策略 (博弈論)

策略喺博弈論上係指一個博弈者喺一場博弈當中做決策嘅方式。每位博弈者嘅策略都會影響到其他博弈者嘅收益，而其他人嘅策略又會反過來影響返佢自己嘅結果。當所有參與者都已經揀好晒策略，就會形成策略組合，代表一場完整嘅博弈。

決定步驟

睇埋：博弈論同策略思考

喺博弈論上，策略可以想像成一個博弈者做決策所用嘅演算法，例如：

 估對手會揀邊個選擇；
 if 估對手會揀選擇 A，
   then 揀選擇 B；
   else 揀選擇 A。

純定混合

睇埋：貝葉斯博弈

使用緊純粹策略嘅博弈者會一路用住某個選項，可能係覺得嗰個選項能夠令佢報償最大化，對佢嚟講最理想。相比之下，現實嘅博弈者多數會用混合策略，即係話個博弈者會每一個選擇俾個概率佢，而個概率代表咗佢會揀嗰個選項嘅機會率。

用包剪揼做例子。包剪揼係二人零和博弈。玩包剪揼嘅玩家如果採用純粹策略，一路固定噉揀某個選項，可能係永遠出包、永遠出剪或者永遠出揼；假想兩位玩家都採取永遠出剪呢個純粹策略，包剪揼喺純粹策略下冇拿殊均衡點，因為是但固定一個手勢，都有可能被剋制，至少一位玩家會有誘因單方面改變選擇；而若果玩家採用混合策略，就可能係隨機噉喺包剪揼之中揀一個嚟出，三者機率相同，用概率論上嘅符號表示就係

$P({\text{baau1}})=P({\text{zin2}})=P({\text{dap6}})={\tfrac {1}{3}}$

雙方嘅收益期望值都係 0。

睇埋

• 拿殊均衡點
• 廣義上嘅策略
• 進化穩定策略