Паўлаўск (Варонеская вобласьць)

Паўлаўск
рас. Павловск
Герб Паўлаўску Сьцяг Паўлаўску
Дата заснаваньня:	1709
Краіна:	Расея
Суб’ект фэдэрацыі:	Варонеская вобласьць
Плошча:	8,22 км²
Вышыня:	83 м н. у. м.
Насельніцтва:	▼21 409 чал. (1 студзеня 2025)
Часавы пас:	UTC+3
Тэлефонны код:	47362
Паштовы індэкс:	396420–396424
Нумарны знак:	36, 136
Геаграфічныя каардынаты:	50°27′3″ пн. ш. 40°8′23″ у. д.
Паўлаўск на мапе Расеі Паўлаўск
Галерэя здымкаў у Вікісховішчы
http://pavlovskadmin.ru/

Па́ўлаўск (па-расейску: Павловск) — горад (з 1711 году) у Расеі, адміністрацыйны цэнтар Паўлаўскага раёну Варонескай вобласьці. Насельніцтва складае 25 047 чалавек паводле зьвестак за 2017 год. Месьціцца на левым беразе Дону за 156 км на поўдзень да Варонежу.

Горад заснаваны ў 1709 годзе Пятром I як вайсковая вэрф, якая была перанесена з Варонежу, і расейская крэпасьць. Крэпасьць будавалася швэдамі, паланёнымі пад Палтавай.

Да 1711 году места насіла назву Осерэд. Осерэдзкая крэпасьць была перайменаваная ў Навапаўлаўск паводле загаду цара пасьля няўдалага Пруцкага паходу ў памяць аб страчанай на карысьць Асманскай імпэрыі крэпасьці Сьвятога Паўла на Азоўскім моры. У тым жа годзе крэпасьць атрымала статус гораду і стала называцца Паўлаўскам. На Паўлаўскай вэрфі будаваліся вайсковыя караблі і ствараўся расейскі флёт. У месцы былі пабудаваны гарматны і ліцейныя заводы, адкрыты канатная і ваўняная фабрыкі. Горад у той час называлі малым Санкт-Пецярбургам. У 1779 годзе Паўлаўск атрымаў статус павятовага гораду. У 1781 годзе быў зацьверджаны герб гораду — срэбраны шчыт з выявай Сьвятога апостала Паўла.

У XVIII—XIX стагодзьдзях горад паступова згубіў сваё былое значэньне, аднак заставаўся адным з самых добраўпарадкаваных гарадоў у Варонескай губэрні. У канцы XVIII стагодзьдзя горад быў практычна зьнішчаны чатырма вялікімі пажарамі.

Вонкавыя спасылкі

Паўлаўск (Варонеская вобласьць) — сховішча мультымэдыйных матэрыялаў

• Афіцыйны сайт