos, d' esse relî dins s' prôpe pårti, pu å nåcionå. Mins il a yeu moens di vwès ki si eterbateuse, Hilari Clinton.
Decidaedjes
[candjî | candjî l’ côde wiki]Onk di ses prumîs decidaedjes, c' esta di si rsaetchî di l' Acoird di Paris sol climat.
Onk di ses prumîs decidaedjes, après awè rdivnou prezidint e 2025, ça a stî d' erlomer li gofe do Mecsike e « gofe d' Amerike».
Herleme
[candjî | candjî l’ côde wiki]Donald Trump est cnoxhou po sovint awè s' nez dins les ramdams.[1] Lu rwaitant, ça cmince dedja dins l' dijhnêye 1970 avou li trepådje conte les Noers des Uyessês, pwis l' dijhnêye k' a shuvou avou des mezuzes secsuweles conte des femes.[2]
Dispoy 2016, i gn a des herlemes timpesse. On-z endè fwait des lisses avou.[2] Li pus impôrtant politicmint, c' est l' Assôt do Capitål.
Alére
[candjî | candjî l’ côde wiki]- Lucyin Mahin, Jacques Desmet & Richard Joelants; «Democraceye: li cas Donal Trompe»; Li Rantoele 80, ivier 2016-2017.
- Georges Ghys, On foirt bea ome, Nosse lingaedje l° 105 do moes d' avri 2017.
Pî-notes
[candjî | candjî l’ côde wiki]On pô mocreçmint, on-z el lome « Trompe ». Ça a vnou avou ene caricateure k' a tourné fén 2016 sol Daegntoele, mostrant l' canård da Disney ki s' lome Donald, astitchî d' ene trompe d' olifant.