討論:Gáung-gáung-chṳ̀

杠杠疵到底是伓是有「鉸刀、鐵錘囝、布」其客佻法？

杠杠疵這游戲，按李如龍、梁玉璋、鄒光椿、陳澤平幾隻先生其講法，是「鉸刀、鐵錘囝、布」（普通話：石头、剪子、布）茲種游戲：

李如龙, 梁玉璋, 邹光椿, 陈泽平. 福州方言词典. 福建人民出版社. 1994-10. 103. "杠杠疵（gaung²¹gaung²¹cü⁵³），儿童猜拳游戏，分剪刀、布、锤三种手势，以分胜负。" 

不過，@Davidzdh:敆寫條目其辰候提遘另外蜀種客佻法。我印象舊底看見儂客佻，正是伊講其總款其客佻法。最近我查《莆仙方言大詞典》其辰候，發現莆田也有名字盡像其游戲：

莆田市政协文化文史和学习委员会. 莆仙方言大词典. 厦门大学出版社. 2021. 124. "呿（cük⁴）：一种确定双方谁先谁后或者胜负的手技游戏，类似猜拳游戏“石头剪刀布”。游戏双方各握拳于身前或身后，依口令同时伸出手指，以双方手指的数量相加结果或单双数来决定先后、胜负。也说“呼呿”。（仙）也说“动呿”。" 

各儂看見未？莆田儂其這游戲共Davidzdh講其另外許種客佻法有仂囝像，但是伊是比掌指數量多少，伓是比掌指大嫩。並且，茲種游戲敆仙遊其另外蜀種講法「動動呿」（dông²¹dông²¹cük⁴，覷許書其163頁），共福州話「杠杠疵」讀音盡去像。

故此我想，杠杠疵到底是伓是有兩種客佻法？儷是有兩種客佻法，噲快勢幾隻先生無寫出？到底是舊底其客佻法共現在儥蜀樣，固是幾隻先生寫綻或者寫儥準確，其實是兩種游戲？ el caballero de los Leones (tō̤ nguāi păng-gōng) 2025 nièng 3 nguŏk 30 hô̤ (lā̤-bái) 04:41 (UTC)