Ada Lovelace

Ada Lovelace
Gumelar	Augusta Ada Byron 10 Désémber 1815 London, Inggris
Tilar dunya	27 Nopémber 1852 (yuswa 36) Marylebone, London, Inggris
Pasaréan	Gereja St. Mary Magdalene, Hucknall, Nottingham
Kabangsaan	Inggris
Dipangaruhan ku	Augustus De Morgan
Gelar	Countess of Lovelace
Pasangan	William King-Noel, Earl mimiti ti Lovelace
Anak	Byron King-Noel, Viscount Ockham jeung Baron Wentworth ka-12 Anne Blunt, Baroness Wentworth ka-15 Ralph King-Milbanke, Earl ka-2 ti Lovelace
Kolotna	George Gordon Byron, Baron Byron ke-6 Anne Isabella Milbanke, Baroness Wentworth ke-11

Augusta Ada King, Countess of Lovelace, atawa anu leuwih dipikawanoh kalayan ngaran Ada Lovelace (gumelar 10 Désémber 1815 - pupus 27 Novémber 1852), nyaéta élmuwan wanoja di bidang matématika. Kasohor ku karyana anu mangrupa program pikeun komputer digital, ngajadikeun anjeunna programmer komputer mimiti. Salah sahiji bahasa pemrograman pertama, nyaéta Ada, dingaranan sanggeus anjeunna, sarta unggal poé Salasa kadua bulan Oktober disebut Poé Ada Lovelace, pikeun ngahormatan kontribusi anjeunna salaku wanoja di bidang sains jeung téknologi.

Kahirupan Mimiti

Ada gumelar kalayan ngaran Augusta Ada Byron, 10 Désémber 1815, di Piccadilly Terrace, Middlesex (ayeuna kaasup wewengkon London), Inggris. Anjeunna putri hiji-hijina ti penyair kasohor Lord George Gordon Byron. Sanajan kitu, rumah tangga Lord Byron jeung indung anjeunna, Lady Anne Isabella Milbanke Byron, henteu lila. Kolotna papisah sababaraha minggu sanggeus anjeunna gumelar, bapana tuluy ninggalkeun Inggris sababaraha bulan sanggeusna.

Ti keur leutik kénéh, indungna ngadidik Ada sangkan mahér dina élmu-élmu eksakta. Indungna yakin yén ilubiung dina élmu éksak bisa ngajauhkeun Ada tina ngingu sipat bapana anu témpramen sarta teu katebak. Ada geus nunjukkeun bakat anjeunna ngeunaan angka jeung basa. Atikan anu ditarima ku ada ditepikeun ku William Frend, pembaharu sosial; William King, dokter kulawargi Ada; sarta Mary Sommerville, ahli matématika sarta astronomi anu tuluy jadi salah sahiji astronomer anu diangkén ku Royal Astronomical Society.

Karir

Taun 1833, Sommerville, salah sahiji méntor Ada, ngawanohkeun anjeunna ka Charles Babbage, Profésor Matématika Lucasian anu jaman éta geus kasohor sangkan rencana visionérna ngeunaan mesin itung jam raksasa. Ti saprak diwanohkeun éta, anjeunna duaan jadi sobat akrab lantaran miboga kepribadian anu mirip jeung minat pikeun sains anu sarua.

Mesin Analitis Babbage

Abad ka-19, Charles Babbage ngembangkeun mesin analitis anu sacara umum dianggap mesin komputer pertama ku lantara miboga fungsi komputasi jeung kalkulasi. Mimitina mesin ieu ditujukeun jang jadi komputer digital anu pamakéanna dikontrol ku program sakabéhna. Prototip tina mesin ieu tuluy dijieun programna ku Ada sangkan bisa jadi komputer digital mimiti. Sanajan ahirna teu bisa disampurnakeun boh ku Charles jeung Ada, mesin ieu jadi mesin pertama anu pantes disebut jadi mesin komputer digital mimiti.

Karya

Kontribusi Ada pikeun dunia komputer teu kapendak nepi ka taun 1950-an. Catetan anjeunna dikenalkeun ulang sarta disebarluaskeun ku B. V. Bowden, dina karyana Faster Than Thought: A Symposium on Digital Computing Machines taun 1953. Ti saprak éta, Ada meunang loba pujian jang karya-karya anu diciptakeun salila hirupna. Taun 1980, Departemen Pertahanan Amérika Serikat ngembangkeun basa pemrograman anyar anu tuluy dingaranan Ada.