ᨄᨗᨊᨗᨔᨗ
ᨄᨗᨊᨗᨔᨗ ᨐᨗᨊᨑᨗᨈᨘ ᨀᨄᨒᨍ ᨈᨑᨛᨉᨗᨔᨗᨐᨚᨊᨒ ᨖᨔᨛᨊ ᨄᨚᨒᨙ ᨔᨘᨒᨓᨙᨔᨗ᨞ ᨕᨗᨉᨚᨊᨙᨔᨗᨐ᨞᨞ ᨐᨗ ᨄᨘᨊᨕᨗᨓᨗ ᨈᨚ ᨕᨘᨁᨗ ᨆᨀᨘᨈᨚᨄ ᨈᨚ ᨆᨀᨔᨑ᨞ ᨖᨘᨔᨘᨔᨛᨊ ᨄᨚᨒᨙ ᨑᨗ ᨓᨊᨘᨓ ᨅᨗᨑ᨞ ᨀᨌᨆᨈᨛ ᨅᨚᨈᨚ ᨅᨖᨑᨗ᨞ ᨀᨅᨘᨄᨈᨙ ᨅᨘᨒᨘᨀᨘᨇ᨞᨞ ᨄᨗᨊᨗᨔᨗ ᨐᨗᨑᨚ ᨔᨅᨊᨛᨑᨊ ᨕᨔᨛ ᨀᨄᨒ ᨒᨍ ᨐᨗᨕᨙ ᨆᨄᨘᨊᨕᨗ ᨉᨘᨓ ᨕᨒᨗᨑᨗ ᨒᨍ᨞ ᨐᨗᨊᨑᨗᨈᨘ ᨈᨛᨒᨘ ᨑᨗ ᨌᨄ ᨑᨗᨐᨚᨒᨚ᨞ ᨉᨘᨓ ᨑᨗᨐᨚᨒᨚ᨞ ᨔᨗᨅᨓ ᨉᨘᨓ ᨄᨚᨒᨙ ᨑᨗ ᨆᨘᨋᨗ᨞᨞ ᨅᨗᨐᨔᨊ ᨑᨗᨄᨀᨙ ᨕᨘᨈᨘ ᨆᨑᨀ ᨅᨑ ᨒᨗᨈᨔ ᨄᨘᨒᨚ᨞᨞ ᨉᨘᨓ ᨕᨒᨗᨑᨗ ᨒᨍ ᨄᨚᨀᨚ ᨐᨗᨑᨚ ᨑᨗᨄᨈᨛᨈᨘᨀᨂᨗ ᨉᨘᨓ ᨀᨒᨗᨆ ᨔᨖᨉ᨞ ᨔᨗᨅᨒᨙᨊ ᨄᨗᨈᨘ ᨒᨇ ᨒᨍ᨞ ᨐᨗ ᨅᨛᨈᨘᨓᨊ ᨍᨘᨆᨛᨒ ᨕᨐ ᨐᨗᨆᨊᨛ ᨔᨘᨑᨛ ᨕᨄᨈᨙᨖ᨞᨞ ᨄᨗᨊᨗᨔᨗ ᨐᨗᨊᨑᨗᨈᨘ ᨔᨗᨑᨘᨄ ᨀᨄᨒ ᨒᨍ ᨆᨄᨀᨙ ᨈᨍ ᨒᨍ ᨔᨛᨀᨘᨊᨑ ᨔᨗᨅᨓ ᨉᨘᨓ ᨕᨒᨗᨑᨗ ᨔᨗᨅᨓ ᨄᨗᨈᨘ ᨒᨇ ᨒᨍ ᨅᨛᨈᨘᨓᨊ ᨐᨗᨊᨑᨗᨈᨘ ᨊᨙᨊᨙ ᨆᨚᨐᨊ ᨅᨂᨔ ᨕᨗᨉᨚᨊᨙᨔᨗᨐ ᨓᨛᨉᨗᨂᨗ ᨊᨌᨛᨊᨙᨀᨗ ᨐᨗᨑᨙᨁ ᨊᨒᨒᨚᨕᨗ ᨄᨗᨈᨘ ᨈᨔᨗ ᨆᨒᨚᨓ ᨑᨗ ᨒᨗᨊᨚᨓᨙ᨞᨞
ᨔᨗᨍᨑ
