ខេត្តនគរចម្ប៉ាស័ក្ដិ

ខេត្តនគរចម្ប៉ាស័ក្តិ จังหวัดนครจัมปาศักดิ์
ខេត្តនៃប្រទេសសៀម
១៩៤១–១៩៤៦
ទង់
Location of ខេត្តនគរចម្ប៉ាស័ក្ដិ ផែនទីខេត្តនគរចម្ប៉ាស័ក្តិ(ពណ៌បៃតង)
ទីរួម		ក្រុងចម្ប៉ាស័ក្ដិ
ប្រវត្តិសាស្ត្រ
•	សង្គ្រាមបារាំង-សៀម	០៩ ឧសភា ១៩៤១
•	សៀមប្រគល់ទឹកដីទៅឲ្យឥណ្ឌូចិនបារាំងវិញ	១៧ វិច្ឆិកា ១៩៤៦
បច្ចុប្បន្ន ភាគនៃ		កម្ពុជា លាវ

ខេត្តនគរចម្ប៉ាស័ក្ដិ (សៀម : จังหวัดนครจัมปาศักดิ์) គឺជាអតីតខេត្តរបស់សៀមដែលបានបង្កើតឡើងនៅក្នុងឆ្នាំ ១៩៤១ ក្រោយសង្គ្រាមបារាំង-សៀមនៅឥណ្ឌូចិន។ខេត្ត​នេះ​ត្រូវ​បាន​រំលាយចោលហើយ​ប្រគល់​ទៅ​ឲ្យបារាំង​វិញនៅក្នុង​ឆ្នាំ ​១៩៤៦។

ប្រវត្តិសាស្ត្រ

ខេត្តនគរចម្ប៉ាសក្ដិ គឺជាខេត្តមួយនៅក្នុងចំណោមខេត្តដែលត្រូវបានបង្កើតឡើងក្រោយសង្គ្រាមបារាំង-សៀមនៅពេលដែលរដ្ឋាភិបាលវីឈីបារាំងយល់ព្រមប្រគល់ខេត្តម្លូព្រៃនិងស្រុកថាឡាបរិវ៉ាត់(ខេត្តស្ទឹងត្រែង)របស់ប្រទេសកម្ពុជានិងផ្នែកខាងមុខទន្លេមេគង្គនៃខេត្តចម្ប៉ាស័ក្តិរបស់លាវទៅឲ្យសៀម។ទឹកដីទាំងពីរផ្នែកនេះត្រូវបានដាក់បញ្ចូលជាមួយគ្នាហើយបង្កើតបានជាខេត្តនគរចម្ប៉ាស័ក្តិ។បន្ទាប់ពីសង្គ្រាមលោកលើកទី ២ បានបិទបញ្ចប់ទៅដោយក្រុមសម្ព័នមិត្ត Allies ទទួលបានជ័យជំនះលើក្រុមសម្ព័ន្ធមិត្ត Axis ហើយរដ្ឋាភិបាលបណ្តោះអាសន្ននៃសាធារណរដ្ឋបារាំងបានគំរាមកំហែងនិងរារាំងមិនឲ្យសៀមដែលជាសម្ព័ន្ធមិត្តរបស់ក្រុមសម្ព័ន្ធមិត្ត Axis ចូលជាសមាជិករបស់អង្គការសហប្រជាជាតិដែលជាអង្គការទើបតែបង្កើតឡើងថ្មីបានឡើយ។នៅ​ទី​បំផុត​នៅ​ក្នុងឆ្នាំ ១៩៤៦ ខេត្តនគរចម្ប៉ាស័ក្តិត្រូវ​បាន​រំលាយ​ចោលនិង​ប្រគល់​ទៅឲ្យឥណ្ឌូចិនបារំាងវិញ​។

រដ្ឋបាល

ខេត្តនគរចម្ប៉ាស័ក្ដិ ត្រូវបានរដ្ឋអំណាចសៀមចែកចេញជា ០៦ ស្រុក(អាំភើ)ដោយយកក្រុងចម្ប៉ាស័ក្ដិ(ក្រុងប៉ាក់សេ ខេត្តចម្ប៉ាស័ក្ដិ)ធ្វើជាទីរួមខេត្ត ៖

លេខរៀង	ឈ្មោះភាសាខ្មែរ	ឈ្មោះអក្សរឡាតាំង	ឈ្មោះភាសាសៀម
០១	មឿងណៈខនចាមប៉ាសាក់	Mueang Nakhon Champassak	เมืองนครจัมปาศักดิ์
០២	វ័នណា វ៉ៃថាយ៉ាកន	Wan Waithayakon	วรรณไวทยากร
០៣	ថារ៉ាបរីវ៉ាត់	Tharaboriwat	ธาราบริวัตร
០៤	ម៉ៈណូ ប្រៃ	Mano Phrai	มะโนไพร
០៥	ចម ក្រាសាន្ត	Chom Krasan	จอมกระสานต์
០៦	ផុន ថង	Phon Thong	โพนทอง