地理座標系統

  「經緯線」跳轉到呢度。假如你想揾嘅係香港NowTV暨ViuTV新聞專題節目，請睇「經緯線 (電視節目)」。

 地理座標系統（粵拼：dei6 lei5 zo6 biu1 hai6 tung2） 係套藉球面座標用三個數來定地球上任何位置嘅系統；三個數係經度、緯度（夾埋叫經緯度，ging1 wai5 dou6）同埋高度（或者深度）。

地球上嘅經線同緯線

概論

睇埋：座標參考系統

喺廿一世紀初，地理座標系統（GCS）係最普遍使用嘅座標參考系統之一。

喺 GCS 入便，會當地球係一個球體噉嚟模擬，而位置就用一組經緯度（latitude 同 longitude）嚟標示。呢套系統用角度嚟描述一點位於地球上邊，主要包括兩方面：

• 緯度（latitude）係由東至西繞住地球畫出嘅一圈圈，類似「水平線」。赤道係 0° 緯線，係分隔南北半球嘅基準線。由赤道向北叫做北緯（N），向南就係南緯（S），緯度範圍由 0° 到 90°，極點就係南緯／北緯 90°。
• 經度（longitude）就係由南極拉到北極嘅半圓線，好似「由南到北」嘅直線。0° 經線係固定喺英國格林威治，叫做格林威治子午線。由嗰度向東行係東經（E），向西就係西經（W），範圍係 0° 到 180°。

例如話某個地方係北緯 22°、東經 114°，就即係話嗰個位離赤道向北 22 度、離格林威治向東 114 度。香港大約就係喺呢個位置。經緯度系統喺地圖學、空間分析、地理資訊系統（GIS）等工作入面好常見，因為佢可以準確噉喺地球表面上標示位置。

睇埋

• 地球
• 海拔