Compás de Debuxo (constelación)

Para outras páxinas con títulos homónimos véxase: Compás.

Circinus
Nome latino	Circinus
Abreviatura	Cir
Xenitivo	Circini
Simboloxía	Compás
Ascensión recta	15 h
Declinación	−60°
Área	93 graos cadrados Rango 85°
Número de estrelas (magnitude < 3)	0
Estrela máis brillante	α Cir (magnitude ap. 3,2)
Choiva de meteoros	Ningunha
Constelacións lindeiras	Centaurus Musca Apus Triangulum Australe Norma Lupus
Visible en latitudes entre +10° e −90° Mellor visibilidade ás 21:00 (9 p.m.) durante o mes de xuño

Compás de Debuxo, Circinus ou Compás é unha das constelacións pequenas do sur (declinación −50 a −60 graos).

Historia

Esta constelación foi inventada no século XVIII, e foi inserida por Nicolas Louis de Lacaille, quen tiña unha fascinación pola ciencia secular, de onde sacou numerosos nomes para as constelacións. Dado que é unha creación do século XVIII, non foi visible para as culturas do Mediterráneo, polo que non existe mitoloxía anterior ó século XVIII asociada con esta constelación.

Estrelas principais

• α Circini, a estrela máis brillante da constelación, unha variable Alfa2 Canum Venaticorum cunha magnitude que varía entre 3,18 e 3,21.
• γ Circini, estrela dobre, onde as súas compoñentes están separadas 0,9 segundos de arco.
• δ Circini, estrela de magnitude 5,04, é unha estrela azul do raro tipo espectral O moi afastada de nós, a uns 6500 anos luz.
• AX Circini, de magnitude 5,87, é unha estrela dobre e variable cefeida.
• BU Circini, estrela variable Beta Cephei.

Outras estrelas con desginación de Bayer

• β Cir 4,07; ε Cir 4,85; ζ Cir 6,09; θ Cir 5,08; η Cir 5,16

Obxectos Notables do espazo profundo

• NGC 5315, nebulosa planetaria cunha estrutura en forma de X.
• Pismis 20, pequeno cúmulo aberto 12 arcmin ó suroeste de β Circini.

Véxase tamén

Ligazóns externas

• The Deep Photographic Guide to the Constellations: Circinus (en inglés)
• Star Tales – Circinus (en inglés)