ߞߊ߲߬ߖߊ߬ߡߊ߯ߘߌ߫wp/nqo
ߞߊ߲߬ߖߊ߬ߡߊ߯ߘߌ߫ ߖߊ߰ߣߍ߫ ߣߌ߲߬ ߠߋ߬ ߘߋ߲ߞߍ߫ ߝߟߐ ߦߋ߫ ߝߊߕߎߡߊ߫ ߞߊߙߌߝߟߊ߫ ߘߌ߫ ߸ ߡߍ߲ ߞߵߊ߬ ߘߐ߯ߞߍ߫ ߝߊߕߎߡߊ߫ ߓߊߓߊ߫ ߡߊ߬ߡߊߘߌ߫ ߖߊ߰ߣߍ߫ ߣߴߊ߬ ߘߎ߬ߢߐ߮ ߟߎ߫ ߞߊ߬ߙߊ߲߬ ߒߞߏ ߟߴߊ߬ߟߎ߬ ߘߋ߲ߣߍ߲ߕߐ، ߞߊ߲߬ߖߊ߬ߡߊ߯ߘߌ߫ ߡߏߦߌ߫ ߘߊ߫ ߁߉߂߂ ߟߋ߬ ߟߊ߫ ߡߊߡߌ߲߫ ߣߴߊ߬ ߣߊ߬ߡߌ߬ߢߐ߲߯ ߖߊ߰ߞߊ ߖߊ߰ߣߍ߬ ߓߟߏ߫ ߓߊߕߍ߫ ߣߝߊ߬ߖߌ߫ ، ߞߊ߲߬ߖߊ߬ߡߊ߯ߘߌ߫ ߞߍ߫ ߘߊ߫ ߟߐ߲ߠߌ߲ߟߊ߲ߘߌ߫ ߓߟߋ߬ߓߟߋ ߟߋ߬ ߘߌ߫ ߣߴߊ߬ ߡߊ߫ ߢߵߊ߬ ߟߊ߫ ߖߊ߰ߣߍ߬ߘߋ߲߬ߦߊ ߞߐ߫ ߸ ߡߊ߲߬ߘߋ߲߫ ߡߏߙߌߛߌ ߞߊ߬ߣߌ߲߫، ߏ߬ ߓߟߏߡߊ߬ ߸ ߊ߬ ߣߴߊ߬ ߝߘߎߡߊ ߟߎ߫ ߞߵߊ߬ߟߎ߬ ߝߙߍ߫ ߕߙߐߦߊ߫ ߡߊߜߙߏ ߡߵߊ߬ߟߎ߬ ߘߋ߲ߣߍ߲ ߠߎ߬ ߟߊߓߐ߫ ߞߊߡߵߊ߬ ߘߐ߫ ߛߴߊ߬ ߓߍ߯ ߘߴߊ߬ߟߎ߬ ߓߟߏߛߌ߰ ߦߙߐ ߟߐ߲߫ ߡߏߙߌߞߊߙߊ߲ ߣߌ߫ ߘߏ߫ ߜߘߍ߫ ߟߎ߫ ߘߐ߫.
