Даўбучкі

Вёска Даўбучкі Краіна Беларусь Вобласць Гродзенская Раён Смаргонскі Сельсавет Сінькоўскі Каардынаты 54°20′48″ пн. ш. 26°26′21″ у. д. Часавы пояс UTC+3 Тэлефонны код +375 1592 Аўтамабільны код 4 Даўбучкі Даўбучкі

Даўбучкі на Вікісховішчы

Даўбучкі (трансліт.: Daŭbučki, руск.: Довбучки), часам Даўбуцішкі — былая вёска ў Смаргонскім раёне Гродзенскай вобласці Беларусі. Уваходзіла ў склад Сінькоўскага сельсавета. Знаходзіцца за 15 км на поўдзень ад горада Смаргонь.

Гісторыя

Паселішча ўпершыню згадваецца ў канцы XVI стагоддзя ў інвентары пад назвай Далбуцішкі, ва ўладанні Алікеча Бекгімовіча, адносілася да аднаймённага маёнтка. Насельніцтва двароў маёнтка складалі татары. У дакументах сустракаліся назвы: Далбуцішкі, Далбуцінскае, Даўбуцішкі, Даўбучкі. Уваходзіла ў Ашмянскі павет Віленскага ваяводства Вялікага Княства Літоўскага. Знаходзілася адна з найстарэйшых татарскіх асад паміж Мысай і Беніцай. У другой палове XVIII — першай палове XIX стагоддзяў уласнасць Крычынскіх, Талькоўскіх. У пачатку XX стагоддзя ваколіца з млынам Талькоўскага была ў Беніцкай воласці Ашмянскага павета Віленскай губерні. У 1905 годзе ў вёсцы быў 31 жыхар (16 мужчын, 15 жанчын).

Славутасці

Даўбуцкая мячэць у 1934 годзе. Фота Яна Булгака

У вёсцы знаходзілася мячэць, якую перавезлі ў Беларускі дзяржаўны музей народнай архітэктуры і побыту.

Літаратура

• Лакотка А. І. Паміж аколіц і крутых пагоркаў // Бераг вандраванняў, ці Адкуль у Беларусі мячэці. — Мн.: Навука і тэхніка, 1994. — С. 64—73. — 143 с. — ISBN 5-343-01454-2.
• Міскевіч Сяргей. Кніга памяці. Даўбуцішкі. — Мінск, 2021. — 72 с.
• Doubuciszki // Słownik geograficzny Królestwa Polskiego i innych krajów słowiańskich. Tom XV, cz. 1: Abablewo — Januszowo (польск.). — Warszawa, 1900. — S. 433.

Спасылкі

• На Вікісховішчы ёсць медыяфайлы па тэме Даўбучкі