Boeschepe

Boeschepe es e gemêente in Vrankryk in 't Noorderdepartement. 't Ligt in Frans-Vloandern, mêer bepoald in de Franschn Westoek, teegn De Schreve. Boeschepe grenst an de West-Vloamsche gemêentn Poperienge (mêer bepoald an Abêle) en an Heuvelland (an de dêelgemêente Westouter) en an de Fransche gemêentn Sint-Janskapelle, Bertn en Godsvelde.

Boeschepe ligt in 't Frans-Vlamsche Houtland, in 't midd'n van't Heuvelland, an de voet van de Boeschepeberg en de Katsberg.

Geschiedenisse

In Boeschepe ield calvinist Ghislain Damman uut Yper d'êeste oagepreekn up 't kerkof, 'n twoalfs'n juli van 1562, wa d'êeste vôorbode wos voe de beeldnstorm die êenigte joarn loater gienk losbreek'n in de Nederlandn.

In 1906 organiseerde de Fransche regerienge een inventarisoasje van de bezittiengn van de kerke. Sommigte inweuners va Boeschepe en nunder doateegn verzet. 't Kwam zelfs zo verre dat er e Boescheepnoare (Remi Ghysel) in de kerke zelve edôod is. 'n Dag d'rachter viel de Fransche regerienge Rouvier-III over die kwestje.

Beziensweirdigeedn

• Den Ondankmeuln (Moulin de l'Ingratitude in 't Frans) uut de neegntiende êeuwe. De meuln is in 1884 vanuut Haezebroek veruusd na Boeschepe. De gemêente e nem in 1969 schône erestaureerd, en d'r e klêe museumtje in enstalleerd.
• De Sint-Moartnskerke, en allekerke uut de zestiende êeuwe die erbouwd is achter den Êestn Weireldoorloge.

• 
  De Sint-Moartnskerke
• 
  't Stadhuus van Boeschepe
• 
  D'n Ondankmeulen en estaminet De Vierpot

Boeschepe
Boeschepe in 't arroundissement Duunkerke
Geografie
Regio	Hauts-de-France
Departement	Noorderdepartement
Arroundissement	Duunkerke
Kanton	Belle
Coördinoatn	50°48′NB 2°41′OL
Ippervlak	13,59 km²
Inweuners
Inweuners Bevolkiengsdichtheid	2212 (2022) 161 inw./km²
Andere
Burgemêester	Luc Van Inghelandtbr/>2020-2026
Postcode	59299
Webadres	Boeschepe

Ofbeeldiengn die ier by passn ku je vien in de categorie Boeschepe van Wikimedia Commons.