Apis mellifera

Apis mellifera Gwenanenn Europa
Rummatadur filogenetek
Riezad :	Animalia
Skourrad :	Arthropoda
Kevrennad :	Insecta
Urzhad :	Hymenoptera
Kerentiad :	Apidae
Genad :	Apis
Anv skiantel
Apis mellifera Linnaeus, 1758
D'ar vevoniezh e tenn ar pennad-mañ.

Apis mellifera, anvet gwenan Europa ivez, zo ur spesad gwenan damzoñv desavet gant Mab-den evit o mel ha produioù all. Kavout anezho a c'haller war an holl gevandirioù hiziv an deiz, war-bouez en Antarktika.

Isspesadoù

28 isspesad zo d'ar spesad-mañ, ha gellet a reont holl en em speriañ etreze. Pemp strollad bras, pe lignez, a c'haller sevel evit renkañ anezho hervez o lec'h orin hag o emdroadur, a-drugarez da labourioù Friedrich Ruttner ha da zielfennadur o genom mitokondrial.

Ouzhpenn ar genom e c'haller disheñvelaat an isspesadoù an eil diouzh egile a-drugarez d'un dielfennadur biometrek eus liv ha blev o abdomen, hirder o zeod, pe d'o feuriader helmoel da skouer.

Gant un dielfennadur etologel e c'haller klask disheñvelaat anezhe ivez, en ur zerc'hel meur a elfenn e kont evel o speriusted, o harzusted ouzh ar c'hleñvedoù hag o emzalc'h.

• Linez A (strollad afrikan) :
  • Apis mellifera adansonii (Latreille)
  • Apis mellifera capensis (Eschscholtz)
  • Apis mellifera intermissa (Maa)
  • Apis mellifera litorea (Smith)
  • Apis mellifera monticola (Smith)
  • Apis mellifera sahariensis (Baldensperger)
  • Apis mellifera scutellata (Lepeletier)
  • Apis mellifera sicula (Montagano)
  • Apis mellifera unicolor (Latreille)
• Linez C (strollad Karniola, Reter Europa ha su an Alpoù) :
  • Apis mellifera carnica (Pollman)
  • Apis mellifera cecropia (Kiesenwetter)
  • Apis mellifera ligustica (Spinola)
  • Apis mellifera macedonica (Ruttner)
• Linez M (strollad ar Mor Kreizdouar, gwalarn ha norzh Europa)
  • Apis mellifera iberica (Engel)
  • Apis mellifera mellifera (Linnaeus)
  • Apis mellifera siciliana (Grassi)
• Linez O (strollad ar Reter-Kreiz ha kreiz Azia)
  • Apis mellifera adami (Ruttner)
  • Apis mellifera anatoliaca (Maa)
  • Apis mellifera armeniaca
  • Apis mellifera caucasia (Pollmann)
  • Apis mellifera cypria (Pollman)
  • Apis mellifera lamarckii (Cockerell)
  • Apis mellifera meda (Skorikov)
  • Apis mellifera syriaca (Skorikov)
  • Apis mellifera taurica (Alpatov)
• Linez Y (strollad biz Europa, Etiopia ha Yemen)
  • Apis mellifera jemenitica (Ruttner)
• Isspesadoù ha n'int ket renket e linez ebet c'hoazh :
  • Apis mellifera artemisia (Engel)
  • Apis mellifera remipes (Gerstaecker)
  • Apis mellifera ruttneri (Sheppard, Arias, Grech & Meixner)
  • Apis mellifera sossimai (Engel)

Implij er gwenanerezh

Ar re implijetañ gant gwenanerien a-vremañ eo Apis mellifera mellifera (anvet gwenan du ivez), Apis mellifera ligustica (gwenan melen pe gwenan Italia), Apis mellifera carnica (gwenan Karniola), Apis mellifera caucasica (gwenan Kaokaz) hag ar Buckfast, un hiron diorroet diwar ur c'hemmesk etre ar gwenan du ha gwenan Italia en XXvet kantved.

Daveennoù

  Stag eo ar bajenn-mañ ouzh porched ar Gwenanerezh