ស្រុកមោងឫស្សី

ចំពោះមន្ត្រី ក្នុងសេនាទាហាន ក្រៅពីនេះទៅទៀត ព្រះបាទសម្ដេចព្រះចន្ទរាជាទ្រង់តាំងឱ្យធ្វើជាចៅហ្វាយស្រុកខ្លះ ជាក្រុមព្រះតម្រួតខ្លះ ជាក្រុមវាំងខ្លះ ជានាយទាហានខ្លះ គ្រប់មន្ត្រីដែលមានគុណបំណាច់ ក្នុងការធ្វើចម្បាំង គ្មានខ្វះចន្លោះ អ្នកណាម្នាក់ឡើយ។ ទ្រង់រាប់រៀបសរសើរពីគុណបំណាច់ នៃចៅហ្វាយពញាសួគ៌ាលោកមឿង (នូវ) ដែលបានថ្វាយសេះ ដំរី និងថ្វាយ កូន ៤នាក់ក្នុងគ្រាដែលព្រះអង្គទ័លសម្បត្តិ ទាំងគ្មាន ពលសោះ ហើយរត់ទៅក្រុងទេព និងកាលទ័ពសត្រូវ ចោមបន្ទាយពោធិ៍សាត់ ហើយពញាមឿង (នូវ) ប្ដូរជីវិតស្លាប់ ទៅកេណ្ឌបិសាច យកមកជួយ ឱ្យឈ្នះសង្គ្រាមច្រើនគ្រានោះថា : ទ្រង់តាំងកូនពីរនាក់ ឱ្យធ្វើជាសួគ៌ាលោកមួយ សេនាសង្គ្រាមមួយ នោះឃើញថា ពុំទាន់ធួនល្មម នឹងកម្លាំងបំណាច់ទើបទ្រង់តាំង ចៅពញាសួគ៌ាលោកទេព ទី៣ ជាសម្ដេចចៅពញាយោធានរិន្ទ តាំងចៅពញាសេនាសង្គ្រាម សុខ កូនទី ៤ ជាឧកញ៉ាសួគ៌ាលោក ឱ្យមានអាណាខេត្តឡើង (ខែត្រឡើង គឺ ខែត្រជាចំណុះ) គឺខែត្រក្រគរមួយ ក្រងមួយ ខ្លុងមួយ។ តមក ទ្រង់គិតដល់គុណបំណាច់ នៃពញាមនោមេត្រី គល់ ជាចៅមឿង ស្រុកបាត់ដំបង ដែលកាលសម្ដេចត្រឡប់ពីស្រុកសៀមមកដល់នោះ ហើយចៅពញាមនោមេត្រីបានថ្វាយដំរី ៥ និង សេះ ១៥ ព្រមទាំងថ្វាយ ស្បៀងអាហារ ១០០០ រទេះ។ ទ្រង់មានបន្ទូលថា : ចៅមឿងនេះ មានសក្ដិស្មើនឹងសក្ដិ ៦ ហ៊ូពាន់ តែពញាមឿង មានស្ម័គ្របក្សពួកច្រើនស្រុក ដូច្នេះ ទ្រង់លើកឡើងជា ចៅហ្វាយស្រុកធំ មានសក្ដិ ៩ ហ៊ូពាន់ ហើយឱ្យមានចៅមឿង ឡើងស្ដាប់បង្គាប់ ៥ ស្រុក គឺស្រុកមង្គលបូរី១ ទឹកជោរ១ បរត្បូង១ ពាមសីមា១ មោងឫស្សី១ ស្រុកខាងលើទាំង៥ នេះឱ្យឡើងស្ដាប់បង្គាប់នៃចៅមនោមេត្រី ទាំងអស់។ ឈ្មោះស្រុកមោងឬស្សីត្រូវបានផ្លាស់ប្ដូរទៅជាស្រុកអទិករទេវតេជះនិងត្រូវបានប្ដូរមកជាស្រុករណនេភគនៅឆ្នាំ១៩៤៣ក្រោមរាជាការសៀមនិងប្ដូរមកស្រុកមោងឬស្សីវិញនៅពេលសៀមប្រគល់មកឲ្យកម្ពុជាវិញនៅពេលជប៉ុនចាញ់សង្គ្រាមនឹងដកអានានិគមពីកម្ពុជានៅឆ្នាំ១៩៤៥។

ស្រុកមោងឫស្សីមាន៩ឃុំ ៖

ឃុំមោង
ឃុំគារ
ឃុំព្រៃស្វាយ
ឃុំឫស្សីក្រាំង
ឃុំជ្រៃ
ឃុំតាលាស់
ឃុំកកោះ
ឃុំព្រៃតូច
ឃុំរបស់មង្គល
អភិបាលស្រុកបច្ចុប្បន្ន
ទេព ហន អភិបាលស្រុក
បឿន សុវណ្ណ អភិបាលរងស្រុក (អភិបាលស្តីទី)
ទន់ សុផន អភិបាលរងស្រុក
ឡុង សុភឺន អភិបាលរងស្រុក
លឹក រដ្ឋមុន្នី អភិបាលរងស្រុក
លី សាលីម អភិបាលរងស្រុក
ម៉ន រ៉ាវី អភិបាលរងស្រុក

សូមមើលផងដែរ