[padécéng | padéccéng pabbéré]ᨀᨄᨒ ᨕᨍᨘ ᨄᨗᨊᨗᨔᨗ ᨆᨗᨈᨙ ᨔᨛᨊᨊᨗ ᨑᨗᨄᨀᨙ ᨕᨗᨉᨚᨊᨙᨔᨗᨐ᨞ ᨐᨗᨊᨑᨗᨈᨘ ᨓᨛᨈᨘ ᨆᨂᨅᨕᨅ ᨑᨗᨐᨚᨒᨚ᨞ ᨊᨑᨙᨀᨚ ᨑᨗᨄᨑᨛᨀᨗᨑᨀᨂᨗ ᨀᨄᨒ ᨄᨗᨊᨗᨔᨗ ᨃᨊᨗ ᨌᨚᨇ ᨔᨅᨛᨒᨘᨊ ᨈᨕᨘᨊ 1500. ᨆᨛᨊᨘᨑᨘ ᨕᨑᨘᨀᨗᨑᨛ ᨒᨚᨈᨑ ᨕᨗᨒᨁᨒᨗᨁᨚ ᨓᨛᨈᨘ ᨕᨅ ᨆᨀ 14᨞ ᨄᨗᨊᨗᨔᨗ ᨄᨆᨘᨒ ᨑᨗᨐᨙᨅᨘ ᨕᨚᨒᨙ ᨔᨓᨙᨑᨗᨁᨉᨗ᨞ ᨕᨊ ᨅᨘᨑᨊᨙᨊ ᨉᨈᨘ ᨕᨀᨑᨘᨂᨛ ᨒᨘᨓᨘ ᨕᨘᨈᨘ ᨆᨒᨍ ᨑᨗᨈᨊ ᨌᨗᨊ ⌊ᨈᨗᨐᨚᨃᨚ⌉ ᨕᨙᨒᨚ ᨊᨒᨆᨑ ᨕᨊ ᨆᨀᨘᨋᨕᨗᨊ ᨄᨚᨒᨙ ᨕᨀᨑᨘᨂᨛ ᨌᨗᨊ ᨑᨗᨐᨔᨛ ᨕᨗᨓᨙᨌᨘᨉᨕᨗ᨞᨞
ᨔᨓᨙᨑᨗᨁᨉᨗ ᨔᨒᨆᨕᨗ ᨑᨗᨈᨊ ᨌᨗᨊ ᨔᨗᨅᨓ ᨊᨕᨙᨓᨕᨗ ᨆᨅᨕᨗᨊᨙ ᨕᨗᨓᨙᨌᨘᨉᨕᨗ᨞᨞ ᨄᨘᨑᨊ ᨐᨗᨑᨚ᨞ ᨆᨕᨗᨈ ᨊ ᨆᨚᨋᨚ ᨑᨗᨈᨊ ᨌᨗᨊ᨞ ᨔᨓᨙᨑᨗᨁᨉᨗ ᨒᨗᨔᨘᨓᨗ ᨄᨙᨕᨗᨆᨛ ᨑᨗ ᨀᨇᨚᨊ ᨆᨄᨀᨙ ᨄᨗᨊᨗᨔᨗ ᨑᨗ ᨒᨘᨓᨘ᨞᨞ ᨓᨛᨈᨘᨊ ᨕᨙᨒᨚ ᨆᨈᨆ ᨑᨗᨈᨔᨗᨊ ᨒᨘᨓᨘ᨞ ᨑᨗᨀᨛᨊᨕᨗ ᨀᨄᨒᨊ ᨅᨚᨅ ᨒᨚᨄᨚ ᨊᨕᨗᨊᨄ ᨀᨄᨒ ᨄᨗᨊᨗᨔᨗ ᨐᨗᨑᨚᨉᨚ ᨆᨄᨘᨓᨙ ᨈᨛᨒᨘᨕᨗ ᨔᨗᨅᨓ ᨆᨓᨂᨗ ᨑᨗᨓᨊᨘᨓ ᨕᨑ᨞ ᨓᨊᨘᨓ ᨈᨊ ᨒᨆᨚ ᨔᨗᨅᨓ ᨓᨊᨘᨓ ᨅᨗᨑ᨞᨞ ᨄᨅᨊᨘᨓ ᨑᨗᨈᨛᨒᨘᨓᨙ ᨓᨊᨘᨓ ᨐᨗᨑᨚ ᨊᨄ ᨊᨕᨙᨅᨘᨓᨗ ᨄᨕᨗᨆᨛ ᨄᨘᨓᨙᨄᨘᨓᨙ ᨀᨄᨒ ᨐᨗᨑᨚᨉᨚ ᨆᨏᨍᨗ ᨒᨚᨄᨗ ᨊᨕᨗᨊᨄ ᨊᨄᨛᨑᨛᨂᨗ ᨕᨔᨛ ᨄᨗᨊᨗᨔᨗ᨞᨞ ᨈᨚ ᨕᨑ ᨐᨗᨊᨑᨗᨈᨘ ᨄᨀᨙᨅᨘ ᨅᨅᨘᨓᨊ ᨀᨄᨒᨕᨙᨉᨙ᨞ ᨑᨗ ᨓᨊᨘᨓ ᨈᨊ ᨒᨙᨆᨚ ᨀᨄᨒ ᨐᨗᨑᨚᨉᨚ ᨕᨗᨑᨀᨗᨕᨗ᨞ ᨔᨆᨛᨈᨑ ᨈᨚ ᨅᨗᨑ ᨆᨑᨏ ᨀᨄᨒ ᨐᨗᨑᨚᨉᨚ ᨆᨏᨍᨗ ᨄᨗᨊᨗᨔᨗ ᨔᨗᨅᨓ ᨄᨗᨈᨘ ᨒᨍᨕᨙ ᨑᨗᨐᨙᨅᨘᨓᨗ ᨄᨚᨒᨙ ᨄᨄᨗᨀᨗᨑᨗᨊ ᨈᨚ ᨅᨗᨑ᨞᨞
ᨃᨈᨚ ᨈᨕᨘ ᨆᨀᨛᨉ᨞ ᨕᨔᨛ ᨄᨗᨊᨗᨔᨗ ᨐᨗᨕᨙ ᨑᨗᨐᨒᨕᨗ ᨄᨚᨒᨙ ᨕᨔᨛ ᨈᨕᨘ᨞ ᨐᨗᨊᨑᨗᨈᨘ ᨕᨔᨛᨊ ᨄᨗᨊᨗᨔᨗ᨞᨞ ᨃ ᨔᨙᨉᨗ ᨓᨛᨈᨘ᨞ ᨐᨗᨑᨚ ᨈᨕᨘᨔᨙ ᨆᨒᨍ ᨊᨒᨒᨚᨓᨗ ᨓᨗᨑᨗ ᨄᨈᨙ ᨓᨊᨘᨓ ᨅᨗᨑ᨞᨞ ᨐᨗᨑᨚ ᨆᨗᨈᨕᨗ ᨅᨃᨙ ᨀᨄᨒ ᨑᨗ ᨔᨙᨉᨙᨊ ᨈᨔᨗᨕᨙ ᨀᨙᨑᨚ᨞ ᨊᨕᨗᨊᨄ ᨕᨒᨙᨊ ᨊᨄᨘᨉᨂᨗ ᨔᨒ ᨔᨙᨉᨗ ᨄᨍᨚᨀᨕᨗ ᨀᨄᨒᨕᨙ ᨐᨗᨑᨚ ᨅᨓ ᨒᨍᨕᨙ ᨐᨗᨑᨚ ᨓᨛᨉᨗ ᨆᨘᨄ ᨑᨗᨄᨀᨛᨔᨗᨂᨗ᨞᨞ ᨓᨛᨈᨘᨊ ᨐᨗᨑᨚ᨞ ᨈᨚ ᨅᨗᨑᨕᨙ ᨆᨄᨗᨀᨗᨑᨗ ᨔᨗᨅᨓ ᨆᨑᨏ ᨒᨍ ᨆᨔᨛᨔᨘᨓᨙ ᨕᨁᨗᨐᨁᨗ ᨓᨛᨉᨗᨂᨙ ᨊᨄᨗᨁᨕᨘ᨞᨞ ᨄᨉ ᨓᨛᨈᨘᨊ ᨄᨘᨑᨕᨙ ᨐᨗᨑᨚ ᨆᨏᨍᨗᨊᨗ ᨒᨍ ᨄᨗᨊᨗᨔᨗ ᨄᨉᨕᨙ ᨆᨀᨚᨀᨚᨓᨙ᨞᨞ ᨄᨚᨒᨙ ᨄᨄᨘᨉᨊ ᨈᨕᨘᨓᨙ ᨐᨗᨑᨚ᨞ ᨆᨀ ᨄᨅᨊᨘᨓ ᨅᨗᨑ ᨊᨄᨛᨑᨙᨂᨗ ᨒᨍᨕᨙ ᨐᨗᨑᨚ ᨕᨔᨛ ᨄᨗᨊᨗᨔᨗ᨞᨞