手稿語言

手稿語言sau2 gou2 jyu5 jin4，又叫腳本語言，泛指可以喺命令行介面、圖像用家介面或者應用程式入面直接用直譯器執行，可以用來寫「手稿」（腳本）嘅程式語言。

手稿語言畀人嘅印象係語法同結構通常比較簡單，亦較易學易寫。但係手稿同程式嘅分別其實好模糊，好多所謂手稿語言寫出來嘅程式亦都可以好複雜；例如，WordPress 係用 PHP 寫嘅，而 Koha 就係用 Perl 寫嘅，兩個程式都好大，但係都係用手稿語言寫嘅。

某啲系統嘅手稿語言其實係現有嘅程式語言（例如 GNU 計劃嘅標準手稿語言係 Scheme）。手稿語言亦都唔係淨係用喺寫手稿，例如 Javascript 可以用來寫網站後端，Python 好多時會用喺科學同工程研究等等。

睇埋

呢篇手稿語言係一篇關於電腦程式語言嘅楔位文章。你可以編輯呢版充實內容。