ព្រះបាទស៊ីសុវត្ថិ ពង្សនារី

“ តើ សម្តេចស៊ីសុវត្ថិ ពង្សនារី មុនីពង្ស ជាព្រះញាតិខាងណា ? “

• ដោយតបតាមការសំណូមពរពីប្រិយមិត្តអ្នកអាន ដែលជារឿយៗ តែងតែជម្រុញនិងលើកទឹកចិត្តឱ្យទំព័ររបស់យើងបង្ហោះផ្សាយពីប្រវត្តិ ព្រះបរមវង្សានុវង្សខ្មែរ ទាំងខ្សែ នរោត្តម និងខ្សែ ស៊ីសុវត្ថិ នោះ ។ ថ្ងៃនេះគេហទំព័រ Colorise & Old Photos of Cambodia យើងសូមបង្ហោះផ្សាយថ្វាយ និងជូនពីព្រះប្រវត្តិរបស់ សម្តេច ស៊ីសុវត្ថិ ពង្សនារី មុនីពង្ស ដែលកន្លងមកយើងតែងតែឃើញព្រះភក្ត្រតែពុំបានស្គាល់ថា តើព្រះអង្គជាព្រះញាតិខាងណា ? សូមសម្តេច ព្រះអង្គម្ចាស់ ព្រះអង្គម្ចាស់ក្សត្រីយ៍ អ្នកអង្គម្ចាស់ អ្នកអង្គម្ចាស់ក្សត្រីយ៍ លោក លោកស្រី អ្នកនាងកញ្ញាប្រិយមិត្តអ្នកអាន សូមស្តេចយាងទត និងអញ្ជើញទស្សនាដូចតទៅ ៖

ជាបុត្រីនៃសម្តេចក្រុមហ្លួង ស៊ីសុវត្ថិ មុនីពង្ស និងត្រូវជាព្រះបិតុលានី ( ម្តាយមីងខាងឪពុក ) នៃព្រះករុណា ព្រះបាទសម្តេចព្រះ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា ។ សម្តេច ស៊ីសុវត្ថិ ពង្សនារី មុនីពង្ស ទ្រង់មាន ៖

- ព្រះនាមពេញ ៖ សម្តេច ស៊ីសុវត្ថិ ពង្សនារី មុនីពង្ស

- ព្រះនាមក្រៅ ៖ ម្ចាស់ឡូឡុត

- ប្រសូត ៖ ថ្ងៃព្រហស្បតិ៍ ទី ២៩ ខែ ឧសភា ឆ្នាំ ១៩៤៧

នៅទីក្រុងភ្នំពេញ ។

- បិតា ៖ សម្តេចក្រុមហ្លួង ស៊ីសុវត្ថិ មុនីពង្ស

- មាតា ៖ អ្នកម្នាង សឺន សុន ណារី ( កូនស្រីលោកឧកញ៉ា

យមរាជ សឺន ឌៀប )

- ស្វាមី ៖...?

- បុត្រ ៖... ?

- នៅឆ្នាំ ១៩៩៣ ព្រះករុណាព្រះបាទសម្តេចព្រះ នរោត្តម

សីហនុ ព្រះអង្គសព្វព្រះរាជហឫទ័យតែងតាំង អ្នកអង្គ

ម្ចាស់ក្សត្រីយ៍ ស៊ីសុវត្ថិ ពង្សនារី ជាទី « ព្រះអង្គម្ចាស់

ក្សត្រីយ៍ » រួចក្រោយមកទៀតតំឡើងជាទី

« សម្តេច » ។

- ដោយយោងតាមព្រះរាជក្រឹត្យចុះថ្ងៃទី ៦ ខែធ្នូ ឆ្នាំ ២០១៩

ព្រះករុណាព្រះបាទសម្តេចព្រះ នរោត្តម សីហមុនី

ព្រះមហាក្សត្រនៃព្រះរាជាណាចក្រកម្ពុជា ព្រះអង្គ

សព្វព្រះរាជហឫទ័យប្រោសព្រះរាជទានតែងតាំង

សម្តេច ស៊ីសុវត្ថិ ពង្សនារី មុនីពង្ស ជាសមាជិកាក្រុម

ប្រឹក្សាធម្មនុញ្ញជំនួសបន្តក្នុងអាណត្តិ ពី សម្តេចព្រះរាជ

បុត្រី ព្រះរៀម នរោត្តម បុប្ផាទេវី ។

- ពិធីសច្ចាប្រណិធាន សម្តេច ស៊ីសុវត្ថិ ពង្សនារី មុនីពង្ស

ឧត្តមប្រឹក្សាផ្ទាល់ព្រះមហាក្សត្រ ជា សមាជិកាក្រុម

ប្រឹក្សាធម្មនុញ្ញ នៃព្រះរាជាណាចក្រកម្ពុជា ត្រូវបាន

ធ្វើឡើងក្នុងព្រះទីន័ងទេវាវិនិច្ឆ័យ ព្រះបរមរាជវាំង

នាថ្ងៃទី ១៧ ខែធ្នូ ឆ្នាំ២០១៩ ។

- សព្វថ្ងៃព្រះអង្គមានព្រះជន្មាយុ ៧៣ ព្រះវស្សា ។

- នេះជាព្រះឆាយាល័ក្ខណ៍ សម្តេច ស៊ីសុវត្ថិ ពង្សនារី មុនីពង្ស ថតឆ្នាំ ១៩៩១ ។

- ឯកសារយោង ៖ • សៀវភៅ “ សិរប្រណាមចោមហ្លួង “

រៀបរៀងដោយលោក ក្រូច លីហ៊ន់ ។

• រូបពីទំព័រ Roger Viollet ។