ߏ߬ ߟߋ ߡߊ߬ ߸ ߊ߬ ߞߵߊ߬ ߘߋ߲ ߓߍ߯ ߟߊߘߍ߬ߣߍ߲ ߟߊߘߏ߲߬ ߡߏߙߌ߫ ߞߊߙߊ߲ߕߊ ߟߴߊ߬ ߓߌߘߊ߲ߞߍ߫ ߝߏߘߋ߫ ߥߊ߬ߘߌ߬ߦߊ߬ߡߊ߯ߘߌ߫ ߓߏ߲߬ߓߊ ߝߍ߬ ߸ ߊ߬ ߘߋ߲ߢߐ߲߯ ߘߐ߫ߡߛߏ߫ ߛߊߘߊ߲ߖߍ߬ߣߍ߫ ߗߍ߬ ߞߊ߬ߣߌ߲߫ ، ߝߏߘߋ߫ ߛߟߏ߬ߡߊ߯ߣߊ߫ ߟߊ߫ ߛߏߘߏ߲ ߕߎ߬ߡߊ߬ ߖߏߣߊ ߟߊ߫ ߞߊ߬ ߓߐ߫ ߜߋ߲-ߞߐ߬ߖߌ߬ߘߊ ߟߊ߫ ߸ ߊ߬ ߞߊ߬ ߞߊ߬ߙߊ߲߬ߡߐ߰ߞߍ ߏ߬ ߟߋ ߣߴߊ߬ ߟߊ߫ ߞߊ߬ߙߊ߲߬ߘߋ߲߬ ߞߎߡߊ ߟߎ߫ ߞߊ߬ߙߊ߲߬ ߒߞߏ ߟߊ߫ ߸ ߝߊߕߎߡߊ߫ ߞߊߙߌߝߟߊ߫ ߕߘߍ߬ ߘߊ߫ ߏ߬ ߟߋ ߘߐ߫ ߸ ߞߊ߬ߙߊ߲߬ߡߐ߯ ߓߊ߬ߓߊ߫ ߡߊ߬ߡߊߘߌ߫ ߖߊ߰ߣߍ߫ ߞߊ߬ߙߊ߲߬ߡߐ߰ ߦߋ߫ ߏ߬ ߡߍ߲ ߘߌ߫ ߒߞߏߞߏ ߘߐ߫.
ߒߞߏ ߞߍߦߙߐ߫ ߞߊ߲߬ߖߊ߬ߡߊ߯ߘߌ߫ ߟߏ߫ ߏ߱ ߸ ߊ߬ ߣߌ߫ ߞߘߐߝߐߟߊ߲߫ ߞߊ߲ߞߋߟߋ߲ߡߊ ߣߌ߫ ߞߊ߲ߝߌߟߊߡߊ ߣߌ߫ ߞߊ߲ߥߙߍߡߊ ߟߎ߬ ߓߍ߯ ߕߐ߯ߟߊߣߍ߲߫ ߞߊ߲߬ߖߊ߬ߡߊ߯ߘߌ߫ ߣߌ߲߬ ߠߋ߬ ߟߊ߫.
ߝߣߊ߫߸ ߞߊ߲߬ߖߊ߬-ߡߊ߯ߘߌ߫ ߕߐ߯ߡߊ߲߫ ߣߊ߫ ߕߐ߮ ߟߋ߬ ߟߊߣߍ߲߫ ߊ߬ߟߋ ߞߊ߲߬ ߸ ߣߴߏ߬ ߕߍ߫ ߊ߬ ߣߊߘߋ߲ߡߊ߫ ߖߊ߰ߞߊ߬ ߕߋߌߘߊ߲ߘߌ ߏ߱ ߸ ߖߊ߰ߞߊ߬ ߛߘߌߞߌ߫ ߣߌ߫ ߖߊ߰ߞߊ߬ ߞߊߓߌߣߍ߫ ߟߎ߫ ߏ߱ ߸ ߊ߬ ߣߊ߫ ߕߐ߮ ߟߋ߬ ߟߊ߫ ߘߊ߫ ߏ߬ ߟߎ߬ ߓߍ߯ ߞߊ߲߬ ߝߏ߫ ߊ߬ߟߋ ߸ ߞߊ߲߬ߖߊ ߟߋ߬ ߟߊ߫ ߘߴߊ߬ߟߋ ߕߐ߮ ߞߊ߲߬ ߡߎ߬ߕߎ߲߬ ߞߵߊ߬ ߕߏ߫ ߞߊ߲߬ߖߊ߬ߡߊ߰ߘߌ߬ߞߏ ߡߊ߬. ߞߊ߲߬ߖߊ߬ߡߊ߯ߘߌ߫ ߞߊ߬ ߡߛߏ߬ ߣߊ߯ߣߌ߲߫ ߠߋ߬ ߝߘߎ߫ ߸ ߝߌ߬ߟߊ߬ ߝߟߐ ߛߊ߬ߣߍ߲ ߣߊߟߌ߬ߡߎ߲߫ ߝߊߕߎߡߊ߫ ߛߙߋ߬ߝߎ߫ ߣߌ߫ ߕߐߙߐ߲ߓߊ߫ ߖߊߥߙߊ߫ ߘߌ߫ ߸ ߞߊ߬ ߝߌ߬ߟߊ߬ ߜߘߍ߫ ߕߊ߬ ߣߊߟߌ߬ߡߎ߲߫ ߝߊ߲ߕߊ߬ ߓߙߋߕߋ ߣߌ߫ ߝߌ߬ߟߊ߬ߣߍ߲߬-ߛߊߘߊ߲߫ ߖߊ߰ߣߍ߬ ߘߌ߫.
