CIL IX 2689

CIL IX 2689, quod epigramma Aeserninum^[1] nuncupari potest, est stela funeraria Romana Aeserniae reperta, hodie in museo Lupariensi servata. Imaginem cauponis, viatoris, muli monstrat. Collocutionem cauponis et viatoris non sine sale refert. Textus sonat:

L. CALIDIUS EROTICUS / SIBI ET FANNIAE VOLUPTATI V.F / COPO COMPUTEMUS. HABES VINI 𐆅 I PANE / A I PULMENTAR A II CONVENIT PUELL / A VIII ET HOC CONVENIT FAENUM / MULO A II ISTE MULUS ME AD FACTUM / DABIT

L. Calidius Eroticus sibi et Fanniae Voluptati vivus fecit.

— "Copo, computemus."

— "Habes vini sextarium unum [et] panem asse I, pulmentarium assibus II."

— "Convenit."

— "Puellam assibus VIII."

— "Et hoc convenit."

— "Faenum mulo assibus II."

— "Iste mulus me ad factum dabit^[2]."

Notae

↑ Appellatio conversa: cf. Francogallice L'inscription d'Isernia in bibliographia nostra
↑ Secundum Nauck "aliquem ad factum dare" est eum omnino perdere. Nam contaminatio sit locutionum "ad verbam dare", h.e. "affligere solo", et "factus -vel factum - (olei)", h.e. "tanta olearum quantitas, quanta uno tempore et opere commolitur" (Forcellini). Sic haec sententia significet; "Iste mulus ad hoc me redeget, ut tanquam oliva premar". (Bulletin de l'Académie Impériale des Sciences de Saint-Pétersbourg, Tome XXX, pp. 131-132 1886, Petropoli, 1886 )

Bibliographia

Mary Beard, "A Don's Life. Mr "Hot Sex": the full story" in Times Literary Supplement (30 Aprilis 2012)
P. Flobert, "A propos de l'inscription d'Isernia (CIL IX 2689)" in Mélanges de littérature et d'épigraphie latines, d'histoire ancienne et d'archéologie ... Wuilleumier (Lutetiae, 1980) pp. 121-129
Marie-Adeline Le Guennec, Aubergistes et clients. L’accueil mercantile dans l’Occident romain (IIIe s. av. J.-C.-IVe s. apr. J.-C.), Publications de l’École française de Rome, 2019. Annexe I. La stèle d’Aesernia (Samnium) pp. 413-419

Nexus externi

CIL 9, 2689 apud Corpus inscriptionum Latinarum
"Inscription from Aesernia" apud Europeana Collections
"L'epigrafe di Lucius Calidius Eroticus" apud vici.org
"Texte das täglichen Lebens: Übernachtungsrechnung aus der frühen Kaiserzeit"

[1] Appellatio conversa: cf. Francogallice L'inscription d'Isernia in bibliographia nostra

[2] Secundum Nauck "aliquem ad factum dare" est eum omnino perdere. Nam contaminatio sit locutionum "ad verbam dare", h.e. "affligere solo", et "factus -vel factum - (olei)", h.e. "tanta olearum quantitas, quanta uno tempore et opere commolitur" (Forcellini). Sic haec sententia significet; "Iste mulus ad hoc me redeget, ut tanquam oliva premar". (Bulletin de l'Académie Impériale des Sciences de Saint-Pétersbourg, Tome XXX, pp. 131-132 1886, Petropoli, 1886 )

[1]

[2]