ߏ߬ ߟߎ߫ ߞߊ߬ ߘߋ߲ ߢߌ߲߬ ߠߎ߫ ߟߋ߫ ߛߐ߬ߘߐ߲߫ ߊ߬ ߦߋ߫: ߝߊߕߎߡߊ߫ ߕߊ ߟߎ߬ ߛߊ߬ߦߊ ߞߐ߫: ߞߊ߬ߙߌ߬ߝߟߊ߫ ߸ ߞߕߊ߬ߜߍ߫ ߸ ߛߏ߬ߙߌ߫ ߸ ߓߊ߬ߓߊ߫ ߊ߬ߙߊ߬ߝߊ߲ (ߓߊ߬ߓߊ߫ ߡߊ߬ߡߊߘߌ߫ ߖߊ߰ߣߍ߫) ߸ ߊ߬ ߣߌ߫ ߡߊ߬ߡߘߎ߫ ߘߐ߰ߡߊ߲. ߕߐߙߐ߲ߓߊ߫ ߕߊ ߟߎ߬ ߛߊ߬ߦߊ ߞߐ߫: ߝߊ߲ߕߊ߬ߕߎ߬ߙߋ ߸ ߖߊ߰ߞߊ߬ߡߊ߯ߘߌ߫ ߸ ߓߊ߲߬ߞߊߟߌ ߸ ߊ߬ ߣߌ߫ ߡߊ߬ߡߘߎ߫ ߓߏ߲߬ߓߊ. ߓߐ-ߛߊߘߊ߲ ߕߊ ߟߎ߬ ߛߊ߬ߦߊ ߞߐ߫: ߡߊߡߌ߲߫ ߸ ߖߊ߰ߞߊ ߸ ߟߏ߲߬ߛߋߣߌ߲߫. ߡߛߏ߬ ߝߌ߬ߟߊ߬ ߝߟߐ ߟߎ߫ ߛߊ߬ ߘߊ߫ ߞߊ߲߬ߖߊ߬ߡߊ߯ߘߌ߫ ߢߍ߫ ߟߋ߬ ߸ ߊ߬ߟߋ ߣߊ߬ ߛߏߛߊߦߌ ߞߍ߫ ߟߊ߫ ߓߐ-ߛߊߘߊ߲ ߧߋ߫ ߸ ߏ ߛߌ߰ ߘߴߊ߬ ߘߐ߯ߞߍ߫ ߖߊ߰ߞߊ߬ ߛߘߌߞߌ߫ ߛߟߊߟߊ߫ ߸ ߞߊ߬ ߝߌ߬ߟߊ߬ߣߍ߲ ߠߎ߫ ߛߐ߬ߘߐ߲߫ ߏ߬ ߦߋ߫ ߣߊߟߌ߬ߡߎ߲߫ ߞߊ߰ߓߌ߬ߣߍ߬ ߣߴߊ߬ ߓߐ߫ ߛߊߘߊ߲ ߘߌ߫ ߸ ߊ߬ ߣߌ߫ ߏ߬ ߟߎ߬ ߛߊߦߏ߲߫ ، ߞߣߊ߬ ߕߏ߫ ߛߊ߬ ߟߊ߫ ߘߋ߲ߞߍ ߟߎ߬ ߝߘߎߞߍߣߍ߲ ߞߐ߫ ߞߐߣߊߞߙߌ߫. ߓߙߋߕߋ߫ ߡߛߏ ߕߊ߫ ߘߋ߲߫ ߛߐ߬ߘߐ߲߬ߣߍ߲ ߠߎ߬ ߡߊ߫ ߓߊߟߏ߫ ، ߝߣߊ߫ ߸ ߏ߬ ߝߘߎ ߛߊ߬ ߘߊ߫ ߟߋ߬. ߊߟߊ߫ ߤߌߣߴߊ߬ߟߎ߬ ߓߍ߯ ߟߊߘߍ߬ߣߍ߲ ߠߊ߫.